مجـــــرد ااقتــــراح ....... وانتم اصحاب القرار

**hamdy** · 24-03-2008 01:22 PM

الزمان : يوم 28/3/2007
المكان ممكن يبقا مدينة نصر او مصر الجديدة او التحرير حسب الاتفاق
لو مدينة نصر اقترح يبقا اول شارع النزهة من ناحية الاوتوستراد
لو مصر جديدة ممكن يبقا التجمع في مثلا عند نادي الطيران في ميدان الحجاز
لو التحرير ممكن قدام الجامعة الامريكية قدام ماك

ممكن بقا : اللي عايز يجيب هدية معاه ممكن كتاب دين لحد عيان هناك
وردة جميلة
او ظرف فيه فلوس حتي ولو بسيطة
ممكن نلم من بعض و نحط الفولس في ظرف ونديها لحد هناك مسئول

**ZALABANY** · 24-03-2008 01:58 PM

أحيي الأخت على الموضوع الرائع وأتمنى أن نبدأ في التنفيذ الفعلي عندنا أماكن كتير ممكن نزورها ممكن نعملهم جدول زمني عندنا معهد الأورام ومستشفي 57357 وعندنا مستشفى الأطفال الجامعي أبو الريش بعد كده في دور الأيتام اللي ما بتلاقيش دعم أو مش مشهورة زي الأورمان ورساله لأن دول فعلا شغالين ومعروفين وبيجيلهم دعم الحاجه التالته ان احنا فعلا نحاول نتعرف على اسر فقيره حالات بعينها نساعدها وأوجه المساعده هنا كتير كفالة أيتام تزويج أيتام وغير قادرين الأفكار كتير
ياريت كل واحد عنده إقتراح أو أماكن ممكن نعملها يكتبهم ويحطهم في ملف وأنا هاجمعهم كلهم في جدول واحد نعمل بيه برنامج كامل نبدأ نرتب نفسنا ونشتغل على أساسه ومش بعيد خلال فترة قصيره نكون عملنا جمعية نايل موتورز الخيريه وياريت ماحدش يبخل بوقت ولا فكر ولا مجهود عندنا وقت كتيييير اوي بيضيع في كلام فاضي لو خصصنا جزء ولو بسيط منه لله بأمر الله ربنا هايكرمنا والله المستعان منتظر منكم الإقتراحات لوضع الخطه والبرنامج للعمل
ومافيش مانع نتقابل كلنا يوم الجمعه مثلا ونروح معهد الأورام وممكن نتقابل هناك كلنا واللي ربنا يقدره يجيب أي حاجه ولو بسيطه معاه أو نتفق من دلوقتي هانعمل ايه

**دموع الثلج** · 17-04-2008 04:28 PM

ياريت اللى عنده معلومات عن مكان مستشفى 57357 يكتبها لى
لانى دورت على موقع المستشفى بالنت ملقتش العنوان

وياريت لو فيه حد يحب يعمل زياره للمستشفى فى الويك اند ده ممكن نرتب وقت ونروح كلنا نزورهم

**أبومعاذ** · 17-04-2008 05:19 PM

المشاركة الأصلية كتبت بواسطة دموع الثلج

ياريت اللى عنده معلومات عن مكان مستشفى 57357 يكتبها لى
لانى دورت على موقع المستشفى بالنت ملقتش العنوان

وياريت لو فيه حد يحب يعمل زياره للمستشفى فى الويك اند ده ممكن نرتب وقت ونروح كلنا نزورهم

http://www.57357.com/Default.aspx?tabid=68&language=ar

**OlaOsman** · 17-04-2008 05:42 PM

انا سمعت ان فيه حفلة بكرة للمرضى الأطفال.. حد يعرف تفاصيل عن الموضوع ده؟

**السيد أحمد** · 17-04-2008 05:59 PM

عنوان مستشفى 57357
هى فى منطقة مصر القديمة بالمدابغ
لو من الكورنيش بتدخلى ليها من عند اشارة فم الخليج ( بين مستشفى الاورام وكوبرى الملك الصالح )
وتمشى بجوار السور الكبير اللى كان بيوصل مياه للقلعة هتلاقيه على شمالك على بعد حوالى 500 م
،ولو جايه من صلاح سالم تعدى القلعة وكوبرى السيدة عائشة وأول اشارة تقابلك ادخلى من عندها يمين وتمشى لأخر الشارع هتلاقيها على يمينك .

**Mzeid** · 17-04-2008 06:26 PM

فكرة جميلة و أنا معاكم إن شاء الله ..
:):)

**وحش التجارة** · 17-04-2008 06:27 PM

ممكن نجمع الفلوس مع واحد مننا وبعدين هو ياخد الفلوس ده باسم الموقع ويحطها فى حساب المستشفى فى البنك الاهلى او بنك مصر او اى بنك تانى

وانا ممكن اتولى منطقة الجيزة علشان انا بشتغل فى جامعة القاهرة وعندنا البنك الاهلى بيقبل التبرعات للمستشفى او مستشفى ابو الريش او منطقة بتتعامل مع الاطفال الفقرة فممكن نتفق على يوم اكون فى منطقة مبنى واحد فى المدينة الجامعية اقدام باب كلية اداب الم الفلوس واروح احطها فى البنك واجيب ايصال بالايداع فى وقتها

لو موافقين ابعتولى على الايميل وانا ممكن اقوم بالمهمة ده