الموضوع: مجـــــرد ااقتــــراح ....... وانتم اصحاب القرار

الله يبارك فيكي ويكرمك وبجد فكرة ممتازة وتستحق الاهتمام من الجميع ويارب يجعلة في ميزان حسناتك ويقدر الجميع على فعل الخير ... ودة ابسط حاجة ممكن نعملها فعلا وبجد قد اية ممكن الواحد يحس براحة نفسية لما يكون سبب فانو يسعد انسان ويقدر يرسم ولو بسمه على شفاه حزينه ويمد ايدة لحد محتاج المساعدة .... بالتوفيق وانا باذن الله معاكم

فكرة ممتازة يا دموع ولو اتعملت احنا ممكن نعمل برامج زي برامج صناع الحياة يعني لو كل واحد فينا اتبرع بجنيه هايبقى معانا 3000 جنيه واكيد فينا اعضاء عارفيين ناس محتاجين كتير ممكن تتوجه ليهم الفلوس ده او ممكن نجمع من كل عضو الملابس اللي مش محتاجها بشرط تكون حالتها جيدة ويغسلها ويكويها ويحطها في كيس ويجيبها لنفس الغرض. الافكار موجودة كتير بس محتاجة تنسيق وتنفيذ.
وفي موضوع مثبي في المنتدي للأعمال الخيرية ممكن تشوفيه وجزاكي الله خيراً وجعله في ميزان حسناتك ان شاء الله

فكرة جميلة جدا
وانا عندي اقتراح لمكان ممكن نزوره جدا وهو
معهد ناصر للاورام واسال الله العافية لي ولكم

انا موافق يا جماعه و اى اقتراح تقتروحوه انا معاكو فيه

انا بجد فرحانه جدا باخوانى اللى تحمسوا للمشاركه فى عمل جماعى
اجره فى الاخر عظيم وهنلاقى فعلا افكار كثير وناس اكثر محتاجه اذا كنا احنا الحمد لله عايشين فى نعمه من الله وفضل منه انه معانا سيارات وعايشين فى بيوت جميله وصحتنا الحمد لله لازم نعرف قيمه النعم دى ومش هنحس بالقيمه الا لو عشنا للحظات مكان اشخاص محرومين من النعم اللى عندنا

اتمنى ان الموضوع ميكنش انفعال وقتى وبعدين كلنا نكسل

كل واحد فينا يقدر يعمل عمل خير لوحده صحيح وربنا هيجازيه خير

بس لو كان العمل ده جماعى هياخذ ثواب عن كل شخص اشترك معاه فى الخير ده وثوابه هيكون اكبر
ثانى شى ممكن يكون فيه مننا ناس نفسها تساعد الغير بس بتكسل او مش لاقيه فرصه او متعرفش حد مثلا محتاج وانا ممكن اكون من الناس اللى نفسها تعمل كده بس محتاجه تشجيع

انا كتبت الموضوع الغرض الاول منه اننا نشجع بعض يعنى لو واحد من الجروب كسل يلاقى عضو بيفكره او بيشجعه انه ينشط للخير

فعلا ذى ماقالت اختى نونا وغيرها انه الجنيه مش هيفرق مع حد منا لكنه لو اتجمع هيفرق مع اسره باكملها .......

خلــــونا نتخلص من امراض القلوب و نتعاون ذى ما قال ربنا تعــــــاونوا على البر والتقوى ولا تعاونوا على الاثم والعدوان