الموضوع: لب وطراطير وسمك بيطير

يا جماعة خلاص هانلاقي حد يوردلنا سمك بدل الحلاوة واحنا عند سلومة الاقرع
بس على فكرة
السمك مش هايوصلنا طبعا كالعادة
المشكلة ان الرشوة والفساد وصل لكل مكان وحكاية كنتاكي دي شوفت زيها كتير قوي
ومش بيقدروا غير على المحلات الصغيرة لكن المحلات الكبيرة مابيقدروش
واحنا كشركة كبيرة عالمية شركتنا بعتت مضيتنا على حاجة اسمها ميثاق الشرف وممنوع الاكراميات تماما مهما كان اسمها ومسمياها وده بيقوفلنا شغل كتير جدا
حتى الهدايا بقت بحدود جدا جدا
وافتكر والله لما كنت شغال في خدمة العملاء في التسليمات
ان بعض كبار المديرين اللي جاين يستلموا لوحات كهرباء بمئات الالاف لاحدى الهيئات او المؤسسات القطاع العام مابيرضوش يمضوا على محضر الاستلام قبل ما يتغدوا وياخدوا الهاديا المحترم
حاتم للاسف انت عارف وانا عارف اللي فيها
وكفاية موبيالي اللي ب 5000 جنية واتسرق في صلاة الجمعة في المسجد وماجاش لحد دلوقتي ولا هاييجي
والسبب ان ظباط الشرطة مش ناقصين وجع دماغ
ومش عارفين ان ده بيشجع سرقة الموبيلات بشدة لان مفيش تتبع الا لو مقرون بجناية
-------------------
شكل الموضوع هايتحول من سمك بيطير لسمك بيعوم
شريف الحوض الصغير لو عايز حاجة شيك بجد عليك وعلى الاحواض الصيني ولسه شايف واحد امبارح بيفلتر المية وبيحاظ على درجة الحرارة بسخان داخلي وحوارت كتير وشيك قوي ب 250 جنية
ده كان من سنة واحدة بالف جنية
والسمك فصايل كتير عشان ماينفعش تحط اي نوع مع بعض
نايل ستورم اهلا بيك انا هاوي بس ومادخلتش في الاحتراف والتفريخ لاني بصراحة مش غاوي دوشتة في ظل وجود بيدو وكنزي
تاو تاو فعلا هو مكان كويس جدا بس لازم تكون عينك في وسط راسك بس زحمة قوي ومتعب في الوصول اليه وانا بركن عربيتي برة واخد الميكروباص باخاف ادخل بيها جوة بصراحة
نايل انتبتقول ان السمك بلاش منه
عايز اقولك اني مش هاغامر واحد في الحوض بتاعي ريد كاب بيور ب 200 جنية مثلا للقطعة الواحدة
هاجيب قطعة نقاء اقل ب 25 جنية
السمك هناك فيه وفيه
الكويس دايما تلاقية الصبح بدري يعني 9 او 10 تكون هناك
واللي بيفضل لبعد كدة هو الوحش او النقاء الاقل
وصدقني الهاوي مش عايز اكتر من قطعة شكلها حلو وصحتها كويسة وخصوصا الصحة دي وخلاص
اما عن المساح يا دموع ده اسمه بلاك استوماس
وهو الكبير منه غاللي
بس الكبير ده مابيشتغلش زي الصغير
الصغير يشتغل اقوي واحسن اللي القطعة ب 5 جنية في السوق وب 10 في المحلات
وزية في التنضيف الكات فيش الصغير احسن من الكبير
بس مش صغير قوي بدل ما يتاكل او يروح في الفلتر
لان الحوض بتاعي متر
فبيحتاج فلتر قوي وسمك حجم معقول عشان يبان
اما عن تغيير ماء الحوض
طبعا يفضل تغيير ربع الحوض فقط من اسبوعين الى شهر حسب حجم الحوض
وتغيير الماء بالكامل مرة واحد من كل 6 الى 8 شهور
عشان فعلا نحافظ على نسبة البي اتش ودرجة حرارة المياة ونسبة الملوحة في الماء
والسمك يموت او يجلة صدمة لو نزلت او طلعت درجة الحرارة اكتر من 5 درجات مرة واحدة فيما يسمى بصدمة درجة الحرارة
اما عن تحويش المية ما تقلقش يا تاو تاو انا بحط المية واحط انتي كلور محترم واظبط السخان وفي خلال نص ساعة بكون مرجع السمك الحوض بالتديج عشان البي اتش في المية