محتار و عايز حد يساعدني سريون 1500 أو فيات بونتو إيفو 1400

**moh.aboelkheir** · 21-12-2010 12:34 AM

المشاركة الأصلية كتبت بواسطة slim_shika

وانا برده مظنش يا مستر أبوالخير :P

بس ثانية!

أنت أوتو. وديه حاجة تانية مش في صالحك. )

برده هشد معاك لخفظ ماء الوجه

... بس ممنوع الجماهير و التصوير

**slim_shika** · 21-12-2010 02:19 AM

المشاركة الأصلية كتبت بواسطة moh.aboelkheir

برده هشد معاك لخفظ ماء الوجه :oc_sun1[1]: ... بس ممنوع الجماهير و التصوير :ob_mak1[1]:

إزاي بقى ممنوع الجماهير يا حبي, أُمّال هنشيد كوتيمي ههههههههه.

**nabaster** · 21-12-2010 03:40 AM

بعد اذنك يا احمد يوكو

المشاركة الأصلية كتبت بواسطة M.Osman

بعدين مترفعش الألقاب و انت بتتكلم معايا لو سمحت
انا اسمي ا/محمد

الكلمه دي اتكررت كتير علي فكره

بس لحسن حظك المره الاولي الموضوع اتقفل

ومعرفش اصلا امتي قلتهالي قبل كده

بس دي فرصه كويسه اوضحلك حاجه غايبه عنك

ا/محمد الالقاب مش بتعمل قيمه لاصاحبها

يا اما ناس قدام اساميهم القاب بالاربع خمس اسطر لاكن قيمتهم صفر علي الشمال

وكلهم عباره عن مارونيت في ايدين الي اكبر منهم

لاكن الكبير كبير بعقله ووزن كلمته وسط الناس

كبير بتصرفاته الي دايما بتعرف الناس قد ايه الشخص ده محترم

كلامه مباشر ومش بيحور في الكلام

مش بكام كلمه قبل اسمه ملهمش اي قيمه

بالمناسبه يا ا/محمد انتا يادوب في سن اخويا الصغير

ربنا يهديك ويهدينا جميعا

ارجو تقبل هذه النصيحه بصدر رحب من اخب كبير وكل ما بها مجرد امثله للتوضيح ليس اكثر

A.Yakout

**M.Osman** · 22-12-2010 02:27 AM

الكلمه دي اتكررت كتير علي فكره

بس لحسن حظك المره الاولي الموضوع اتقفل
ومعرفش اصلا امتي قلتهالي قبل كده

ما تتكرر ... لو فيها حاجة مخالفة ابعت للإدارة عشان تتخذ موقف :)

و بعدين لية "لحسن حظي" ؟
افهم الكلمة دي تهديد ولا أية ؟
كان ممكن ترد عليا على الخاص عادي

بس دي فرصه كويسه اوضحلك حاجه غايبه عنك

الحمد لله الكلام ده مش غايب عني ولا حاجة ... يعلم ربنا قد اية انا كنت بحترم الناس كلها هنا... لكن لما اسلوب الكلام ينزل لدرجة معينة لمجرد اني قلت رأيي في "المنتدى اللي انا عضو فيه من زمان و ملاحظ التغيير اللي فيه" الاقي الأسلوب الغريب ده منك... حب المنتدى ..لكن مش على حساب احترامك للناس و احنا اتناقشنا قبل كدا و كلامنا مكنش فيه حدة ولا حاجة ... لكن واضح انك مكنتش متقبل رأيي (و هو رأي صائب و كان اعضاء قسم كيا بيتكلموا في نفس الموضوع... دا لو انت بتدخل اقسام السيارات المتخصصة و عارف يعني;)... )

ا/محمد الالقاب مش بتعمل قيمه لاصاحبها

يا اما ناس قدام اساميهم القاب بالاربع خمس اسطر لاكن قيمتهم صفر علي الشمال

وكلهم عباره عن مارونيت في ايدين الي اكبر منهم

لاكن الكبير كبير بعقله ووزن كلمته وسط الناس

كبير بتصرفاته الي دايما بتعرف الناس قد ايه الشخص ده محترم

كلامه مباشر ومش بيحور في الكلام

مش بكام كلمه قبل اسمه ملهمش اي قيمه

الحمد لله أنا واثق من عقلي و طريقة تفكيري كويس و الناس اللي تهمني برضه واخده نفس الفكرة عني بفضل الله ، و تصرفاتي يحاسبني عليها ربنا و اتمنى رضاه عنها أولاً قبل ما أفكر في إرضاء الناس :)

بالمناسبه يا ا/محمد انتا يادوب في سن اخويا الصغير

معتقدش ... لأني شايف في توقيعك كلمة امتحانات و انا الحمد لله خلصت المرحلة دي من زمان :))

ربنا يهديك ويهدينا جميعا

آمين

ارجو تقبل هذه النصيحه بصدر رحب من اخب كبير وكل ما بها مجرد امثله للتوضيح ليس اكثر

حلوة أوي الأمثلة اللي إنت جايبها أنا برضه ملاحظ الموضوع دة بيحصل كتير...ده غير التريقة اللي بتحصل من بعض الناس (احزاب مع بعضيهم برضه زي ما قلت قبل كدا) و اللي كل ما يعرفوش يقنعوا الطرف التاني برأيهم يقضوها تريقة على خلق الله ... لأ و كمان في غيابهم و بعدين ممكن يزعلوا لو قلتلهم لو سمحتم ما ترفعوش الألقاب :)

اه طبعاً بقبل النصيحه لما بتكون بأصولها ،لما تكون في السر مش في العلن ( النصيحة في العلن فضيحة ) و يكون غرضها الخير و مفيش فيها كلام مستخبي من تحت لتحت زي ما بتقول و من حد عايز مصلحتي و أكون واثق في تفكيره و نيته الحسنة.

ديه برضه مجرد امثله للتوضيح ليس اكثر .

=================

اخيراً ....متشغلش دماغك بالمواضيع الجانبية دي و خليها لناس تانية من اللي قاعدين طول اليوم في البيت
و انا آسف اني مش هرد تاني ... عشان معنديش وقت

**nabaster** · 22-12-2010 05:42 AM

المشاركة الأصلية كتبت بواسطة M.Osman

اخيراً ....متشغلش دماغك بالمواضيع الجانبية دي و خليها لناس تانية من اللي قاعدين طول اليوم في البيت
و انا آسف اني مش هرد تاني ... عشان معنديش وقت

اولا يا استاذ محمد عيب لما تبقي بتناقش وحد وتقول كلام ومن قبل ما يرد تقوله

معلش مش هرد عليك لاني مش فاضي

عدت منك دي خصوصا انك راجل بتعرف الاصول كويس :)

ممكن متردش من الاول وقول مش فاضي

كده فعلا وقتها هيبقي عندك حق

المشاركة الأصلية كتبت بواسطة M.Osman

ما تتكرر ... لو فيها حاجة مخالفة ابعت للإدارة عشان تتخذ موقف :)

فاهم غلط علي فكره

لما بخاطب الاداره في رد او شكوي

بيكون احترما للمكان الي انا فيه واحتراما للقائمين عليه

ومش معقوله علي الفاضي والمليان شكوي وتقارير وبتاع

لان كده هتبقي تصرفات اطفال

فلو حاجه صغيره عادي نعرف الي قدامنا مقامه وكله بالاحترام برضه

المشاركة الأصلية كتبت بواسطة M.Osman

حب المنتدى ..لكن مش على حساب احترامك للناس

احترامي للمنتدي اساسه احترامي للناس الي فيه

فلو الناس الي فيه مش كويسيين ومحترمين اكيد مش هدخله تاني

وتااكد ان نايل لحد الان محترم بالناس الي فيه

وان كان في فئه مش كويسه فهيا لحد الان قليله وتحت السيطره :)

دا لو انت بتدخل اقسام السيارات المتخصصة و عارف يعني;)

مش شرط ارد علشان ابقي متابع

المشاركة الأصلية كتبت بواسطة M.Osman

الحمد لله أنا واثق من عقلي و طريقة تفكيري كويس و الناس اللي تهمني برضه واخده نفس الفكرة عني بفضل الله ، و تصرفاتي يحاسبني عليها ربنا و اتمنى رضاه عنها أولاً قبل ما أفكر في إرضاء الناس :)

مين فينا هيعرف يرضي الناس كلها؟؟

البني ادم مبيملاش عينه غير التراب ومش بيعجبه العجب

وكل ما يوصل لحاجه بيبقي طمعان في الي بعدها

احنا بشر والطبع ده فينا لغاية ما نموت

فعادي انك تلاقي احقاد وحسد علي صداقات بريئه لان كل واحد بيشوفها علي هواه وبيترجمها بدماغه

الي طبعا محكومه بأهوائه الشخصيه

المشاركة الأصلية كتبت بواسطة M.Osman

معتقدش ... لأني شايف في توقيعك كلمة امتحانات و انا الحمد لله خلصت المرحلة دي من زمان :))

مش شرط كلمة امتحانات تفرض عليا فئه عمريه معينه علي فكره

فعلا انتا كده متعرفنيش

وحاول بعد كده تعرف الناس اكتر قبل ما تتكلم معاهم

المشاركة الأصلية كتبت بواسطة M.Osman

حلوة أوي الأمثلة اللي إنت جايبها أنا برضه ملاحظ الموضوع دة بيحصل كتير...ده غير التريقة اللي بتحصل من بعض الناس (احزاب مع بعضيهم برضه زي ما قلت قبل كدا) و اللي كل ما يعرفوش يقنعوا الطرف التاني برأيهم يقضوها تريقة على خلق الله ... لأ و كمان في غيابهم و بعدين ممكن يزعلوا لو قلتلهم لو سمحتم ما ترفعوش الألقاب :)

بتكرر كلمة احزاب رغم التحذير الواضح للاداره

بس برضه خد الاقتباسات دي من كلامك وقولي انتا رايك في التناقض

ده غير التريقة اللي بتحصل من بعض الناس (احزاب مع بعضيهم برضه زي ما قلت قبل كدا) و اللي كل ما يعرفوش يقنعوا الطرف التاني برأيهم يقضوها تريقة على خلق الله ... لأ و كمان في غيابهم

متشغلش دماغك بالمواضيع الجانبية دي و خليها لناس تانية من اللي قاعدين طول اليوم في البيت

بلاش تقول حاجه وتعمل عكسها في نفس الرد

اه طبعاً بقبل النصيحه لما بتكون بأصولها ،لما تكون في السر مش في العلن ( النصيحة في العلن فضيحة ) و يكون غرضها الخير و مفيش فيها كلام مستخبي من تحت لتحت زي ما بتقول و من حد عايز مصلحتي و أكون واثق في تفكيره و نيته الحسنة.

هوا انتا لما قلتلي قول يا استاذ محمد كان علي البرايفيت وانا نقلت الكلام علي العام؟؟

يا راجل قول كلام غير ده

لو بتتكلم عن حسن النيه كان من باب اولي تكلمني بيني وبينك

وهتلاقي اكيد ردي بيني وبينك

اتكلمت علي الملأ برضه عادي وماله نتكلم علي الملأ

بس محدش يزعل في الاخر

متشغلش دماغك بالمواضيع الجانبية

اكيد بتلاقي وبتشوف بنفسك علي المنتدي خنقاقات ومشاكل علي شوية حديد وكلام فاضي ملهوش لازمه

لدرجة ناس بتخسر بعضيها

فاكيد هتشاركني الراي ان الموضوع ده مش اقل اهميه :)

ده ردي وحاولت اختصر علي قد ما اقدر

وعادي لو لاقيت نفسك مش قادر ترد مش مشكله منا واخد بالي ان وقتك هوا السبب

ربنا معاك

A.Yakout

**wael17** · 22-12-2010 09:27 AM

المشاركة الأصلية كتبت بواسطة nabaster

اولا يا استاذ محمد عيب لما تبقي بتناقش وحد وتقول كلام ومن قبل ما يرد تقوله

معلش مش هرد عليك لاني مش فاضي

عدت منك دي خصوصا انك راجل بتعرف الاصول كويس :)

ممكن متردش من الاول وقول مش فاضي

كده فعلا وقتها هيبقي عندك حق

أنا كنت متاكد انه هيقول كده لان دي طريقة رده في معظم المواضيع الي بيشترك فيها....لو الكلام مش عاجبه...بيدخل يهاجم و ينتقد و طبعا كلامه بيكون مليان تريقه علي اي حد بيعارضه و في الاخر يختمها بالكلمة الشهير "ده اخر رد عشان مش فاضي" و كأن كل الناس هنا فاضية و قاعدة في البيت علي النت و هو بس اللي مشغول و مهم

و زي الاستاذ احمد ياقوت ما قال...ماينفعش اتكلم مع حد و اتريق عليه و بعد كده اقول ده اخر رد...يعني اخبطوا دمغكم في الحيط...هزئتكم و مش هارد عليكم!!!!

و احب أوضح نقطتين ل ا/ محمد

-انا عندي 31 سنة و لسه عندي امتحانات علي اخر 2011 (دكتوراه ان شاء الله) و كان عندي امتحانات من 6 شهور
و في ناس اكبر مني ب 10 سنين معايا في الامتحانات دي...يعني مش كل واحد عنده امتحان يبقي عيل صغير

-بالنسبة للمشاركات الكتير في المنتدي...مش معني ان واحد بيشارك كتير يبقي قاعد في البيت علي النت علي طول زي ما انت فاهم...انا مثلا معظم مشاركاتي بتبقي من الشغل لما اكون فاضي و ساعات كمان من الموبايل و انا في الشارع ...و بعدين يا ا/احمد انت عامل 4792 مشاركة و ده رقم تحسد عليه بصراحة و اعلي من كل المشاركات لمعظم الناس اللي انت تقصدهم...يا ريت كان عندي وقت اعمل هذا الكم من المشاركات في المنتدي لاني فعلا باحب المنتدي و باحب اكون عضو فعال فيه

- في النهاية اتمني ان تتقبل كلامي بصدر رحب

**CryptonX** · 22-12-2010 09:50 AM

طبعا الناس هنا سردت كل حاجة ممكن تتقال كتر خيرهم .

انا بس حقول نقطة زيادة في اختيار سيارة من الاتنين ...

اختيار اي سيارة من دايهاتسو ... حقتبس كلام من جيريلي كلاركسون مرة ... انه اختيار عقلي او منطقي مش مبني على حب , مبني على عملية و نطرية و حسابات رياضية .

و ده لا يسيء للسيارة في شيء بالعكس اكيد ملاكها بيحبوها .

بس لما تقارنها بسيارة ايطالية ...

لو اختارت الايطالية .. يبقى لسبب وحيد بس انك " وقعت في حبها " اذا كانت فيات او الفا او خلافه ...

يعني ممكن تكون عارف ان السريون اختيار " عملي " اكتر ... بس متقدرش تقاوم انك تبص على الايفو مثلا او تشتريها ..

و ده كان ناس كتيرة في المنتدى هنا بتتريق على بتوع فيات ... لما نعد نقول الروح و الاحساس و الصورة ... وللاسف دي حاجة غايبة عن معظم السيارات الاسيوية .في الفترة الي فاتت .

و ايه فكرك ان ناس مش معاها الايفو اصلا ... بس ببتحلف بيها حتى لو مجربهاش او قراء عنها ؟؟؟
- هي دي ايطاليا و هي دي الروح و الحب الي بينتج من سيارة ايطالية .

--

حتى لسيارات اقل جمالا بكثير من الايفو ... او اقدم ... لو قارنتها بسيارات في نفس الفترة الزمنية حتلاقيها اجمل واشيك .

يعني الى يومنا هذا ... مين هنا ميتمناش يركب الفا 147 ؟

شوف عربية نزلت من 2000 او 2001 ... و مازال شكلها عصري و جميل جدا الى يومنا هذا !!!!

---

هل اختيار سيارة مبني على حب فقط او انجذاب او روح ... هو شيء صحيح ؟ ممكن تطلع عملية كمان ؟ ممكن متطلعش ؟

هل اختيار سيارة مبني على عملية فقط دون الاعجباب بيها شيء صحييح ؟

اسئلة تسالها لنفسك و انت بتجيب العربية .. و تشوف انت دماغك ايه و احتياجك لايه بالظبط .

-

-

-

الموضوع: محتار و عايز حد يساعدني سريون 1500 أو فيات بونتو إيفو 1400

LinkBack

أدوات الموضوع

عرض

-

-

-

-

المواضيع المتشابهه

محتار بين دايو لانوس 2 / فيات بونتو / فيات بترا ؟؟؟

فيات بونتو إيفو 2012

فيات بونتو إيفو أعلي فئه كسر زيرو - مساعدة في السعر

فيات بونتو ايفو و سيريون 1500

عايز حد يساعدني بونتو موديل 95 ولا ابيزا 94

الكلمات الدلالية لهذا الموضوع

المفضلات

المفضلات

ضوابط المشاركة