الموضوع: مبدأ الثواب و العقاب

اخى الفاضل الانسان بطبعه فوضوى وبدون ثواب وعقاب مش هايكون فيه التزام وهاتبقى الدنيا سايبه وكل اللى بيجادلوك فى الموضوع ده هما نفسهم عايشين بالخوف من العقاب بيخاف لايتاخر على شغله فيترفد مثلا وفى عز الليل والشوارع فاضيه بيقف فى الاشاره بالرغم ان مافيش حد اصلا انا كنت فى المانيا ومن كتر ماكنت بشوف التزام افتكرت ان مافيش رقابه على الناس دى ولما قدمت شويه لقيت ان الناس ده مجبره على الالتزام وانا كنت راكب مره مع صديق المانى وهو طبيب لما كانت الاشاره حمرا عداها لما اتاكد ان مافيش حد شايفه وتعالى شوف فى الغردقه الاجانب بيعملوا زينا بيقفوا فى الممنوع وسير عكس الطريق وغيره وده علشان الدنيا عندنا سايبه
اتمنى انك تكون فهمت وجهة نظرى....وتقبل مرورى

طيب أضيف ردي بالمرة :))

كل انسان فينا فيه نسبة خير متفاوتة من واحد للتانى.

الانسان اللى كويس من نفسه هيعمل خير اكتر لأن الثواب و العقاب هيديله دافع و دفعة للأمام عشان يبقى كويس اكتر و يوم ما نفسه تضعف المبدأ هيقويها .

أما الانسان اللى مش كويس خالص من نفسه فمبدأ الثواب و العقاب برضه هيكون دافع ليه..اذا لم يكون طمعا فى الثواب فخوفا من العقاب.