بعد استشارة الخبرا فى المنتدى اشتريت الملكة93

**seadaelbeda** · 05-01-2011 10:53 PM

المشاركة الأصلية كتبت بواسطة ahmed_soft89

او عاوز تغير زين الفتيس وده افضل بكتير خليك علي موبيل 90 اتوماتك او اسال واحد بتاع فتيس علي رقم الزيت
وبردوا زي الموتور الموبيل جامد وبيعمل الايام دي 110 ال 3 الف وياريت تغيره علي 2500
اما العربية بصفه عااااامة ممتازة انا معايا 94 تكييف بس والصراحة شغاله تمام

انا استهلاكي للبنزين متوسط الطريق سواء جوه البلد او بره يعني كله علي بعضه حوالي 11.5 للتر يعني تقريبا الصفيحة تعمل معاك في حدود 215 لحد 230 وانته واستعمالك للعلم ده بالتكييف

الباور مش غالي بيكلف تقريبا 1000 جنيه بالتركيب لو استيراد ومنصحكش بيه علشان العربية دي طول ما عفشتها و الزوايا مزبوطة بتكون احسن من الباور

وبالنسبة للتكيف لو العربية التاكيهات مزبوطة شغل التكييف و تقريبا مش هتحس ان العربية اتخنقت ولا حاجه وهتلاقي سحبها حلو غير لما يكون الجو حر اووووي هتلاقيها مكتومه حبيتين

بالنسبة للبنزين لو مزبوطة علي 80 سبيها زي ما هيه بدل ما تروح تزبط الكارباتير وتزبط الكهربا بتاعت المكنه وموواويل

وبالنسبة لاسعار الفلاتر كلها مش بتعدي 50 جنية وانا مبالغ في سعرها شوية ويباني بس مش الاصلي

فعلا الصوت بتاع الموتور هلاقيه كان خشن وفيه طقطه لو الزيت محروووق اوووووي ودي انا جربتها

وان شاء الله العربية تعجبك وربنا يكفيك شرها

انا عربية 1300 كرباتير 4 سلندر فتيس 4 غيار مينوال تكييف فقط خليجي فبريكه بره وجوه عدا الرفرفين اللي ادام العربية الصراحة اكتر من ممتازة بس النصحية مني ليك لو العربية حسيت ان فيها حاجه اعملها علي طول ومتستخصرش فيها قرش علشان لو سبتها بتفتح بوقها اووووووووووووي

انا سبت العربية كان فيها مساعد واحد بايظ خلفي اللي جنبه حصله والسوست ضعفت والكاوتشات اتاكلت غير انها في الثبات بقت زفت

مشكور على الرد وربنا يبارك لك فى عربيتك بس عاوز اعرف يتكلف 1000 جنيه منين من بورسعيد ولا ايه
وبعدين زيت 3000 اجيبه موبيل ولا شل وهو اسمه ايه بالظبط موبيل 90 ولا ايه

**anaskhal** · 05-01-2011 11:21 PM

عربية جميلة جدا ربنا يبارك لك فيها

**ahmed_soft89** · 17-01-2011 09:05 AM

المشاركة الأصلية كتبت بواسطة seadaelbeda

مشكور على الرد وربنا يبارك لك فى عربيتك بس عاوز اعرف يتكلف 1000 جنيه منين من بورسعيد ولا ايه
وبعدين زيت 3000 اجيبه موبيل ولا شل وهو اسمه ايه بالظبط موبيل 90 ولا ايه

الباور بتاعها يتكلف فعلا في حدود 1000 جنيه من الحرفين او من بور سعيد
اصلا المكنه كلها ال 1300 cc من بور سعيد 2750 جنية بالباور والفتيس والكمبروسور بتاع التكييف
والمكنه 1600 cc نفس الحاجات دي 2500 جنية

اما الزيت نفسه ال 3000 من اي مكان قوله زيت موبيل ال 3000 هوه عارفه هتلاقيه في حدود 100 لحد 110 جنية

اما موبيل 90 ده زيت الفتيس لو هتغيره عامل 60 جنيه علشان انا لسه مغيره قريب
وبالنسبة لزيت الفتيس متحطش غير ال 90 علشان ال 140 او 60 هيعمل صوت في الفتيس عنك والعصايه هتلاقيها تقيله اوووووي

واي حاجه تقابلك انا تحت امرك وانا نازل الحرفيني قريب كمان اسبوع تقريبا هسال علي الباور هناك الايام دي عامل كام ؟

**mandordiab** · 20-01-2011 12:28 PM

السلام عليكم اختصارا بعد ماتم ذكره الاسهلاك علي الطوالي 280كم/20لتر يشرط متزودتش عن 100كم/ساعه مع الاخذ في الاعتبار العوامل المؤثره من مقاومه طريق و رياح ووزن الخ

**seadaelbeda** · 21-01-2011 02:36 PM

المشاركة الأصلية كتبت بواسطة seadaelbeda

مشكور على الرد وربنا يبارك لك فى عربيتك بس عاوز اعرف يتكلف 1000 جنيه منين من بورسعيد ولا ايه
وبعدين زيت 3000 اجيبه موبيل ولا شل وهو اسمه ايه بالظبط موبيل 90 ولا ايه

متشكر جدا وربنا يبارك فيك
ياريت تسألى على موضوع الباور لانى من المنصورة

**ahmed_soft89** · 26-01-2011 10:56 PM

المشاركة الأصلية كتبت بواسطة seadaelbeda

متشكر جدا وربنا يبارك فيك
ياريت تسألى على موضوع الباور لانى من المنصورة

الصراحة انا معرفش ولا مكان في المنصورة علشان انا من المنوفية
بس هدور الايام دي علي اماكن في المنصورة وهفيدك
بس اللي اعرفه منتشر اوووووووي في المنصورة الكرستاله ( اللانسر 99 ) اكتر عربية ممكن تلاقيها هناك