الموضوع: اخيرا استلمت لوجى

استلمت العربية يوم الخميس اللى فات بس الصراحة كنت مكسل اكتب التقرير بتاعى بس روحت قايل فى نفسى الناس اللى هنا ساعدتنى كتير فلازم على الاقل ارد الجميل ده

المهم اشترتها كاش من محمد زكى القطامية و استلام فورى و لونها بترولى
عملنا خصم 500 جنيه
العربية كانت عاملة 12 كيلو
بصوا ياجماعة بقى انا هقارن بينها و بين مرسيدس 200 مو 82 و اسبرانزا a113

التكيف روعة بجد لا تعليق
العفشة جايزة نوبل للى عملها
الصوت بتاع المتور : انا رايح عامل حسابى انى هسمع دبابة يا جماعة بجد العربية صوتها هادى بالنسبة للدبابة اللى معايا و اهدى من اللانوس (عشان مع صاحبى و بركبها معاه اكتر من 4 سنين)
العزل ممتاز
السحب مع التكيف كويس اه مش اللى كنت متوقعه بس حلو العربية مش مكتومة
السحب من غير تكيف رائع مع انى بنقل عند 3 -3.5 طبعا مش زى الفرنا بس احسن من الانوس و من المرسيدس بتاعتى و الاسبرانزا
الخامات المستخدمة حلوة مش وحشة احسن واحدة فى فئتها و التقفيل حاسس انه ممكن يبقى احسن من كدة بس راضى جدا عنه
الفتيس مفهوش عضة نهائى بس بيتهز و مش مديقانى خالص لان لو حد ركب المرسيدس بتاعتى هايعرف يعنى ايه الفتيس بيتهز و على فكرة مع ابن عمى عربية بى ام 316 موديل 2010 و فتيسها بيتهز عادى مش قصة يعنى
هزة الدواسات محستش بيها
الكاسيت عيبه الوحيد انه مش ام بى 3 غير كدة صوته نقى و البيز حلو
الباور تقيل بس عاجبنى و عايزه كدة ماينعمش مخلينى خاسس انى مالك العربية
اماكن الزراير اتعودت عليها فى مشوار
ماجربتش ثباتها عشان احكم عليها و لا الفرامل
باختصار يا جماعة اللى عايز يجيب العربية يتوكل على الله و هبقى اوافيكم باخبارها اول باول

بقى سؤالين لوحوش اللوجان القدامى
عندى على كل الاقفال اللى من برة زى تراب او طينة او صدا الله اعلم ايه هيا عشان العربية كانت فى المخزن المهم عايز اشيله اشيله ازاى
تانى حاجة هل النايتروجين بيفرق اعمله؟
شكرا مقدما

مبروووك ربنا يباركللك فيها