افيدوني في سعر اللوجان

**trkml** · 09-10-2010 11:52 PM

نويت ان اشتري سيارة لوجان من احد المعارض وبعد الاتفاق علي كل التفاصيل فوجئت ان سعر السيارة زاد 1650جم تحت بند ضريبة . هل هذا صحيح. افيدوني......

**nour_nrc** · 10-10-2010 12:11 AM

لا ياباشا سعرها 68500

وممكن تنزل مع المعرض 500 الي 1000

**trkml** · 10-10-2010 12:27 AM

شكرا علي سرعة الرد وانا باسال عن الهاف اوبشن

**أبو أدم** · 10-10-2010 12:39 AM

64 الف

ونصيحة هااااااااات الفول اوبشن فرق بسيط فلوس وفرق كتير كماليات

**trkml** · 10-10-2010 12:58 AM

معلش ممكن استغل كرم اخلاقك واتفولي الفرق بين الهاف \ الفول اوبشن

**fox198626** · 10-10-2010 07:07 AM

الهاف فيها إزاز كهربا فى الأمام بس ..الفول فيها الأربعه
الهاف فيها سنتر من غير رموت , الفول فيها سنتر برموت
الهاف والفول واحد تقريبا فى الكاسيت والسماعات
الإثنين فيهم تكييف وباور
الإثنين تقدر تفتح الشنطه من الداخل
الإثنين فيهم نور شبوره خلفيه
الإثنين فيهم ميزة التحكم فى إرتفاع وإنخفاض النور الامامى
الإثنين فيهم ساعة رقمية
الإثنين فيهم حليه من الكروم فى الأمام
الإثنين فيهم 4 مساند للرأس إثنين فى الأمام وإثنين فى الخلف
الإثنين فيهم صوت تحذيرى عند ترك الأنوار
الزيادة فى الفول أوبشن
بجانب الحجات الأنا قولتها
وساده هوائيه للسائق
كمبيوتر رحلات بيحسب إستهلاك البنزين وحجات تانيه
تطعيمات من الكروم من الداخل
حليه من الكروم أسفل الشنطه من الخارج
فرش مختلف
جراب للنظاره
تنجيد للأبواب من الداخل
إمكانية تعديل إرتفاع مقعد السائق
إمكانية تعديل وضعية عجلة القياده
مراية كهرباء
لمبة تحذيرية عند وجود أبواب مفتوحه
وأخيرا أنوار شبورة أمامية