اخواني ملاك بروتون جين2 وبرسونا

**ramyar** · 10-10-2010 11:43 AM

السلام عليكم ورحمه الله
اخباركم ايه يارب تكونوا بخير وعربياتنا كلها بخير
اولاوللتوضيح انا قولت جين2 وبرسونا لاني امتلك الجميله بروتون برسونا وطبعا الجين2 نفس العربيه عشان كده سهل جدا اني اصور وانقلكم معلومات عن جين2 وبرسونا
ومقدرش افيد باي معلومات عن الساجا والواجا لان صعب اني افك اي حاجه في عربيه حد من اصحابي محدش هيوافق

والحمد لله عندي خلفيه مش بطاله في الميكانيكا والكهرباء
وبقالي فتره بعمل مواضيع تعريفيه عن تكنولوجيا بروتون المستخدمه عشان نكون عندنا خلفيه بقيمه عربياتنا
وبحاول بقدر الامكان ان يكون الموضوع بسيط وسلس عشان نقدر نستوعبه

فقلت اخذ رايكم عايزين الموضوع الي جاي يكون عن ايه
وخلوا بالكم الموضوع بياخد وقت
تصوير وتجميع معلومات ومحاوله بقدر الامكان للوصول الي اسهل وابسط طريقه لوصول المعلومات

في انتظار مقترحاتكم

**jisso82** · 10-10-2010 11:59 AM

يسعدنى جدا يا رامى و يشرفنى إنى أكون أول حد يرد عليك فى الموضوع الجميل ده. لو تفتكر يوم ما كنا مع بعض فى جزيرة المعادى و فرجتنا على زرار نور الصالون اللى فى الباب و أغلبنا ما كنش يعرف حاجة عن الزرار ده. نفسى موضوعك الجاى يبقى عن الوظايف اللى احنا كملاك عاديين خلفيتنا ضعيفة مقارنة بيك ما شاء الله يعنى عشان ما أقرش تقولنا على الحاجات اللى زى دى اللى موجوده عندنا و مش بنستخدمنا لجهلنا بوجودها أو لأننا ما نعرفش فايدتها أساسا.

**ramyar** · 10-10-2010 12:04 PM

المشاركة الأصلية كتبت بواسطة jisso82

يسعدنى جدا يا رامى و يشرفنى إنى أكون أول حد يرد عليك فى الموضوع الجميل ده. لو تفتكر يوم ما كنا مع بعض فى جزيرة المعادى و فرجتنا على زرار نور الصالون اللى فى الباب و أغلبنا ما كنش يعرف حاجة عن الزرار ده. نفسى موضوعك الجاى يبقى عن الوظايف اللى احنا كملاك عاديين خلفيتنا ضعيفة مقارنة بيك ما شاء الله يعنى عشان ما أقرش تقولنا على الحاجات اللى زى دى اللى موجوده عندنا و مش بنستخدمنا لجهلنا بوجودها أو لأننا ما نعرفش فايدتها أساسا.

سهله جدا ومش هتاخد وقت
انتا تامرني يا هيثم
يبقي كده 1- كهرباء بروتون الابواب الصالون الانوار الاماميه والخافيه والاشارات ونظام الانذار

**jisso82** · 10-10-2010 12:26 PM

المشاركة الأصلية كتبت بواسطة ramyar

سهله جدا ومش هتاخد وقت
انتا تامرني يا هيثم
يبقي كده 1- كهرباء بروتون الابواب الصالون الانوار الاماميه والخافيه والاشارات ونظام الانذار

ربنا يخليك يا معلم بس أنا اتكلمت عن زرار نور الصالون كمثال مش للحصر أنا أقصد موضوع أعمق شوية عن أى زرار أو فانكشن أو أوبشن مش واضح أوى بالنسبة لنا أو اكتشفته صدفة و انت بتفك حاجة مثلا و 1000 شكر يا باشا على سرعة الرد

**devmedo_lab** · 10-10-2010 01:54 PM

المشاركة الأصلية كتبت بواسطة jisso82

يسعدنى جدا يا رامى و يشرفنى إنى أكون أول حد يرد عليك فى الموضوع الجميل ده. لو تفتكر يوم ما كنا مع بعض فى جزيرة المعادى و فرجتنا على زرار نور الصالون اللى فى الباب و أغلبنا ما كنش يعرف حاجة عن الزرار ده. نفسى موضوعك الجاى يبقى عن الوظايف اللى احنا كملاك عاديين خلفيتنا ضعيفة مقارنة بيك ما شاء الله يعنى عشان ما أقرش تقولنا على الحاجات اللى زى دى اللى موجوده عندنا و مش بنستخدمنا لجهلنا بوجودها أو لأننا ما نعرفش فايدتها أساسا.

دا فين الزرار ده

**ramyar** · 10-10-2010 02:00 PM

هوا يقصد السويتشات الي بتكون راكبه بين الابواب والقايم والي لما الباب بيتفتح بتنور نور الصالون ولمبه الابواب في التابلوه وانتظر المزيد قريبا

**أبومعاذ** · 10-10-2010 02:09 PM

انا عارف انه طلب رخم وصعب بس رامي باشا قدها وقدود ....انا عايز اتعلم اعمل الصيانات الخفيفة بايدي زي تغيير التيل مثلا انا الحمد لله بقيت بعرف اغير بوجيهات وغيرتهم بنفسي فعلا والفضل لله ثم لموضوعك الخاص بالبوجيهات

**mido_soliman** · 10-10-2010 03:02 PM

المشاركة الأصلية كتبت بواسطة أبومريم

انا عارف انه طلب رخم وصعب بس رامي باشا قدها وقدود ....انا عايز اتعلم اعمل الصيانات الخفيفة بايدي زي تغيير التيل مثلا انا الحمد لله بقيت بعرف اغير بوجيهات وغيرتهم بنفسي فعلا والفضل لله ثم لموضوعك الخاص بالبوجيهات

لو موضوع شامل عن تغيير البوجيهات فى جيجى او برسونا 2010 وتغيير التيل وطرق الكشف السليمة عن زيت المحرك والموتور والفرامل والقربة بتاعة المساحات وطرق الكشف السليمة عن مية الردياتير بدون ما ياخد هوا ويبقى كتر خيرك يباشمهندس

**ramyar** · 10-10-2010 04:22 PM

المشاركة الأصلية كتبت بواسطة tayer

بشمهندس رامى ممكن نركب جهاز أنذار فى جين تو أو بيرسونا بدون منلعب أو نقص سلك فى الضفيره ( ملحوظه أنذار ضد اللمس مش ضد السرقه زى الراكب فى العربيه )
يعنى مسلن ممكن أشيل الأنذار الأوريجينال بتاع العربيه و أستعين بالفيش بتاعته مثلا لتركيب هذا الأنذار ولا ممكن يركب جنبا الى جانب معى الأنذار بتاعنا ؟

اليونت بتاعت الانذار موجوده بداخل رفرف السياره الخلفي شمال والنوع الي راكب عندنا بدون جهاز حساس الحركه يعني ممكن تركب جهاز وياخد اوردر التفعيل من الجهاز الاصلي واوردر عدم التفعيل من نفس الجهاز مع العلم ان جهاز الحساس لازم يركب ويتثبت في التابلوه يعني كده هتمشس اسلاك من اول العربيه اخرها وكمان هتاخ فرده كهرباء للجهاز الجديد وبكده لعبت في ضفيره العربيه

-

الموضوع: اخواني ملاك بروتون جين2 وبرسونا

LinkBack

أدوات الموضوع

عرض

اخواني ملاك بروتون جين2 وبرسونا - انشر الموضوع فى :

-

-

-

-

-

-

-

المواضيع المتشابهه

محتاج نصيحة اهل الخبرة من ملاك جين2

اخواني ملاك الماتريكس افيدوني جزاكم الله

اجتماع لكل ملاك بروتون مع جميع مديري بروتون في توكيل عز العرب

بروتون جين2

جين2 وبرسونا حوار هادىء حولهـا

الكلمات الدلالية لهذا الموضوع

المفضلات

المفضلات

ضوابط المشاركة