واخيرا استلمت السانديرو فول اوبشن

**option** · 07-12-2010 06:38 PM

المشاركة الأصلية كتبت بواسطة m_rehawy

بص موضوع صوت الموتور ده عادي في اللوجان لكن هيهدى ان شاء الله بعد 3000 او 5000كم زي ما كل الاخوة في المنتدى قالوا قبل كده.
لكن هل العربية كانت جوة صالة العرض ولا في الشارع؟ لأنها لو كانت جوه صالة العرض يمكن يكون ده السبب اللي خلاك تحس بالصوت اوي.

لا هي كانت في الشارع عادي

طيب وانت قافل الازاز بتسمع صوت الموتور عالي؟

**M_Rehawy** · 07-12-2010 06:56 PM

المشاركة الأصلية كتبت بواسطة option

لا هي كانت في الشارع عادي

طيب وانت قافل الازاز بتسمع صوت الموتور عالي؟

انا ماركزتش اوي في الموضوع ده هشوف واقولك ان شاء الله.

**engineer_Amr** · 07-12-2010 09:12 PM

ما شاء الله عليها
ربنا يباركلك فيها يارب
وتسلم ايدك على الصور الممتازة

**m_hapashy206** · 08-12-2010 11:36 AM

الف مبروك العربيه الجديده يا باشا وربنا يكرمك فيها ويكفيك شرها ان شاء الله

انا كنت عايز اسال على موضوع دواسه البنزين سمعت انك بتحس بحركه الموتور فيها و كمان وضع الكلاكس وزراير الأزاز الكهربا وضعها غريب ومش مريح

وكمان عايز اسألك على تقل العربيه وثباتها على الطريق ,,, انت ممكن تكون لسه ماجبتش سرعات عاليه علشان الموتور لسه في التليين

بس ممكن يكون عندك فطره ولو بسيطه

اسف للأطاله

**M_Rehawy** · 09-12-2010 09:30 AM

المشاركة الأصلية كتبت بواسطة m_hapashy206

الف مبروك العربيه الجديده يا باشا وربنا يكرمك فيها ويكفيك شرها ان شاء الله

انا كنت عايز اسال على موضوع دواسه البنزين سمعت انك بتحس بحركه الموتور فيها و كمان وضع الكلاكس وزراير الأزاز الكهربا وضعها غريب ومش مريح

وكمان عايز اسألك على تقل العربيه وثباتها على الطريق ,,, انت ممكن تكون لسه ماجبتش سرعات عاليه علشان الموتور لسه في التليين

بس ممكن يكون عندك فطره ولو بسيطه

اسف للأطاله

الله يبارك فيك.
بالنسبة لدواسة البنزين انا ما ركزتش فيها وبالتالي ما حستش بمشكلة لكن يمكن لو ركزت احس وهي دي المشكلة ان لما الناس بتركز بتخلي الحاجة البسيطة اوي تبان كبيرة.
وضع الكلاكس بالنسبة ليا كويس ومش مضايقني خالص خصوصا اني دايما بسوق بايدي الشمال فده بيخليني اضرب كلاكس وانا سايق من غير ما احرك ايدي.
زراير الازاز وضعها غريب فعلا لكن مع التعود عليها مش هتبقى مشكلة خالص.
انا فعلا ما جربتش اجيب بيها سرعات عالية خالص لأن جوه البلد مفيش فرصة لكده بغض النظر عن التليين من عدمه وان شاء الله لما اطلع بيها على السريع هبلغكوا.

**bayoumisoft** · 03-01-2011 03:32 PM

ممكن اعرف اية اخبار العربية مع الناس اللى اشترتها؟؟

**tota333** · 25-01-2011 03:28 AM

الف مبروك على العربيه ربنا يباركلك فيها
العربيه دي فعلا حلوه اوي بس فيها حاجات غريبه زي موضوع ازرار الازاز و الكلكس بس اللي مضايقني فيها تانك البنزين اللي بيفتح بمفتاح العربيه ده ! والله فكرني بالعربيه ال 128 مش معقول بعد كل الامكانيات دي اجي ادخل محطة البنزين ابطل العربيه واطلع المفتاح عشان عامل البنزينه يفتح بيه التانك !!! يا ترى الموضوع ده عامل ايه مع حضرتك .. وكمان سمعت ان الاريال بيتشال بالايد هل ده صحيح ؟؟؟؟؟؟؟؟؟؟؟

**M_Rehawy** · 25-01-2011 10:27 AM

المشاركة الأصلية كتبت بواسطة tota333

الف مبروك على العربيه ربنا يباركلك فيها
العربيه دي فعلا حلوه اوي بس فيها حاجات غريبه زي موضوع ازرار الازاز و الكلكس بس اللي مضايقني فيها تانك البنزين اللي بيفتح بمفتاح العربيه ده ! والله فكرني بالعربيه ال 128 مش معقول بعد كل الامكانيات دي اجي ادخل محطة البنزين ابطل العربيه واطلع المفتاح عشان عامل البنزينه يفتح بيه التانك !!! يا ترى الموضوع ده عامل ايه مع حضرتك .. وكمان سمعت ان الاريال بيتشال بالايد هل ده صحيح ؟؟؟؟؟؟؟؟؟؟؟

الله يبارك فيك
بالنسبة لزراير الازاز هي مكانها فعلا مش مريح لكن مع التعود الموضوع بقى خلاص عادي.
الكلاكس مكانه بالنسبة ليا مش مسبب اي مشكلة خصوصا اني بسوق بايدي الشمال.
التانك معمول كده عشان يجبرك تطفي العربية لما تحط بنزين وانا من النوع اللي بيحب ينزل يقف جنب عامل البنزينة وهو بيحط بنزين وبالتالي الموضوع عادي بالنسبة ليا لكن زي ما الأخوة هنا قالوا قبل كده ممكن تعمل مفتاح عند اي حد بتاع مفاتيح وتخليه في العربية وتديه لعامل المحطة من غير ما تبطل العربية.
الاريال فعلا بيتشال بالايد(بيتفك).