الموضوع: مبروك لقطر كاس العالم2022

المشاركة الأصلية كتبت بواسطة pro-drive

ربنا يكون في عون المنفسنيين :)

اه .... خصوصاً اللي كانوا واخدين اصفار قبل كدا

اولا احب اهنيء قطر والشعب القطري بالفوز بتنظيم المونديال 2022.

ثانيا والله مانفسنة ولا اااااااااااااااي حاجة من اللي ممكن يتقال لاني اصلا مفرقش معايا مصر اخدت صفر المونديال او لاء بس عايز افكر معاكو بصوت عالي مع احترامي لكللللللللللللللللللللللل لللل الاراء هو ايه اللي هنستفيده اصلاااااااااااااااااااااا لما دولة عربية تنظم مونديال وليه احنا نعتبره فوز او تفوق علي دول عظمي ( هل ده فعلا يعتبر تفوق عليهم اصلااااااااااااااا اومال باقي المجالات الاكثر فوائد والاكثر ريادة اللي احنا كدول عربية مبنظهرش فالصورة معاهم خااااااااااااااااااالص).

--تخيل كدة شخص عنده حالة وفاة في بيته ( ربنا يعافينا جميعا ) وشخص جايله من برا بيقوله احنا هنعمل حفلة كبييييييييييييييييييييييي رة وهيجيلك ناس من كل انحاء العالم فظبط نفسك وسرح شعرك عشان تبان بصورة كويسة وكمان ياريت لو تغير بلاط بيتك وتعمله سيراميك وياريت لو تركب تكييف وياسلام لو تبني دور ولا اتنين عشان تستوعب الكم الكبييييييييييييييير من الناس اللي هييجي وهو اصلااااااااااااااااااااا اعد بيت ايجار ومش عارف يدفع الايجار ولا عارف يدفع فواتير المية والكهربا.

--نطبق بقي التخيل ده عالواقع: هي الدول العربية مافيهاش حالة كأبة وغم وضيق وبطالة وعنوسة وتاخر سن زواج وسرقة ومحسوبية وضياع حقوق ( ده مش مثل حالة الوفاة فالتاثير ).

وبأي منطق اااااااااااااااااي بلد ( وبالاخص بلد عربي ) تكرس مجهوداتها واموالها لمدة 12 سنةةةةةةةةةةةةةةةةةةةة( دنا اعدت احسب انا هكون لسة عايش ولا هكون سافرت ) عشان تبني استادات وملاعب مكيفة ( زي ماوعدت قطر بتنفيذها ) وفنادق عشان حاجة في وجهة نظري المتواضعة ( شيء ليس له اااااااااااااااااااااااي قيمة ) .

مش الاولي من ده كله توجيه الاموال ده لاستثمارات عربية او مشاريع عملاقة وتوفير الاف او ملايين فرص العمل والارتقاء بالشعوب العربية فعلا والتفوق والفوز علي الدول الاخري ( في حاجة تستاهل مش اننا فوزنا عليكو في تنظيم المونديال ).

وفي الاخر اهنيء تاني الشعب القطري بتنظيم المونديال والموضوع والله مافيه اااااااااااااااااي نفسنة خالص لاني اصلا بحمد ربنا اننا مدخلناش كاس العالم اللي فات مش اننا منظمناش المونديال لاننا عندنا اللي يكفينا وكفاية بقي اللي احنا فيه.

رأي شخصي

معاك يا مستر فامباير ان فيه اوجه افضل للإستثمار
بس برضه تنظيم كأس العالم استثمار فظيع بيجيب ملايين

هي اصلاً الكورة اصبحت بيزنس اكتر منها رياضة
شوف كمية الإعلانات و فرص العمل الللي هتتخلق في الفترة دي ;)