مبروك لقطر كاس العالم2022

**wawoo** · 03-12-2010 03:03 AM

المشاركة الأصلية كتبت بواسطة ecybrarian

ومن ناحية أخرى، عبرت الجماهير الأمريكية عن غضبها من القرار، حيث قال بعض الجماهير للصحيفة "نعتقد أنهم نجحوا في رشوة جميع أعضاء اللجنة حتى يحصلوا على هذا الشرف."

, و انا مع راى الجماهير الامريكية و اعتقد انة تم دفع مبالغ خرافية للفوز بالتنظيم دة و خصوصا انة ثبت انة يمكن بسهولة رشوة القائمين على التصويت بسهولة بالتليفون و فضيحة الرشاوى ليسة مبردش فى الفيفا

و دول الخليج عندها استعداد تدفع ملايين عشان تعمل لنفسها اى حضارة و تاريخ بين الدول .

للاسف هما مش حيعملو حاجة بنفسهم ..و مافيش قطرى واحد حيشارك فى التنظيم كلها شركات و خبرات اجنبية هى اللى حتتولى التنظيم و حتاخد ملايين الدولارت فى العملية دى ..

بالرغم ان تمثلية الدول الغربية فى انها زعلانة هى و جماهيرها على موضوع الفوز دة ..لكن كلهم من جوة حيطيرو من الفرح بسبب العقود اللى حتتوالى عليهم من كل جهة فى قطر لموضوع التنظيم دة ..

و عاوز اسئل سؤال بسيط "لو مكنش فى بترول فى قطر " كانت قدرت تنظم كاس العالم او حتى كاس اسيا "
الاجابة "لاء"

لما يبقو يحترمو مصر والمصريين و يعاملوهم كويس ..وقتها بس ابقى افرحلهم و اهانيهم انما غير كدة لا

**eng/muhamad** · 03-12-2010 09:21 AM

تفتكرو الموضوع ده هيفتح مجالات للعمل فى قطر
زى مهندسين مثلا ؟

**mr_vampire** · 03-12-2010 10:21 AM

المشاركة الأصلية كتبت بواسطة wawoo

, و انا مع راى الجماهير الامريكية و اعتقد انة تم دفع مبالغ خرافية للفوز بالتنظيم دة و خصوصا انة ثبت انة يمكن بسهولة رشوة القائمين على التصويت بسهولة بالتليفون و فضيحة الرشاوى ليسة مبردش فى الفيفا

و دول الخليج عندها استعداد تدفع ملايين عشان تعمل لنفسها اى حضارة و تاريخ بين الدول .

للاسف هما مش حيعملو حاجة بنفسهم ..و مافيش قطرى واحد حيشارك فى التنظيم كلها شركات و خبرات اجنبية هى اللى حتتولى التنظيم و حتاخد ملايين الدولارت فى العملية دى ..

بالرغم ان تمثلية الدول الغربية فى انها زعلانة هى و جماهيرها على موضوع الفوز دة ..لكن كلهم من جوة حيطيرو من الفرح بسبب العقود اللى حتتوالى عليهم من كل جهة فى قطر لموضوع التنظيم دة ..

و عاوز اسئل سؤال بسيط "لو مكنش فى بترول فى قطر " كانت قدرت تنظم كاس العالم او حتى كاس اسيا "
الاجابة "لاء"

لما يبقو يحترمو مصر والمصريين و يعاملوهم كويس ..وقتها بس ابقى افرحلهم و اهانيهم انما غير كدة لا

الله ينور عليك ياباشا والله ده اللي كنت لسة هكتبه فعلا مكاسب الشركات الاجنبية اللي هتدخل في مناقصات تنفيذ المشارع العملاقة هتبقي اكبر بكتير من اللي هتكسبو قطر من المونديال.

حاجة كدة زي ( عايزين تنظمو المونديال نظموووووووووووووه بس احنا اللي هنفذو بنفسنا وعلي حسابكووووووووووووووووووو

).

**aly_hosny** · 03-12-2010 10:53 AM

يا جماعة كاس العالم دا هينقل قطر نقلة عملاقة على مستوى العالم
استحالة كاس العالم يجيب الخساير
يعني اولا البنية التحتية زي الشوارع وشبكات الميه والكهربا هتتطور
الملاعب هتتطور "مش مفيدة بالنسبالهم اوي"
هيبقى في فنادق عالمية ف دا هيدي مجال للسياحة هناك
دا كله وهيبقى ليهم ارباح برضو
جنوب افريقيا اعلنت ان ارباحهم من كاس العالم بعد كل التكاليف على ما افتكر 700 مليون دولار
المانيا اعلنت ان ارباحها بعد كل التكاليف 1 مليار دولار "الارقام مش متذكرها اوي"
جنوب افريقيا بنت 4 استادات و فنادق و غيره كتييييير وبرضو حققت الرقم الضخم دا
اتوقع نسبة حضور جماهير عالية جدا

بالنسبة لشركات المقاولات ف انا عايز اقول ان العالم كله بيخليهم بينولهم مش احنا بس
يعني في انجولا لو نفتكر شركة صينية كانت بانية الاستاد بتاع النهائي
وفي جنوب افريقيا كانت شركات اوروبية
واحنا لو كان عندنا شركات عالمية دا تخصصها كان ممكن تبني لكن مفيش
وهما دولة بتعتمد في اقتصادها على البترول يبقى ايه الحاجة ال شركات مقاولات لما نحتاج نبني نبقى نجيب شركة تبنلنا زي ما غيرنا لما يحتاج بترول بيجبنا
وزي ما اي حد عايز تكنولوجيا بيلجا لشرق اسيا
هي الدنيا كدا كل واحد ليه تخصص والباقي بيلجا له فيه
وبعدين كفاية ان انا لو حبيت اروح اتفرج هروح بسهولة جدا

**Ahmed Selim** · 03-12-2010 12:26 PM

شعار قطر فى حملتها لتنظيم المونديال كان
Let's make history أى دعونا نصنع تاريخ
و ده هو هدفهم و ليس الربح
1- قطر ليس بها أى مدن بالمعنى المتعارف عليه غير الدوحة.....يعنى هيبنوا 3 مدن تانية من الألف الى الياء ( أم سعيد - الوكرة و مش فاكر التالتة أسمها أيه ).....هيعملوا بنية تحتية و شوارع و مدن سكنية و فنادق و مولات و أستادات فى كل واحدة و مطار واحد على الأقل غير مطار الدوحة الدولى.
2- قطر معندهاش المقدرة على عمل كل ده بالشركات المتواجدة حالياً هناك.......يعنى هتضطر للأستعانة بشركات من خارج الدولة للتنفيذ و معظمها هيكون أوروبى و أمريكى و خصوصاً للمشروعات الكبيرة.
3- قطر عرضت رشوة علنية للفيفا لأستضافة المونديال....ألا و هى أنهم هيبنوا 4 أستادات قابلة للفك و بعد المونديال هيهدوهم للفيفا لأستخدامهم فى الدول الفقيرة للمساعدة فى إنتشار كرة القدم.
4- قطر عرضت عرض تانى للفيفا و هو أستضافة 5 ألاف مشجع من كل دولة مشاركة.......سفر و أكل و شرب و أنتقالات ببلاش......يعنى مش عاوزين فلوس من الناس اللى جاية و لا الدول المشاركة.

موضوع الرشاوى المقدمة الى أصحاب الأصوات.....أنا شبه متأكد منه بنسبة 100% عن معلومات عرفتها من أخ ليا عايش هناك و له صديق عضو فى اللجنة الأوليمبية اللى كانت ماسكة ملف قطر لتنظيم المونديال......و الأرقام مفزعة.

البنية التحتية اللى هما هيعملوها و المدن اللى هيبنوها مش هيستفيدوا منها بعد إنتهاء المونديال......على الأقل بنسبة 90%.

إلإستفادة بالنسبة لهم أنهم هيعملوا لقطر تاريخ.....و هيخلوا أسم قطر على كل لسان......فقط لا غير.

الإستفادة الحقيقية هتكون لشركات المقاولات سواء عربية أو أجنبية خلال الفترة من 2011 الى 2020 و دى هتعمل إنتعاش غير مسبوق فى سوق العمل فى الخليج و هيساعد على تلاشى أثار الأزمة المالية العالمية .

مبروك لقطر لأنهم لعبوها صح......و ربنا يوفقهم.

**otefa** · 03-12-2010 12:34 PM

المشاركة الأصلية كتبت بواسطة eng/muhamad

تفتكرو الموضوع ده هيفتح مجالات للعمل فى قطر
زى مهندسين مثلا ؟

أكيد هايعمل أحتياج جامد في سوق العمل وخاصة المهندسين وبتخصاصات متعددة وده بالتوازي مع الشركات العالمية التي سوف يتم الأستعانة بها...........الحركة بركة ولكل مجتهد نصيب عقبال مصر يارب.

**Ahmed Selim** · 03-12-2010 12:34 PM

المشاركة الأصلية كتبت بواسطة mmedali1978

بدون اى كلام تافه او فارغ الف مليون مبروك لقطر شعبا وحكومه وهذا هو الفرق بين قطر العظيمه ومايسمى بانصاف الدول
الحمد لله ولا عزاء لاى حاقد
الحمد لله ولا عزاء لاى حاقد
الحمد لله ولا عزاء لاى حاقد
الحمد لله ولا عزاء لاى حاقد
الحمد لله ولا عزاء لاى حاقد

يا ريت بس توضح ما هى الدول المقصودة بأنصاف الدول ؟؟؟؟؟؟؟؟؟؟؟؟؟

**Ahmed Selim** · 03-12-2010 12:44 PM

المشاركة الأصلية كتبت بواسطة aly_hosny

يا جماعة كاس العالم دا هينقل قطر نقلة عملاقة على مستوى العالم
استحالة كاس العالم يجيب الخساير
يعني اولا البنية التحتية زي الشوارع وشبكات الميه والكهربا هتتطور
الملاعب هتتطور "مش مفيدة بالنسبالهم اوي"
هيبقى في فنادق عالمية ف دا هيدي مجال للسياحة هناك
دا كله وهيبقى ليهم ارباح برضو
جنوب افريقيا اعلنت ان ارباحهم من كاس العالم بعد كل التكاليف على ما افتكر 700 مليون دولار
المانيا اعلنت ان ارباحها بعد كل التكاليف 1 مليار دولار "الارقام مش متذكرها اوي"
جنوب افريقيا بنت 4 استادات و فنادق و غيره كتييييير وبرضو حققت الرقم الضخم دا
اتوقع نسبة حضور جماهير عالية جدا

بالنسبة لشركات المقاولات ف انا عايز اقول ان العالم كله بيخليهم بينولهم مش احنا بس
يعني في انجولا لو نفتكر شركة صينية كانت بانية الاستاد بتاع النهائي
وفي جنوب افريقيا كانت شركات اوروبية
واحنا لو كان عندنا شركات عالمية دا تخصصها كان ممكن تبني لكن مفيش
وهما دولة بتعتمد في اقتصادها على البترول يبقى ايه الحاجة ال شركات مقاولات لما نحتاج نبني نبقى نجيب شركة تبنلنا زي ما غيرنا لما يحتاج بترول بيجبنا
وزي ما اي حد عايز تكنولوجيا بيلجا لشرق اسيا
هي الدنيا كدا كل واحد ليه تخصص والباقي بيلجا له فيه
وبعدين كفاية ان انا لو حبيت اروح اتفرج هروح بسهولة جدا

هيبقى فيه خساير يا باشا و لن تعلن..........و مش هى دى المشكلة معاهم لأن هدفهم ليس الربح زى ما هو واضح من شعارهم لتنظيم المونديال

على فكرة.....الرشاوى اللى أتدفعت وصلت فى بعض الأحيان إلى 100 مليون ( مش عارف ريال ولا دولار )
بس لو حسبناها على الأقل اللى هو الريال يعنى حوالى 33 مليون دولار لشخص واحد فقط.....يعنى تقريباً بنتكلم فى حدود ال 200 مليون دولار إجمالى.........من غير أى هدف غير حصد الأصوات.

أحسب بقى تكلفة بناء 3 مدن و من عشرتى و معلوماتى عن قطر و القطريين أقدر أقولك انهم هيكونوا مدن على أحدث مستوى و بتكاليف مهولة.

أحسب أستضافة 5 ألاف مشجع من كل دولة مشاركة....و اكلين شاربين نايمين على حساب قطر.

أحسب تكلفة إنشاء خطوط مترو تربط بين الأربع مدن و مطار إضافى دولى.

أحسب كمان 2.7 مليار دولار سعر شراء الجزيرة ل art الرياضية و هو الرقم الحقيقيى الغير معلن......و تم الشراء تحديداً علشان المونديال.

أحسب كل التكاليف دى هتلاقى أنه شبه مستحيل أنهم يحققوا ربح.

الدول اللى بتحقق أرباح من أستضافة المونديال كان بيبقى عندهم المدن و البنية التحتية و كل حاجة بس بيظبطوهم لإستضافة المونديال مش بيبنوهم من أول و جديد.

عموماً أتمنى لهم التوفيق.....و إنى أكون مخطئ فى كلامى.

-

-

الموضوع: مبروك لقطر كاس العالم2022

LinkBack

أدوات الموضوع

عرض

-

-

-

-

-

المواضيع المتشابهه

مطلوب اطباء اسنان ومبلطين لقطر ...!!!

مبروك فادي -- مبروك خالد ايمن -- مبروك محمد قاسم (تكريم المنتدى)

الحرية لقطر

أول ناقلة Q-Flex لقطر للغاز تصل أمريكا

مبروك لفيراري..... مبروك لكيمي رايكونن

الكلمات الدلالية لهذا الموضوع

المفضلات

المفضلات

ضوابط المشاركة