الموضوع: يعنى ايه ترصيص؟

المشاركة الأصلية كتبت بواسطة mr_kenawy

طول عمرى نفسى افهم موضوع الترصيص و ظبط الزوايا ده , انا بحسه اشتغالة كبيرة جدا , بسوق النهاردة من 15 سنة و عمرى ما رصصت و لا ظبطت زوايا و فى حياتى ما حسيت بغربلة و لا رفة و لا دياولو , و فى نفس الوقت اعرف ناس بيعملوا الحوار ده كل 3 او 4 شهور , نفسى افهم ليه , ياريت لو حد عنده معلومات وافية يقولهالنا.

ما شاء الله ده انا لازم كل فترة اعمل ترصيص وظبط زوايا بسبب شوارع المحروسة اللى تهلك اجدع عفشة

المشاركة الأصلية كتبت بواسطة rerii

ميرسى ياجماعة وفعلا هما قالولى على شيبوب ده وهحاول اروح بكرة الصبح ان شاء الله وبيقولوا هو فى منزل الكوبرى التانى اللى فى الزراعة وفيه ناس قالتلى فيه واحد احسن منه اسمه المهندس بس معرفش فين

خير ان شاء الله العربية تتظبط معاكى بعدها وخليكى مع الراجل وهو شغال هاتعرفى فكرة الترصيص بسهولة وعينك على الشاشة ماتخلهوش يشيل العجلة غير لما تبقى جايبة اصفار على الجانبين

خير ان شاء الله العربية تتظبط معاكى بعدها وخليكى مع الراجل وهو شغال هاتعرفى فكرة الترصيص بسهولة وعينك على الشاشة ماتخلهوش يشيل العجلة غير لما تبقى جايبة اصفار على الجانبين

مش فاهمة ازاى اصفار ؟؟؟؟

المشاركة الأصلية كتبت بواسطة Rerii

مش فاهمة ازاى اصفار ؟؟؟؟

بصى انا هاحاول اشرح لك الترصيص بطريقة بسيطة
بداية العجلة وهى تلف بيبقى حاجة اسمها القوة الطاردة المركزية centrifugal force القوة دى نتيجة الدوران والقوة دى بتكون متماسة مع اتجاة الدوران فلو فيه اى زيادة او نقصان فى الوزن فى دايرة العجلة هتعمل خلل فى توازنها اثناء الدوران الزيادة او النقصان دى ممكن تكون نتيجة خبطة مثلا فى الجنط عملت جزء داخل لجوة هو ده اللى عمل الخلل فى الاخر ده بيخلى الرجرجة او احساس الغربلة فى الدركسيون اثناء السواقة تمام كده ؟ دى المشكلة
علاج المشكلة دى بقا حاجة اسمها الترصيص والعملية دى بتم الاول عن طريق جهاز بيتحط عليه العجلة وتلف بسرعه معينة وفى حساسات على الجهاز ده بيشوف الخلل فيها جاى منين وف انهى مكان بالظبط وكام جرام ناقصين او زايدين فى الحتة دى ودى صورة للجهاز ده

الشاشة اللى قدام العامل دى هى اللى بتوضح له كام جرام بالظبط محتاجاهم العجلة عشان مايبقاش الخلل ده موجود ودى صورة لنفس الجهاز بس شاشة مختلفة بتأدى نفس الغرض

نيجى بعد كده للخطوة المهم هى ان العامل بيختار اجزاء او قطع من الرصاص عليها وزنها محفور عليها كل قطعة وزنها اد ايه وبيدقها فى المكان المعين اللى الجهاز قالو عليه وبتكون شكلها كده

ودى بعد التركيب

بيفضل يكرر العملية دى لحد ما الجهاز يسجل صفر على اليمين وصفر على الشمال وده معناه ان مافيش خلل فى توازن العجلة اثناء الدوران لا ناحية الخارج ولا الداخل

بالنسبة لظبط الزوايا ف ده موضوع مختلف تمام عن الترصيص والتظبيط فيه بيكون من العفشة مش من العجل
والفيدو ده فيه شرح لظبط الزوايا جميل اوى اتمنى يفيدكم

[youtube]http://www.youtube.com/watch?v=uj_U_pemOyA&feature=related[/youtube]

M.Nasr بجد ميرسى جداااااااااااا وشرح اكتر من رائع واخيرا فهمت ايه هو ظبط الزوايا والترصيص