تلف الديسك و الاسطوانة

**dell2000** · 10-01-2011 11:43 AM

المشاركة الأصلية كتبت بواسطة mahmoudalutec

كويس ياجماعة انكم فتحتم الموضوع ده لان حصل معايا موقف غريب
كنت راكن العربية ومكنش فيها اى مشكلة وتانى يوم ركبتها و سخنت الموتور وجيت اطلع !! انسى انها تاخد اى غيار زى ما يكون اسكة الغيارات مقفولة ابطل العربية واجيب الغيارت تمام اشغلها واجيب اول ميجيش اجيب مارش اسمع صوت زعيق التروس ...
المهم جبت ميكانيكى على قده حاول يدورها وهى معشقة على الاول نتشت طبعا بس حاول مرة و احدة بس والوضع كما هو
وحاول يعلى الدبرياج لحد معلاه على الاخر وبعدين قال : (انا جبت الدربياج على الاخر !! كده بقى يبقى ديسك او اسطوانة)
الكلام ده كان بالليل وتانى يوم الصبح كنت هقطرها على ميكانيكى تانى ولما دورت العربية وسخنت جربت ادييها الاول كان مزرجن جربت تانى لاقيتو زى الحلاوة بينى و بينكم ماصدقت احسن ما اقطرها
وانا ماشى قلت اديها الغيار التانى لاقيتو تمام والثالت تمام وكأن مفيش حاجة حصلت
المهم وصلت للميكانيكى وافاد بالتالى:( عادى بتحصل حتى فى العربيات الجديدة المركونة فى المنطقة الحرة .. بتبقى الاسطوانة لاصقة مع الديسك و بتبقى مش قابلة اى غيار ولحل المشكلة دى وبتاخد تعشيقة على الاول او مارشدير ويتم تدوير الموتور بحرص فالعربية تنتش وتسمع صوت تكة وبكده تبقى الاسطوانة فكت عن الديسك و الغيارات تيجى فى مكانها عادى
الموضوع ده اتكرر معايا مرتين
وفى المرتين كانت العربية مركونة وقت طويل يوم او يومين
مع العلم بان سحب العربية ماشاء الله ومفيش اى اعراض من المذكورة اعلاه عن تلف الاسطوانة او الديسك

ايه رأى السادة الخبراء فى الموضوع ده؟؟
نسيت اقول لكم بان العربية نصر 128 موديل 85
خالص الشكر للسادة الاعضاء وربنا ميحرمناش منكم

إحتمال كبير يكون الديسك و الإسطوانة مضروبين (مش أصلي يعني)

**medo_huhu** · 24-03-2011 01:23 PM

لو سمحتم يا جماعة
انا عندى سؤال اهبل معلش
هى العربية الاتوماتيك فيها اسطوانة و ديسك بردو ؟

**smsm_cato** · 24-03-2011 02:28 PM

المشاركة الأصلية كتبت بواسطة medo_huhu

لو سمحتم يا جماعة
انا عندى سؤال اهبل معلش
هى العربية الاتوماتيك فيها اسطوانة و ديسك بردو ؟

لأ طبعا والا يبقى ايه الفرق بين المانيول والاوتوماتيك الفتيس الاوتوماتيك يتكون من ورق كلتشات و طرمبة زيت هيدروليكى.

**medo_huhu** · 24-03-2011 09:03 PM

المشاركة الأصلية كتبت بواسطة smsm_cato

لأ طبعا والا يبقى ايه الفرق بين المانيول والاوتوماتيك الفتيس الاوتوماتيك يتكون من ورق كلتشات و طرمبة زيت هيدروليكى.

مشكور على الاهتمام
بس فيه سؤال تانى معلش
لو نفس الاعراض دى بتاعت تلف الاسطوانة و الديسك بتحصل فى العربية الاتوماتيك يبقى ده عيب ايه بالظبط؟

**Mstfun** · 11-06-2011 03:12 AM

موضوع هايل

شكرا لكل الناس المشاركه

**aboharb** · 13-06-2011 06:10 PM

موضوع هايل وانا استفدت منه خصوصا انى لسه جديد فى السواقه ورجلى ثقيله على الدبرياج بس المهم انا عايز اضيف حاجه لوانت واقف فى اشاره او زحمه هطول شويه مور وارفع رجلك من على البرياج وممكن تدوس فرامل علشان العربيه متريحش ولو ثابته يبقى متدوس على الفرامل ده من الاسباب اللى يقلل من استهلاك الاسطوانه والله العلم

**walidabc** · 28-02-2014 10:55 AM

شكرا للموضوع المهم ده
عندي سؤال يعني ايه صوت الموتور هل يعني ذلك ان ال rpm يعلي لكن سحب السيارة يظل ضعيف؟
انا عندي مشكلة في السحب من شهور محدش حلها و انا زهقت من الفتي حتي في التوكيل .. العربية علي المطالع غالبا بتبقي تقيلة و ابقي دايس بنزين للاخر و مش بحس باثر له ... كمان من غير مطالع ممكن ادوس بنزين للاخر و تاخد وقت لحد ما تجري مع العلم اني غيرت فلتر البنزين و فلتر الهوا و نضقت البوابة و نضفت الرشاشات بجهاز الضغط و غيرت طرمبة البنزين (مفيش اصلا تاخير في الدوارة)