عايز اخلع النسر من كل عربيات البلد حد عايز يشارك؟

**Rerii** · 06-12-2010 12:48 AM

على فكرة من وجهة نظرى مفيش حد احسن من حد انا بقدر دور الظباط المحترمة زى مابقدر دور الدكاترة والمدرسين وحتى عمال النضافة كلنا بنساهم فى مجتمع واحد وبنكمل بعض انا اللى بيضايقنى انى احس ان حد بيستخدم سلطته فى التعدى على القانون

كلنا بيحكمنا قانون واحد يمشى على الكبير قبل الصغير ولو حد بقى فوق السلطة ده معناه انها بقت فوضى

انا حصل اودامى موقف مش هنساه من حوالى سنة ونص انا جامعتى فى القاهرة وبسافر يوميا وفى يوم راجعة مواصلا وشفت عربيه مفيمة بلاك وبتجرى بسرعة رهيبة وبيتنطط بين الحارات وكان هيخبطنا بجد سواقة مجنونة

لحد ماوصلنا للكمين بتاع الرادار ده وهو كان اودامنا دخل الكمين ووقفوه وشكله كان متبلغ عنه الراجل بص فى الرخص وشاور للظابط اللى قاعد فى الكمين اشارة على كتفه معناها انه ظابط شاورله انه يمشى من غير ماللى فى العربيه يتحرك وخد رخصه ومشى من غير حتى مايركن بزمتكوا مش حاجه تغيظ يعنى واحد زى ده ماشى يخبط فى الناس وبيعرض حياتهم للخطر عشان البيه ظابط اومال القانون معمول ليه عشان نتخطاه !!!!

المخطئ يعاقب ولو كان مين محدش فوق القانون

عارفين عندنا عربيه فى الزقازيق مش معلقه نمر ومكتوب عليها مكان النمر busted تقريبا والله عدى من اللجنه اودامى من غير مايوقفوه عشان باباه مستشار !!!!!

طب ده لو خبط حد يتاخد نمره ازاى!!!

طب ماكلنا ناس محترمة واهالينا محترمين نتعدى القانون !!!!!! دى تبقى همجيه

انا مش ضد انه يحط بادج يدل على مهنته كل واحد بيعتز بمهنته انا نفسى حاطة بادج الصيادلة عالرغم انى لسه متخرجة
حلو انك تعتز بعملك وتعرف مدى اهميتك فى المجتمع لان كل شخص له دور بس السئ انك تستغل وضعك بطريقه خارج القانون وصدقونى الانسان الصح ميرضاش انه يترفع عنه العقاب عن خطأ ارتكبه

**rompo10** · 06-12-2010 01:23 AM

من الاخر احنا بلد فاضيه لو في حاجه تشغلنا ماكناش عملنا كدا ولا اتكلمنا في مواضيع زي دي الموضوع بسيط لقيت عربيه مخالفه صورها وابعتها للتفتيش وهما هايتصرفوا وكان في موضوع هنا عن عربيه النترا من طنطا اعتقد اني شفتها ونمرها اتظبطت والفاميه اتشال بس مش متاكد اوي هو البادج لسه موجود ودا مش مشكله

**kar!m** · 06-12-2010 09:02 AM

المشاركة الأصلية كتبت بواسطة rerii

عارفين عندنا عربيه فى الزقازيق مش معلقه نمر ومكتوب عليها مكان النمر busted تقريبا والله عدى من اللجنه اودامى من غير مايوقفوه عشان باباه مستشار !!!!!

طب ده لو خبط حد يتاخد نمره ازاى!!!

عارفها .. عربية تويوتا كورولا فضى .. ده لو خبطنى اروح اقولهم busted خبطنى و لا أعمل ايه مش فاهم.

**kar!m** · 06-12-2010 09:05 AM

المشاركة الأصلية كتبت بواسطة madyyuri

هو كان حد ضربة علي ايده علشان يخش كليه الشرطة ؟؟؟؟

اغلبهم بيدخلها وبدفع رشاوي بارقام عالية تفتكر مع انهم عارفن ان المرتب بسيط تفتكر حضرتك ليه ؟؟؟

علشان ممكن ميلاقيش شغل فى حتة تانية و عشان الاستقرار غير كده مفيش .. بدليل اللى بيجيب مجموع يدخله كليه كويسه و والده أو حد قريبة رتبة كبيرة مبيدخلش كلية عسكرية.

**Rerii** · 10-12-2010 10:16 PM

علشان ممكن ميلاقيش شغل فى حتة تانية و عشان الاستقرار غير كده مفيش .. بدليل اللى بيجيب مجموع يدخله كليه كويسه و والده أو حد قريبة رتبة كبيرة مبيدخلش كلية عسكرية.

N0 Comment

**husseinsalah** · 10-12-2010 11:14 PM

الشرطة مهنية زى اى مهنة كلنا بنخدم بعض واذا كان ضابط الكمين بيسهر على كرسى فى الشتاء فى شارع شهاب فاحب اعرف حضرتك انى مهندس وبشتغل فى مواقع فى ظروف سيئة للغاية ياعنى لو اشتغلت بالنهار بفضل واقف 12 ساعة على رجلى تحت الشمس فى الصحراء او بشتغل شيفت بالليل فى الشتاء على البحر فى عز البرد مع التشبع التام بماء الامطار مع اربع ايام اجازة فى الشهر بيضيع منهم يومين فى السفر والعودة (والحياة مش فلوس وبس)

**Bishoy.Girgis** · 11-12-2010 01:31 AM

انا ليا رأي اخر اننا نخلي النسر لأني لما هشوف النسر علي العربية كده بعرف انوا شخص غير واثق بنفسه و مهزأ لأنه عايز يخوف اللي حواليه بسلطته يعني فوق القانون
دا رأيي الشخصي

**moody1** · 11-12-2010 05:17 AM

المشاركة الأصلية كتبت بواسطة peaceman

انا ليا رأي اخر اننا نخلي النسر لأني لما هشوف النسر علي العربية كده بعرف انوا شخص غير واثق بنفسه و مهزأ لأنه عايز يخوف اللي حواليه بسلطته يعني فوق القانون
دا رأيي الشخصي

طيب لو انت اتخانقت معاه

قدرته على الفعل؟

ولا قدرتك انت عالفعل؟

طالما قولت مهزا

يبقى مين فيكو الى يقدر يهزأ التانى بتليفون صغير !!!!!!!!!!!!!!!!!!

**Tamer-Ezzat** · 11-12-2010 06:10 AM

المشاركة الأصلية كتبت بواسطة moody1

طيب لو انت اتخانقت معاه

قدرته على الفعل؟

ولا قدرتك انت عالفعل؟

طالما قولت مهزا

يبقى مين فيكو الى يقدر يهزأ التانى بتليفون صغير !!!!!!!!!!!!!!!!!!

ما هو دة اللى ضاحب الموضوع واحنا كلنا قرفانين منه التليفون الصغير واستغلال النفوذ

**MBhead** · 11-12-2010 03:06 PM

بص يا باشا النسر او السارينه حالة ملهاش لزمة الا للمنظره او انو يعرفك انو ظابط و غالبا بيبقي الموضوع دا للظابط الصغيرين او قلي لسه متخرجين و كده اما الرتب الكبيره فهوا مش محتاج كل الكلام دا هوا بيدخل الكمين و يقلوا انا فلان باشا و خلاص
روق حضرتك هيا دي مصر انا مره دخل فيا مستشار بالعربيه و انا ماشي قدامي و رحنا القسم و لما قال انا المستشار فلان الفلاني الظابط حطني في الحجز
ايوه انا خدت حقي بس بردو القانون مش زي ماانت فاكر بيطبق علي كل الناس لا لا
الفكرة كلها ان في ناس محترمة وفي ناس تانيه زباله
متشغل بالك انت و روق و كله حيبقي تمام و لو زعلان علي حال البلد فهيا دي مصر و العيب مش في مصر العيب في الناس هما قلي عايزنها كده

مشاهدة نتائج الإستطلاع: اى رايك فى الموضوع

الموضوع: عايز اخلع النسر من كل عربيات البلد حد عايز يشارك؟

LinkBack

أدوات الموضوع

عرض

-

-

-

-

-

-

-

المواضيع المتشابهه

معلش عايز اي حد معاه ابيزا 94-2000 يشارك

اللى عايز يعمل مسيره تاييد لمبارك (واللى مش عايز ) يشارك

عايز عفشجي في الجيزة و وسط البلد

مصر واهانة المواطن على جميع المستويات انا عايز اطفش من البلد دى البلد دى مش بتاعتنا

عايز تظبط عربيتك وعايز ديزين يريت الكل يشارك

الكلمات الدلالية لهذا الموضوع

المفضلات

المفضلات

ضوابط المشاركة