الموضوع: كلمتين وبس

لا بس النهاردة ويوم الأحد اللى فات كانت الدنيا جميلة جداً ..... انا بتكلم عن الصبح اثناء الذهاب للشغل .... لاكن بعد الضهر كانت زحمة .
الواحد كان ماشى مستريح كدة ومرحرح بدون زحمة .
فكرتنى بيوم كان اجازة وان اكنت ناسى ومش واخد بالى ولبست ونزلت علشان اروح الشغل كان تقريباً 25 ابريل مش فاكر اوى ايه كانت المناسبة .
وانا ماشى يومها بالعربية حسيت انى فى فيلم ادم بدون غطاء لما خرج محمد صبحى ولاقى الدنيا فاضية ، انا استغربت وقولت هوة فيه ايه ... الناس راحت فين ... ايه اللى حصل فى البلد ... وبدأت اقلق .
لحد ما وصلت الشغل ... لقيت الأمن بيقولى أيه اللى جابك النهاردة يا استاذ أحمد ... قولتلهم ليه هو النهاردة ايه ... قالولى النهاردة اجازة رسمية ... قعدت اضحك ومكنتش عاوز اروح قعدت اتمختر بالعربية فى الشوارع فرحان ومنشكح جداً من الطريق والشوارع الفاضية ، والنهاردة الصبح حسيت بكدة برضوا .