الموضوع: تقييمي للايفو بونتو (مهم)

المشاركة الأصلية كتبت بواسطة wael17

+1111111111111
انا كمان باحس و انا راكبها اني راكب أودي.....مع ان عمري ما ركبت اودي قبل كده

فعلا عزل الصوت + الثبات + العفشة ممتاز و مش بتفتكر انك ماشي في طريق مليان عربيات غير لو فتحت الازاز

هههههه ... انا مستني اختي بقى تقولي انطبعها لما ترجع في الاجازه من برى " علشان معاها اودي " .... اه و بالمره كده حصلها حادثه قاتله " بس في عربيه ياريس " و اتزحلقو في التلج و العربيه طايرت عامودد ... بس الحمد لله لم تحدث اي اصابات غير شوويه كدامات :) و فيه قصه بسيطه !! ... الحادث كان يوم السبت اللي فات .... راحو كلمو شركه التأمين علشان الحادثه ... راح شركه التأمين عرضت عليهم اما عربيه زيرو موديل السنه او ثمن العربيه اللي اشتروها بيه .... و يوم الاتنين " علشان بس الاحد اجازه " ادوهم تمن الهربيه و اختي جابت الثلاثاء عربيه جديده .... و ربنا يعوضها علينا في مصر بقى و شركات التأمين الجامده ! :)

المشاركة الأصلية كتبت بواسطة wael17

بصراحة شركة التأمين اللي اختك مأمنة معاها مش قد كده....يعني ايه الاحد اجازة؟!!! افرض وراها مشوار مهم يوم الاحد...ازاي تعمل حادثة يوم السبت و تقعد لحد الثلاثاء من غير عربية؟!!!! هما ماعندهمش أليانز هناك ولا ايه...و يا ريت تقولي ايه البلد دي عشان ماروحهاش لان شكلها بلد تعبانة اوي...فعلا اللي خرج من داره يقل مقداره

بجد انا عـــــــــــــايز...........أع� �ط

السويد يا باشا ... و الجميل لما عرفت اني مش مأمن زعلت قوي و قالتلي لازم تأمن .... اصلها مش عارفه اللي فيها

المشاركة الأصلية كتبت بواسطة wael17

فعلا يا احمد...لازم تأمن عشان لا قدر الله لو عملت حادثة بعد الشر شركة التامين تديك ايفو زيرو او تاخد تمنها...بس اعمل حسابك ماتعملش حادثة يوم الجمعة عشان بيبقي اجازة في شركة التأمين

و في النهاية احب اقول...لو لم اكن مصريا لوددت ان اكون اي حاجة تانية و السلام

هو اكيد هاخد تمنها و عليه بوسه كبيره ... بس بالرجل

التقييمات الجديده بعد 700 كيلو
الموتور انعم و اقوى (بحطله 95 مع 92)
و الفتيس اتحسن كتيييييييييييييير جدا و العربيه اكتشفت ان مشكلتي معاها ان بحسس على دواسه البنزين زي الالماني لان لما كبست في زنقه على الطريق لقيت الموضوع فارق
علمتلها فرش امبارح بس تركيبه معجبنيش فحروحلهم تاني يوم الاحد ان شاء الله يعيدوه ليا
وربنا يباركلنا فيها و للجميع و يوفق الجميع انه يجبها :)

المشاركة الأصلية كتبت بواسطة formulator

عايز اضيف بس ان الفيات و الألفا طول عمره قوة محركاته مش فى الطلعة من الثبات قد ما هى من الحركة

يعنى التسارع من الحركة (من 80-120 ومن 120-160 مثلا) اقوى بكتير من 0-100 وهتلاقى معظم القوة فى المنطقة 2500 - 4000 rpm

مش معنى كده ان مالهاش فى التسارع من ال 0 بس هتحتاج تضغط جامد لحد 5000 rpm مثلا علشان النتيجة ترضيك
لكن التسارع من الحركة جامد جدا و على rpm اقل زى 3000-3500 مثلا رائع

فيه مقارنة مشهورة بين Bravo T-Jet 150 و Golf TSI 140/160 مش فاكر
الجولف طلعت من 0-100 بفرق 0.3 ثانية
البرافو طلعت من 80-120 بفرق 1.1 ثانية ومن 120-160 بفرق 0.7 ثانية..!!!

كلام جميل

المشاركة الأصلية كتبت بواسطة CryptonX

من 80 الى 120 سريع جدا

ان لاحظت الكلام دا حقيقي اكون ماشي علي 90 و فجاه الاقي العربية جابت 120 130

المشاركة الأصلية كتبت بواسطة crazylambada

التقييمات الجديده بعد 700 كيلو
الموتور انعم و اقوى (بحطله 95 مع 92)
و الفتيس اتحسن كتيييييييييييييير جدا و العربيه اكتشفت ان مشكلتي معاها ان بحسس على دواسه البنزين زي الالماني لان لما كبست في زنقه على الطريق لقيت الموضوع فارق
علمتلها فرش امبارح بس تركيبه معجبنيش فحروحلهم تاني يوم الاحد ان شاء الله يعيدوه ليا
وربنا يباركلنا فيها و للجميع و يوفق الجميع انه يجبها :)

دواسة البنزين ====> تحس في جاب (gap ) بينها و بين استجابة الموتور و دا السبب اللي يخليك تكبس بنزين علشان تحس بالسحبة