على فكرة دى اول مشاركة ليه معاكو من بعد ما سجلت على المنتدى المهم....
بعد ما فضلت فترة طويلة على المنتدى بدور على العربية وبعد طول حيره فضل 6 شهور......
الحمد لله اشتريت عربية لوجان 2011 والفضل لله ثم لاعضاء المنتدى وخاصة قسم الرينو....
انا عامل بالعربيه لحد دلوقتى 650 كم وكان لى بعض الملاحظات.وعلشان مطولش عليكو هى موجودة كلها بالمنتدى العيب الجديد هو انى بسمع صوت غريب جى من الخلف ويكون عامل زى مايكون فى جركن ميه بيترج فى الشنطه وفضلت متابع العيب ولقيته مرتبط بكل لما افول العربية بنزين ويفضل موجود لحد لما استهلك 1/3 التنك فاتصلت بالتوكيل (المقطم) واخذت ميعاد النهارده الصبح ورحتلهم وطلع معايا مهندس وجربنا العربية وسمعته الصوت واستغرب جدا وقالى انتظر لحد ما يكشف عليها......
وبعد حوالى ساعتين طلع المهندس وقالى العربيه مفيهاش حاجة ...قلتله ومال الى انت سمعته ده ايه..قالى العيب ده عيب فى تصميم شكل تنك البنزين ولا يوجد له علاج..
وده الى حصل معايا بس علشان الواحد يكون صريح وحيادى العربيه كويسه وممتازه على فئتها والواحد ابتدى يحبها وهى احسن عربيه فى فئتها.