زيارة للتوكيل

**bshndi** · 08-10-2009 01:08 PM

الإخوة الأفاضل
بعد إستشارتكم بالطبع في ما يتعلق بعداد الحرارة الميت وكذلك المساعدين الخلفي ومستوي الزيت المتدني ) ، قررت الذهاب للتوكيل لفحص الأمر (وخاصة أن العربية ما عملتش لسه1600 كلم فقك )، وقولت أروح لأبو غالي بعد إلي سمعته من الناس عن خدمة العملاء بتاعه منصور .
إتصلت بالرقم وعرفت إني ما قدرش أحجز إلا في فرع جسر السويس خلف سوق القنال الدولي (لو حد يعرف يوصف لي السكة من بعد السندباد علي سبيل المثال أبقي شاكر ليه جداً الميعاد يوم السبت الصبح) أنا مش عارف هل ستكون هناك تكلفه لما سيتم عمله في العربية ولا طالما العربية في الضمان يبقي الموضوع مجاني والتكلفة ستبقي علي المستهلكات فقط ؟ لو أي زميل عنده فكرة أو خاض التجربة مع هذا الفرع أرجو منه الإفادة .
تحياتي

**samirayad** · 08-10-2009 02:05 PM

الزيوت والميه على حسابك
أما فيما يخص أصلاح دايرة قياس الحراره
فعلى حسابهم

**kimo-nubira** · 08-10-2009 03:40 PM

المشاركة الأصلية كتبت بواسطة samirayad

الزيوت والميه على حسابك
أما فيما يخص أصلاح دايرة قياس الحراره
فعلى حسابهم

يا باشمهندس سمير العربيه علي ما اعتقد بتاكل زيت لان العربيه عامله 1600 كـــ . م فقط

ازاي تبقي علي حسابه علي ما اعتقد ان ديه عيوب صناعه المفروض يشيلها التوكيل ولا ايه ؟؟

**bshndi** · 08-10-2009 06:09 PM

ألف شكر ليك يا باشمهندس سمير علي سرعة الإستجابة ( إسمعلاوي أصيل والله ) بس هل تعتقد إنني المفروض أماين معاهم في مسألة الدفع دي لأن الزيت ده المفروض إنه بيقعد لحد الخمسة آلاف ، وكمان المياه وأنا مشيت بالعربية فقط 1565 كيلو متر .
مش عارف والله يا خبر النهاردة بفلوس بكره يبقي ببلاش (بس شكلي كده هارخم عليهم، وأوافيكم السبت مساء إن شاء الله بالتفاصيل) .
تحياتي

**bshndi** · 08-10-2009 06:25 PM

لأصحاب العربيات الجديدة ،
أي زميل شاري عربيته جديده أو لسه في الضمان وعاوزني أسأله علي أي حاجة هناك يتفضل يقولي ، ولو السادة الخبراء عندهم أي إقتراح بالنسبة للأشياء المراد فحصها بالإضافة إلي الأشياء السابق دكرها في الموضوع االأساسي أكون شاكر لكم جميعاً .

**samirayad** · 08-10-2009 06:30 PM

المشاركة الأصلية كتبت بواسطة kimo-nubira

يا باشمهندس سمير العربيه علي ما اعتقد بتاكل زيت لان العربيه عامله 1600 كـــ . م فقط

ازاي تبقي علي حسابه علي ما اعتقد ان ديه عيوب صناعه المفروض يشيلها التوكيل ولا ايه ؟؟

العربيه لسه زيرو وأخونا صاحب العربيه
حيغير الزيت اللى بعد الألف الأولانى (زيت التخزين يعنى )
وحيزود شوية ميه راديتير
وحيشوف عطل مؤشر الحراره
يبقى التوكيل حيشيل سعرالزيت

لأصحاب العربيات الجديدة ،

ههههههههههههههههه

**samirayad** · 08-10-2009 08:05 PM

ألف شكر ليك يا باشمهندس سمير علي سرعة الإستجابة ( إسمعلاوي أصيل والله )

الله يخليك

بس هل تعتقد إنني المفروض أماين معاهم في مسألة الدفع دي لأن الزيت ده المفروض إنه بيقعد لحد الخمسة آلاف ، وكمان المياه وأنا مشيت بالعربية فقط 1565 كيلو متر .

أنا غيرت الزيت بعد ألف من شرائى لسيارتى
والمفروض نفس الكلام معاك برضه
مش عارف أيه حكاية ال 5 آلاف دى
المفروض أنك تغير الزيت لأنك دلوقتى فى فترة تليين مع وجود حمل
وأى مكنه جديده بتبقى جايه بزييت
يادوب يمشيها شويه كده
على ماتمشى معاها فى مشوار متابعة الزيت
لأن فيه فترة تليين برضه مع وجود أحمال
ودى ممكن يتبعها شوية رايش مثلا من أثر التطبيع مع الحمل (ولا تخف من كلمة رايش دى )
لأن ده طبيعى لحد ماتتطابق الأسطح مع بعضها
وكل مكنه جديده بتبقى كده

**swimmer25** · 11-10-2009 12:19 PM

انت رحت ابو غالي جسر السويس ؟
ياريت تحكيلنا ايه الاخبار هناك اليومين دول
انا روحت في صيانة ال 1000 كم والتفاصيل في الموضوع ده
http://www.nilemotors.net/Nile/48188-a.html

من شهر كده كلموني من نفسهم وقالولي ازيك وعامل ايه وكده وقالولي احنا غيرنا النظام عندنا وظبطتنا الدنيا وانا قلتلهم انا داخل علي صيانة ال 10000 كم وسالتهم علي سعرها قالولي 75 جم بدون زيت (مش عارف علي ايه)

وطبعا حضرتك تشرفنا والحاجات دي
ايه اخبار الخدمة هناك دلوقتي ؟

**samirayad** · 11-10-2009 04:47 PM

المشاركة الأصلية كتبت بواسطة kimo-nubira

يا بشمهندس هو بيقول ان فيه تدني واضح في مستوي الزيت يعني المكنه بتاكل زيت

اللي انا فهمته من كلامه ان الموتور كده فيه حاجه غلط يبقي ليه هو اللي يشيل السعر بدام اصلا ده عيب صناعه

طيب عرفت أن زيت المكنه عنده ناقص أزاى

ومستوي الزيت المتدني

وأذا كان على دى فهو يقصد زيت الباور على ما أفتكر من موضوع قديم خاص به

-

الموضوع: زيارة للتوكيل

LinkBack

أدوات الموضوع

عرض

-

المواضيع المتشابهه

يومياتي في اول زيارة للتوكيل

اول زيارة للتوكيل بدون حجز

Gen-2 2010 و زيارة للتوكيل..

زيارة للتوكيل العبور الرائع

زيارة للتوكيل

الكلمات الدلالية لهذا الموضوع

المفضلات

المفضلات

ضوابط المشاركة