بعد اول زيارة للتوكيل اضف الى عيوب اللوجان

**M.Elgergawy** · 06-12-2010 03:36 PM

هو مش المفروض لما التنك يتملي يبقى مفيش مكان للصوت دا اعتقد ان الصوت دا لما التنك يفضى شويه عن النص تسمع الرجرجة والا ايه

**gebreel** · 06-12-2010 03:55 PM

هو بيبقى فيه مكان فاضي علشان البخر خصوصا للناس اللي زي حالاتي مبتحبش تملا التنك لحد الزور انا بقولو لحد اول او تاني تكة بالكثير و مبسيبوش تحت النص و مع ذلك كنت بسمعو

**nour_nrc** · 06-12-2010 06:28 PM

ايوه صح

**akerima** · 07-12-2010 11:31 AM

انا معايا العربيه من حوالي 6 شهور وعاملة دلوقت فوق ال 10000ك وما سمعتش صوت البنزين خالص مع اني موسوس اصوات ممكن يكون الموضوع ده في عربيات عربيات بس قولي انت معاك الفل ولا الهاف

**ENGA7MED** · 07-12-2010 12:00 PM

انا معايا full options موديل 2011 وقابلت واحد فى التوكيل موديل 2010 وكان عنده نفس الصوت

**ENGA7MED** · 08-12-2010 10:07 AM

على فكرة انا بعت ايميل لرينو فرنسا ومستنى يردوا عليا ولما يردوا هاقولكوا ايه الاخبار.
الصوت اتعودت عليه خلاص بس عيب لما يطلع من ماركة محترمة زى رينو

**kar!m** · 08-12-2010 10:22 AM

المشاركة الأصلية كتبت بواسطة frhateg

و العربيه اللي فاتت كان ماركتها ايه .

سوزوكى سويفت .. بس هى مكتنتش أصوات فى تنك البنزين .. بس أصوات فى الأبواب أو الكنبة اللى ورا .. أو تزييق بلاستيك التابلوة مع الأبواب .. انا بتضايق من الحاجات دى جدا.

**kar!m** · 08-12-2010 10:25 AM

المشاركة الأصلية كتبت بواسطة tamer61

فعلا في الأول كنت بسمع الصوت ده على فترات و بعد كده خلاص أصبح شيء عادي علشان كده مابقتش بسمعه من الأساس و عموما الصوت ده يدعو للفخر إن ربنا و فق و قدرت أفول التنك لأن ده في حد ذاته إنجاز كبييييييير و لا إيه يا جماعه.

دى فعلا حاجه عظيمة باعتبار اسعار البنزين و اعتبار المرتبات :-)