الموضوع: Getz Club

المشاركة الأصلية كتبت بواسطة nana96

وبرضه عربية زوجى بيجو 307 الريموت بيفتح السنتر مع الشنطة وفيها رفع الزجاج ...

طيب المهم الزيادات دى مش بتطلع العربية من الضمان؟؟ اصلى لسة مكملتش 5000 كم وخايفة ابوظ الضمان ....

بالنسبة للضمان هما بيشترطوا عدم تركيب اي شيء حتى لو كاسيت خارج الضمان . عشان لو العربية لا قدر الله حصل فيها مشكلة في الكهرباء مثلا هاييجي يقولك اصلك مركبة حاجات بره التوكيل وهي دي السبب احنا مالناش فيه .
في ناس بتركب وبتسيبها على الله لان الزيادات دي اعتقد مش بتكون محتكة بكهربة العربيه اوي يعني, دي هي وحدة رفع متصلة بالنذار وخلاص يعني مش متوصلة بالكنترول يونيت يعني .
وفي ناس بتمشي جنب الحيط لغاية لما الضمان يخلص لان محدش عارف ايه اللى هايحصل مستقبلا .
انا عن نفسي مشيت جنب الحيط وخلصت الضمان وبدأت العب براحتي .
وفي حل تاني انك تركبي الحاجات دي في التوكيل . وانتي بتعملي صيانة ال 5000 اسالي ينفع تركبيها عندهم وهاتشتري من عندهم ولا من بره والاسعار والمصنعيات وبكده تبقى عملتي السليمة على راي الكبير اوي.

انا روحت الحرفيين يا جماعة يوم الاثنين الصبح ( اللى هو طلع الوقفة )
للاسف كان معظم المحلات قافلة لكن في شوية كانوا فاتحين قدرت اطلع من هم بالاتي :
بالنسبة للفوجات مش موجودة نهائيا .... ليه ؟؟؟
عشان كل تجار الحرفيين اللى بيستوردوا عربيات بيجيبوا جيتز موديل من 2001 لغاية 2004 ( اللى هي الشكل القديم ) عشان هي هي نفس العربية لكن المتغير بس الفوانيس . فطبعا بيجيبوا العربية الارخص بالنسبة ليهم . والفوجات بتاعة الشكل القديم غير الفوجات بتاعتنا . دي مربعة واحنا مدورة . بالتالي كل اللى سالت عندهم قالولي ماتدورش على الفوجات دي استيراد عشان مش هاتلاقيها . اشتريها جديد او ركب بتاعة الفيرنا واعملها تعديل . وانا عن نفسي قررت اني اشتريها من برة وتجيلي عن طريق شركات الشحن وكده .
الاسبويلر موجود وفي بالاستوب وفي من غير . اللى بالاستوب بداية كلمه 550 وصلت معاه لغاية 400 .
بس اللى لاحظته ان الاسبويلر يا جماعه عبارة عن بلاستيكاية معفنة ومجرحة وحتاجة تترش قبل ماتركب ولو مسكتها في ايدك تلاقيها خفيفة جدا جدا . بصراحة انا شايف انها تتعمل هنا عند اي حد من بتوع الفيبر .
بس الاسبويلر ده لقيته عند واحد بس في اول شارع المرسيدس وملفتش تاني بعد كده لان الجو كان حر والواحد كان بيحتضر من كتر العطش .
معلش مطلعناش باي مصلحة من المشوار ده لكن اكيد هانلاقي سكة تانية وهي بورسعيد بقى ان شاء الله .
ان شاء الله ناوي اروح بورسعيد اجيب طقم جنوط استيراد تكون حاجة momo كده وسمعت ان الدنيا هناك غير هنا خالص .