رد مع اقتباس
ان شاء الله نرجع انشط من الاول كمان
شوف يا سيدى القصة من البداية ... مبدائيا اكتشفت ان الجيتز من العربيات الى من الصعب تلاقى حاجتها و اقرب للمستحيل تحس انك لما بتسأل على حاجة تحس ان الناس بتعملك انك راكب عربية من المريخ ..
شوف يا سيدى انا الاول نزلت الحرفيين لحد ما نفسى انقطع ملقيتش غير واحد بس عاندو الفوجات بس قالى مش بطلعهم لوحدهم لازم الاكصدام كله و بعد مداولات قالى هديك الفوجات ب 500 جنية من غير المفتاح و الضفيرة .. اكيد قالتلة متشكر جدا جدا ..
رحت التوكيل بسأل عليها قلت اخرها هتبقى كام يعنى 600 جنية بس اصلى و جداد لقيت الراجل صدمنى بالرقم 1200 جنية من غير الضريبة و التركيب .. قلتلة شكرا جدا جدا جدا
و فقدت الامل انى اركب فوجات و قلت خلاص انتهت القصة ...
لحد ما لقيت واحد صحبى مسافر كوريا و بالحظ قلتله لو لقيت الفوجات هاتها و انت جاى و اكيد ما كنتش متوقع انو هيجبها و فعلا لقيتو بيقولى انا لقيتهم ب 70 دولار اصلى اكيد و جداد قلتلة هاتهم و بالفعل وصل صحبى و الصدمة جاتلى لما شفت نضافة الفوجات حاجة كدة بسم الله ماشاء الله تحفة و تحس انها بتاعتها فعلا مش الناس الى تقولك هو هو بتاع الفيرنا لا ده مختلف تماما .. بس المشكلة ... مش معاهم المفتاح !!!
نزلت تانى الحرفيين و قعدت الف لحد ما لقيت واحد عاندو تابلوه جيتز بس متكسر و مش نافع و راميه على جنب ببص لقيت مفتاح الفوجات فيه جريت علشان اجيبة و لقيتة بيقولى 200 جنية بقوله ليه قالى حاجة الجيتز نادرة و مش حتلاقى المفتاح تانى فى الحرفيين و بعد الفصال خلص على 80 جنية ..
و الحمد لله نزلت النهادرة اركبهم علشان افرح بزئردة شوية
الراجل الكهربائى بتاعى فك الاكصدام و بداء يحدد و يقطع مكان الفوجات ( مش طبة و مسامير تتشال ) و قطع على المقاس بالضبط و طلعت زى الفل و ركب الفانوس على قواعدة تمام و بدأت الرحلة الاخرى الكهرباء العربية طلعت مفيهاش فيش فوجات خارجة من الضفيرة علشان لو حبيت تركب فوجات بس فيها حاجة الذ ... بنبص على علبة الفيوزات لقينا الكتاوات بتاعة الفوجات مكانها موجود بس مش موجودة ركبناها و لقينا ورا الطبة الى فى التبلوه الفيشة الى بتركب فى المفتاح جاهزة قالنا الحمد لله الصعب خلص و بالفعل بدأنا فى تركيب الكتاوت الاصلى و هى مكانها موجود عاملة زى الفيوز كدة بس كبيرة شوية و ركبنا الاكصدام و الحمد لله كله تمام و العربية بقت حاجة تانية ...
الدروس المستفادة :
1- فوجات الجيتز غير فوجات الفيرنا تماما
2- لازم كهربائى شاطر جدا جدا جدا
3- غبور ضحك علينا و شال كل حاجة من العربية حتى استخسر فينا الطبة الى فى الاكصدام ..
الموضوع: Getz Club
-
LinkBack
LinkBack URL
About LinkBacks- Bookmark & Share
- Tweet this thread
-
رقم العضوية : 64795
تاريخ التسجيل : 11Mar2010
المشاركات : 814
النوع : ذكر
الاقامة : New cairo city
السيارة: VW Beetle
السيارة[2]: Getz
دراجة بخارية: no
الحالة :
-
hasad">(نجاح جديد لنايل موتورز مع هيونداي)http://www.nilemotors.net/Nile/80394-a.html (نجاح جديد لنايل موتورز مع هيونداي)
اللينك ده فيه خصومات هيوندايyou only live once
-
رقم العضوية : 20516
تاريخ التسجيل : 29Sep2008
المشاركات : 1,378
النوع : ذكر
الاقامة : مصر
السيارة: Terious GX Plus 2012
السيارة[2]: Kia Rio HB 2013
دراجة بخارية: no
الحالة :
-
-
رقم العضوية : 99463
تاريخ التسجيل : 18May2011
المشاركات : 5
النوع : ذكر
الاقامة : Egypt cairo
السيارة: Hyundai Getz
السيارة[2]: sahin
الحالة :
-
السلام عليكم يا جيتزاوية يا حبايبى
انا العربية عندى موديل 2008 مانيوال
عاملة 38400 كيلو جايبها فى شعر 10 2008
عايز اجنط العربية بس مش عارف ال 15 مفيد و لا كفاية 14 و ايه مواصفاته يعنى العرض و كده انا خلاص هغير طقم الكاوتش
ايه انواع الجنوط الكويسة ومنين و بكام و معلش كمان الكاوتش المطابق لكل جنط نوعه ايه و بكام و منين
بخصوص السبويلر انا شوفت ناس مركباه عايز اعرف بكام و منين انا عربيتى سماوى و هل بيجى باون العربية و لا لازم ادهنه
-
رقم العضوية : 99463
تاريخ التسجيل : 18May2011
المشاركات : 5
النوع : ذكر
الاقامة : Egypt cairo
السيارة: Hyundai Getz
السيارة[2]: sahin
الحالة :
-
السلام عليكم ده تقريرى عن العربية
العربية ما شاء الله تمام جدا مريحة فى كل حاجة
ناعمة وعالية من تحت مش بتلحس الاسفلت زى عربيات تانية و السماعات و الكاسيت حلوين على سماعات جاية من المصنع ( فى سماعات وكاسيت بيجوا مع العربية لازم يترموا للكلب)
التكييف بتاعها حلو مقارنة بعربيات تانية بس محتاج شوية صيانة كده كل فترة عند اى بتاع تكييف مش قضية
من ناحية الفرامل حمالة قسية انا مجنون سرعة و ربنا يخليهالنا تعاملت كتيييير بنجاح و لسه مغير التيل الامامى من شهر بس
الكاوتش الاصلى حالته لسه كويسة جدا رغم مرور 3 سنين بس بدأ ينشف يعنى هه فترة و اغيره بس النقشات لسه حلوه
السحب خرافى بس كان فى مشكلة مواجهانى انا و اخوية فى العربية ان الموتور تقريبا جوه العربية و صوته عالى تنين بالمقارنة بالعربيات التانية فلما الار بى ام يبقى على 3000 بحس انى على 4000
فكنت الاول زى ماكنت متعود قبل كده انقل على صوت العربية لقيتها مابتسحبش العربية نامت قرصت شوية فتحت معايا و بقت تمام التمام
بس المشاكل اللى قرفتنى جزئيا و هى مش مشاكل تذكر
السنتر اللعين و زجاج الكهرباء
السنتر ده تقفيل عشم من ساعة ماجيبت العربية كان كل اسبوع ابواب تفصل و و شمية و الريموت مايفتحش العربية
عزبتنى من توكيل لاولاد عشم حوالى سنة كنت خلاص اتصاحبت على ولاد عشم دول كل اسبوعين اروح يصلحوها ببلاش لغاية مرة رشيدة كانت مع ابويا راح صلحها و غير حاجة قاللى الاكتواتور مش عارف يعنى ايه بصراحة من ساعتها هدنة لمدة سنة و نص و بعدين الريموت بدأ يقل ادبه زرار الفتح باظ و العربية مش رااضية تعبرنى افتحها بالمفتاح تضرب ان1ار و مايرضاش يقفل رحت الضمان غيرهولى و قشطة فى هدنة تاااااااااااااامة
المشكلة فى قطع الغيار
من سنة و نص عربية بولونيز سايقاها طنط دخلت فى الباب بتاعى و جابت الجانب الشمال كله الباب بتاعى اتعجن بس الحمد لله القوايم تمام
قلت اغيره قلبت الدنيا على باب كويس مالقيتش غير ابواب مضروبة و واحد صاحبى معاه ماتريكس قاللى بلاش الباب القديم لو لصمته هيبقى احسن روحت الوكيل الباب كان ب 2800 جنيه اسود من غير اى حاجة
طبعا قولت مالو التصليح اتصلح بس متلصم القوايم اللى فى الباب من جوه اتعجنت ( بولونيز بقة ) بس قشطة عايش معاه بأمان
الفنوس الخلفى اتنقر زلطة قولت اشوف ال جديد بكام او وش مالقيتش اصلى من اول لفه لغاية مالقيت الموقع ده
سألت الوكيل قاللى 550 و الامامى لقيته 820 !!!!!!!!!
قولت اكيد فى اسعار احسن
من سنة تقريبا المراية الشمال لقيتها مابتتحركش و باصة لبعيد فكيت المراية عرفت ان فى مسمار كده مثبت فى بلاستيك البلاستيك اتاكل روحت الضمان غيرهالى سالت بكام قالى 600 جنيه
بس عموما مشكلة قطع الغيار دى عادية
بس اوحش حاجة الثبات و المساعدين مش اد كده فقلت اجنط لعلى اعرف اخد غرز بامان
عموما العربية فى خلال 3 سنين زى الفل سواقة سريعة بامان الى 135 ده فى رايى الغرز متوسطة
استهلاك البنزين رائع هو هو من ساعت ما جيبتها
واسعة و ساعات بقلبها ربع نقل لما اتنى الكنبة
التابلوه و الصالون شيك جدا و مافيش اى مشاكل كبيرة
الكهرباء مرة كده الكلاكس علق
البطارية اللى جاية مع العربية بقالها معابا 3 سنين زى الفل بس خلاص قربت تموت بس مع فحتى ليها
التقفيل تمام جدا
فى شوية حاجات لو اتوفرت فيها هتبقى ظريفة جدا
1- غمازات امامية المشكلة بليل لو بحاود اللى وراية على يمينى او شمالى و مش شايف الفانوس الخلفى مابيعرفش انى بلف عشان الفلشر فى نص الفانوس الامامى ( ممكن يحلوها بغمازات فى المرايات )
2- موضوع فتح الشنطة من الداخل ( يغيظ اوى لما ابقى نازل سيتى ستلرز لازم اطفى العربية و انزل افتح الشنطة )
3-عداد حرار مش لمبة الموضوع ده بيقلقنى شوية بس انا عارف ان ده فى عربيات طتير بس العداد صعب يبوظ لكن اللمبة ممكن تبوظ بسهولة و ساعتها باى باى موتور
العربية مش محتاجة ترويش قوى
-
رقم العضوية : 20516
تاريخ التسجيل : 29Sep2008
المشاركات : 1,378
النوع : ذكر
الاقامة : مصر
السيارة: Terious GX Plus 2012
السيارة[2]: Kia Rio HB 2013
دراجة بخارية: no
الحالة :
-
بص يا سيدى لو عايز تجنط هات 15 او 16 بلاش 14 زى قلتة بمعنى الكلمة
المشاركة الأصلية كتبت بواسطة miki45
انواع الجنوط الكويسة التايلاندى و الاندونسي زى ssw مثلا و احسن واحد اشرفكو فى مدينة نصر
و هتبقى فى حدود 1800 ل 15 و 2100 ل 16 من غير كاوتش
الجنوط ال 15 هتجيب مقاس 195\55 و ال 16 هتجيب كاوتش 205\45
و احسن انواع الكاوتش البريجستون بس المشكلة ان سعرة غالى الفردة توصل 700 جنية
وفى انواع اخرى ممتازة و سرعات بردة زى الهانكوك و الكومهو و سوموتومو يابانى
انا شخصيا مجنط 15 و حاطط كاوتش هانكوك ممتاز معنى الكلمة و الفردة كانت ب 400 جنية
الاسبويلر مش هتلاقية لوحدة غير فى التوكيل و ب 1200 جنية و بيجى اسود و انت بترشة و مش هتلاقية استيراد هيقولك لازم تاخد الشنطة بالاسبويلر
-
رقم العضوية : 83589
تاريخ التسجيل : 15Dec2010
المشاركات : 695
النوع : ذكر
الاقامة : TANTA
السيارة: hayundai getz 2010
السيارة[2]: lada 2107
دراجة بخارية: no
الحالة :
-
انا بقا البطاريه اللى مستلمها اى كلام و ناوى اغيرها لما اروح التوكيل و ياريت اللى يعرف مكان الاسبويلر يقولنا نلاقيه فين انا برضه عايز و لو انى شايف مستحيل نلاقيه اذا كان الفوانيس صعبه
اه نسيت اقولكم انا ركبت قلتر هواء سبور سيموتا اصلى بصراحه روعه السحب زااااد و صوت الموتور بقا رياضى و جميل
-
رقم العضوية : 64795
تاريخ التسجيل : 11Mar2010
المشاركات : 814
النوع : ذكر
الاقامة : New cairo city
السيارة: VW Beetle
السيارة[2]: Getz
دراجة بخارية: no
الحالة :
-
احمد باشا المشاركة الأصلية كتبت بواسطة _ahmed_casper_
مبروك يا باشا على الفلتر وياريت تشرحلي كل صغيرة وكبيرة عن الموضوع ده عشان انا عايز اركب ومحتار .
جبته منين وسعره كام وركبته ازاي وكل حاجة . ولو في صور يبقى تسلم ايدك .you only live once
-
رقم العضوية : 64795
تاريخ التسجيل : 11Mar2010
المشاركات : 814
النوع : ذكر
الاقامة : New cairo city
السيارة: VW Beetle
السيارة[2]: Getz
دراجة بخارية: no
الحالة :
-
انا رأيي انك تلتزم بتعليمات السيارة وتركب المكتوب على الباب اللى جنبك من جوه . هاتلاقي مكتوب مقاس الكاوتش 14 او 15 والمقاسات المناسبة . اعتقد ان ال 16 هايضر العربية . انا عن نفسي ان شاء الله هاركب جنوط 15 . المشاركة الأصلية كتبت بواسطة miki45
بالنسبة للكاوتش فعلا في انواع كتير كويسة بس غالية لكن اللى سعره كويس وانا جربتهم الهانكوك اولا ويليه الكومهو .
بالنسبة للاسبويلر انا كنت سالت عليه قبل كده في الحرفيين وكان سعره 350 جنيه لوحده وكان لونه اسود , بس الكلام ده من حوالى سنة كده .you only live once
-
رقم العضوية : 83589
تاريخ التسجيل : 15Dec2010
المشاركات : 695
النوع : ذكر
الاقامة : TANTA
السيارة: hayundai getz 2010
السيارة[2]: lada 2107
دراجة بخارية: no
الحالة :
-
عنيا ليك يا مادا باشا
بص انا جايبه مستعمل استعمال خفيف و نوعه سيموتا تايلاندى و جايبه ب ١٥٠ جنيه و هو تقريبا جديد فى حدود ١٨٠ تقريبا و لما جيت اركبه فاكر لما انت بعتلى صوره عربيه مركبه فلتر اللى هى كان ازرق؟
انا ركبت بنفس الطريقه كده روحت شايل الغطاء بتاع الفلتر الاصلى و الفلتر نفسه اللى جوه و فكيت الخرطوم من المسمار بتاعه و ركبت الفلتر السيموتا فى نفس الخرطوم على طول من غير مواسير ولا حاجه و رابطه بالافيز كويس و حاطه فى القاعده بتاعه الفلتر الاصلى لأنى مشلتهاش و سبتها مكانها
حاول تتخيل الوضع بقا لأن صعب جدا ارفع صور و اى سؤال تحت امرك صحيح ايه اخبار الصوت معاك مولعها ولا اييييييه
-
رقم العضوية : 64795
تاريخ التسجيل : 11Mar2010
المشاركات : 814
النوع : ذكر
الاقامة : New cairo city
السيارة: VW Beetle
السيارة[2]: Getz
دراجة بخارية: no
الحالة :
-
hasad">تمام يا باشا كتر خيرك وتعبتك معلش المشاركة الأصلية كتبت بواسطة _Ahmed_casper_
انا متخيل وكنت عايز اركب انا كمان كده برضه بس في ناس قالتلي لا ولازم تركب الماسورة اللى جاية مع الفلتر ولازم ولازم ولازم . وكنت عايز اجيب ال K&N بس برضه في ناس قالتلي كل اللى في السوق مضروب ومش اصلي . وانا محتار والله مش عارف ايه .
المهم انا هاخليك انت معمل التجارب وهاستني تقييمك ليه بعد فترة كده من الشغل . وهل فعلا الصوت بتاعه بيبان عند 3 rpm ولا المعلومة دي خاطئة ؟ يعني وانا ماشي عادي صوت العربية طبيعي ولما احرق على الغيار يبان صوت الفلتر ؟
المهم انا دلوقتي خطوتي اللى جاية هي الجنوط خصوصا ان الكاوتش عندي عملت بيه حوالى 55 الف وعايز اغيره وقولت بما اني هاغيره يبقى اجيب جنوط بالمرة وكاوتش ( 15 ) بس المشكلة بقى اني عايز اجيب قسط
ماعندكش فكرة او اي حد هنا عنده فكرة عن مكان كويس بيبع كاوتش وجنوط بالتقسيط ؟you only live once
المواضيع المتشابهه
-
VOLVO Club
بواسطة Golfer05 في المنتدى الأوروبـــى العـــــاممشاركات: 45آخر مشاركة: 09-01-2014, 04:47 AM -
Fiat Egy Club
بواسطة Tarek_Hemi في المنتدى فــــياتمشاركات: 6آخر مشاركة: 06-04-2012, 09:51 AM -
Fiat egy club
بواسطة Tarek_Hemi في المنتدى قسم رابطات فياتمشاركات: 0آخر مشاركة: 06-04-2012, 09:04 AM -
FRV Club
بواسطة Mostafa Hessen في المنتدى بريليانسمشاركات: 59آخر مشاركة: 09-02-2010, 12:33 AM -
Toyota Club
بواسطة معاذ الشرباصى في المنتدى تـويوتـــامشاركات: 5آخر مشاركة: 18-10-2007, 10:05 PM
المفضلات