الموضوع: Getz Club

المشاركة الأصلية كتبت بواسطة mohab555

اخر المغامرات واثبات ان غبور ده انتن خلق الله وخسارة انك تدفع 2 جنية فى عربية من عندو
طبعا كلنا استغربنا وقولنا اذاى معندناش فى الجيتز لميه ال check engine والى موجودة فى كل العربيات من اول الماروتى لحد المرسيدس
قررت استفيد بتجريه الرجالة بتوع النيواكسنت واتكلت على الله وطلعت على الكهربائى و فكينا العداد ولقينا مكان اللمبه فاضى ربنا اللمبه الى هى غالية جدا ب 5 جنية بالدوايه بتاعتها ونوعها جنرال الكترك ( منك لله يا انتن وكيل عربيات فى العالم ) وقفلنا والحمد لله اللمبه اشتغلت وبقينا زى كل العربيات والعملية كلها اتكلفت 15 جنية ..
- اللميه مهمه جدا يا جدعان وغبور شلها علشان مش كل اللميه ماتنور الناس تروح فقال يشلها ويشترى دماغة والعربيات بتعانا لما نخرب خالص نبقى نروح (( روح منك لله يا شيخ ))
-----------------
صورة اللمبه بعد التركيب:
----

طبعا مش هاقدر افتح بوقي غير اني اقولك ( برافو عليك يابني والله )
بس انا عايز اعرف يعني هو غبور وقفت عليه القصة انه يركب اللمبة ؟؟؟؟؟؟؟؟؟؟؟؟؟؟
طيب هل فعلا لو حصل اي عطل في العربية اللمبة هاتنور ؟؟؟؟؟؟؟؟؟؟؟؟؟؟؟
ولا هي منظر بس وانت بتدور العربية وبعدين تطفي للابد ؟؟؟؟؟؟؟؟؟؟؟؟؟؟
طيب ولما هي موجودة والفيوز بتاعها راكب وشغالة هو مش مشغلها ليه ؟؟؟؟؟؟؟؟؟
ربنا معاك والى الامام جاااااااااااااااااااااامد

المشاركة الأصلية كتبت بواسطة Mohab555

مادا قولى صحيح اخبار البطارية عندك ايه ؟؟ بتاعة الفابريكة ولا غيرتها !! احكيلى كدة علشان بطاريتى شكلها هتعملها قريب

انا غيرت البطارية مرتين يا اكسلانس لغاية دلوقتي ( عربيتي 2007 عاملة 176 الف كيلو )
اول مرة جيبت acdelco قعدت معايا سنة . وفجاة
جيت وقفت في يوم بليل قدام محل وكنت مشغل التكييف والنور والكاسيت ونسيت ان العربية واخدة غيار وروحت شايل رجلي من على الدبرياج فطبيعي العربية بطلت روحت حاطط ايدي على المفتاح ومدور العربية بتلقائية شديدة وكل الحاجات دي شغالة . سمعت صوت طقة كده وبعدين كل حاجة في العربية طفت . كله كله زقيت العربية ودارت بالعافية وفي نفس الليلة غيرت البطارية لانها ماااااااااااااتت فجاة .
ساعتها جبت البطارية التانية واللى هي معايا جاليا بقالها حوالى سنة ونص وقربت تفيص بس انا بصراحة مسايسها لان البطاريات غليت وبقت بـ 500 جنيه وانا مش حمل بطارية دلوقتي خالص .
حوال تاسيسها لغاية لما تبدأ توصل لمرحلة الزق غيرها علطول وحط في دماغك ان كل البطاريات دلوقتي عمرها الافتراضي سنتين اي كان نوعها او سعرها .

اولا خد الصور لغاية لما اشوف المغامرة الجديدة يا لعييييييييييييييييييييييي يييييييييب