الموضوع: Getz Club

المشاركة الأصلية كتبت بواسطة ahmedalaa88

تم بحمد الله تركيب اللمبة الخاصة ب التشيك انجن و كلو تمام و كلو تمام بفضل الله اولاً ثم بفضل المنتدى الجميل و الحمد لله تجربة ناجحة و المعلومات كانت مفيدة جداً و كانت خطوة بخطوة و شكر خاص جداً للعضو: mohab555 و سعر اللمبة 10 جنية

يا فاندم انت تأمر المهم ان كل الشباب الجتزاوى يكونوا مبسوطين

المشاركة الأصلية كتبت بواسطة mada_76

مبروك يا هوبا على البطارية وعقبال الفلتر والجنوط ال 16
ان شاء الله تكون بطارية كويسة
لو ناوي على كاوتش انا اعرف موزع كونتنتال وهو اللى انا جبت منه الكاوتش بتاعي وهايظبط في السعر ومكانه في مصر الجديدة .

حبيبي يا مادا ربنا يخليك ليا
انا دلوقتى فى حيرة فى موضوع الفلتر و الكاوتش ده وعايزك تفكر معايا
بالنسبة للفلتر فى ناس بتقولى صوت بس !! فى ناس بتقولى بيخلى عزم العربية تحت قليل !! ناس تقولى رهيب وملوش حل !! ناس تقولى بلاش علشان ان حوضك ضيق و هيدخل للموتور هوا سخن !!! ومش عارف الحقيقية فى كل ده ... افتينى يا وزيرى
بالنسبة لموضوع الكاوتش ده نزلت سألت لقيت الكلام كالاتى
1- بريدجستون بوتنزا ادرينالين 195/50R15 W الفردة ب 680
2-الميشلان 195/50R15 V الفردة ب 650
3-جنرال المانى نفس المقاس والواصفات بتاعة المشلان ب 500
4- ناس بتقولى هات كونتننتال
مش عارف اعمل ايه يا مادا ساعدنى يا وزيرى .. واحكيلى كده على صحبك بتاع الكاوتش ده ايه نظاموا والانواع الى عندوا لما رحت وكده يا مادا ... روقنى بقه

المشاركة الأصلية كتبت بواسطة mada_76

شكلي كده هاكون رقم 3 في تركيب لمبة ال check ان شاء الله .
ممكن حضرتك تقولي طريقة فك التابلوه ازاي ؟؟؟؟
هل المسمارين اللى فوق العدادات هما اللى بيتفكو ؟؟؟؟
اصلي عايز افكه الباغة اللى على العدادات دي وبالمرة انضفهم .
لاني من يوم يومين فكيت البلاستيك بتاع لمبات الصالون وغسلتهم ونور الصالون رجع زيرووووووووو .

بص يا مادا
هتفك المسمارين بتوع البلاستكه الى فوق العددات و اهم حاجة تكون منزل الدركسيون للاخر تحت تمام و بعدين تشيل البلاستكه دى و تتاخرها على جنب هتلاقى فبها الفيشه بتاعة زرار التريب سيب كل حاجة بس تاخر البلاستكة على جنب بعد كده هتلاقى العداد قدامك متثبت ب 4 مسامير فكهم وابدا اسحبه من طرفه الى فوق بعد ما يطلع معاك هتلاقى فى فشتين واحدة يمين وواحدة شمال فك الفيش وطلع العداد خالص بره و بعدين اعمل كل احلامك فيه بقه