الموضوع: Getz Club

المشاركة الأصلية كتبت بواسطة mada_76

بالظبط كده هو ده فلتر التكييف .
انا انصحك بتنضيفه وبس لان اللى راكب عندك ده الاصلي الكوري المحترم . واللى زيه بالظبط موجود في التويكل ابو 400 جنيه لكن ابو 70 جنيه ده كوري اه لكن خامات وجودة اقل . انصحك بالتنضيف المستمر . ونضف كمان السرنبتينة بخرطوم المياه بتاع البنزينة لان هاتلاقي طينة ووساخة كتير .
الريحة الوحشة دي طبيعية وعندي انا كمان وخصوصا في اول الصيف لكن مع التشغيل المستمر هاتروح الريحة صدقني .
هيدا رأيي يا مهند

هيدا هو مادا الى بعرفه مليح
وان شاء الله الريحه بتروح خيى .... وبنضف الفلتر مره تانية وبقولك الى صار
وسمعنى سلام فوق غصنك يا لمونه ..

المشاركة الأصلية كتبت بواسطة ahmedalaa88

انا بشكر كل الاعضاء على مساعدتى فى شراء فوجات و تم بحمد الله شراء طقم فوجات كورى من شارع دمشق مصر الجديده ب 400 جنية و نضاف اوى من محل امام موزع هيونداى جنب بنك عوده , فاضل على الحلو دقة ارجو المساعده فى التعرف على كهربائى سيارات محترم فى الهرم علشان عاوز اركب فوجات على زرار و كتاوت خارجى و أكون شاكر جداً
الزرار الاصلى بتعها ب 132 جنية و مش موجود غير فى ابورواش و كمان مطلوب لعربية معينة فى الورشة و كمان سعرة مبالغ فية جداً انا سألت عند كهربائى قالى هركبهولك على كتاوت خارجى 6 رجل و على زرار لوحد و هيتكلف 70 جنية ما هو حكمكم يا أهل getz club

ده احنا طلعنا جران كمان ياسلام ياسلام
اولا مبرووك على الفوجات و ان شاء الله يتمم على خير بس عايزين صور بقه و تقرير حلو علشان منزعلش منك ..

ثانيا : موضوع الكتاوت ... اصلا مكان كتاوت الفوجات موجوده فى علبه الكتاوت الى جنب علبه الفيوزات و مكانها جاهز و هتجيب كتاوت هيونداى 2 رجل من عند الكهربائى و هتركبه مكانه !! ليه بقه كتاوت خارجى وفيلم عربى ده بيقولك ركبنى ... و بعدين معلش احنا عاوزين نعمل حاجة نضيفه يعنى مش مشكله لما تدفع 130 فى مفتاح اصلى !! بس الحاجة تركب صح بدل الاختراعات !! ولا ايه وتبقى اكنها جايه من كوريا جاهزة وبعدين خلى بالك زار الفوجات بيركب مكان الطبه الى على شمال الطاره الى عامله زى الجنش ... بص انا الكهربائى الى كان مركبلى الفوجات للاسف الشديد سافر وساب مصر وكان قريب فى شارع ضياء لو تعرفه !! بص انا هقولك على واحد برنس وده الى بيظبطنى فى مواضيع الكهرباء دلوقتى فى شارع المطبعه محل اسمه بدر الدين و الكهربائى اسمه بهاء ... بس برنس بمعنى الكلمه .. خد القرار ولو كده قولى قبلها وانا اوصيه عليك .