الموضوع: Getz Club

المشاركة الأصلية كتبت بواسطة master0007

السلام عليكم
انا عضو جديد فى المنتدى و بفكر اشترى جيتز 2012 بس عندى استفسار . انا دخلت على موقع هيونداى ومش لاقى العربية فيه هما بطلوا انتاجها فاذا كان اى حد عنده فكرة يا ريت يرد عليا اكون شاكر له

وعليكم السلام ورحمة الله وبركاته
اهلا بيك معانا في المنتدى .
بالنسبة للجيتز مافيش منها جديد في التوكيل لكن ممكن تلاقي عند بعض المعارض يكون في المخازن . لكن رسميا هي وقف انتاجها اول لما نزلت الـ i20 لانها تعتبر البديل ليها .
حاول تسال في المعارض الكبيرة لانها بتاخد كميات كبيرة من كل موديل زي المصرية او سمير ريان وفي معرض اسمه الفادي في مدينة نصر ده كان دايما عنده جيتز كتير اوي .
وربنا يوفقك ان شاء الله وتلاقي .

المشاركة الأصلية كتبت بواسطة siralizable

شباب.. حد عنده فكرة قواعد الموتور موجودة فين؟ العربية بقالها 3 شهور الموتور عامل فيبريشن مستفز!

القواعد موجودة عند غبور بس طبعا سعرها في الليمون .
وفي قواعد تانية كوري برضه موجودة في السوق بنص الثمن بس مش عارف اذا كانت كويسة ولا ايه اخبارها .
انا عن نفسي غيرت قاعدتين من حوالى 4 شهور كده من التوكيل
القاعدة الكبيرة اللى عند سير الكاتينة وكانت عاملة حوالي 950 جنيه
والشداد اللى تحت وكان عامل حوالى 450 جنيه .
وفعلا العربية رجعت تاني كما الزيرو
غالبا القاعدة الكبيرة اللى عند سير الكاتينة هي اللى بتبوظ في الجيتز وهي اللى بتعمل الفيبريشن ده .

المشاركة الأصلية كتبت بواسطة mohab555

ازيكم يارجاله عاملين ايه و ايه اخباركوا
طمنونى عليكم

ازيك انت يا هوبا وايه اخبارك ؟؟؟؟؟
الناس مختفية اكيد عشان الانتخابات والرياسة
وربنا يولي من يصلح
انا عن نفسي العربية تاعباني من حيث العفشة وهي عندها حق بصراحة لانها محتاجة مساعدين بشكل سرييييييع بس انا لسة مش جاهز دلوقتي وربنا يستر .