الموضوع: Getz Club

المشاركة الأصلية كتبت بواسطة SE_coralsea

بالنسبة للمقابلة ... حددوا أي ميعاد و أنا تحت أمركوا أن شاء الله

أما موضوع الاستيكر ده فرأي بلاش علشان قسم هيونداي مايتفتتش
أحنا عايزين نتجمع مش نتفرق و حاليا بيتم عمل أستيكر لنجوم هيونداي نستخدمه في توقيعاتنا أو الصور الشخصية

كمان فيه خبر حلو هأعلنه هنا في نادي الجيتز :
بيتم حاليا بالتعاون مع هيونداي تيم عمل فهرس لموضوعات الجيتز و أن شاء الله خلال أيام هايظهر بشكله الاولي الموضوع بالفعل تحت الانشاء بقسم المنسقين , ممكن تشاركوا فيه بأرسال روابط المواضيع المهمة علشان أنقلها فيه

طيب حيث كده بقى ........
انا بقترح نتقابل يوم جمعه او سبت على العصر كده عشان يكون في نور ونعرف نتفرج على العربيات .
بالنسبة للمكان ممكن on the run داندي مول او بنزينة امارات مصر اللى عند كارفور المعادي على الطريق الدائري او اي مكان تقترحوه بقى .

مقابلة صغيرة كده على الضيق يعني لمجرد التعارف وتكون مثلا مدتها ساعة نشرب حاجة من الماركت ونقف نتعرف على بعض وعلى عربياتنا .
ايه رأيكوا ؟؟؟

في حاجة يا جماعة اكتشتفها من كام يوم ( بعد خمس سنين راكب العربية )
مش عارف اذا كنتوا عارفنها ولا لأ بس اللى عارفها مايضحكش عليا .
انا دايما بقعد في العربية فترات طويلة , يعني بشرب حاجة وانا قاعد في العربية , اشرب سيجارة وانا في العربية , اتكلم انا وواحد صحبي واحنا قاعدين في العرية . كده يعني .
كنت لما احب ارفع الزجاج بتاع الشبابيك لازم افتح الكونتاكت وارفع الزجاج او انزل وبعدين اقفل الكونتاكت . ييجي اللى قاعد جنبي يبرد يقول افتح لما ارفع الزجاج وهككذا .
اكتشف بقى ان في تكة في الكونتاكت صغيرة جدا تخليك ترفع الزجاج طول مانت واقف ومبطل العربية وتولع النور وتشغل المساحات ومن غير ماتكون فاتح الكونتاكت .
انت بتحط المفتاح وتلف اول تكة بتاعة الكاسيت , في بقى تكة صغيرة اوي بعد كده بحيث انك ماتفتحش الكونتاكت هاتحس بيها يعني ( تعتبر نص تكة ) .

ياترى حد عارفها ولا دي اكتشاف ولا انا قديييييييييييييم ولا ايه ؟

المشاركة الأصلية كتبت بواسطة mada_76

طيب حيث كده بقى ........
انا بقترح نتقابل يوم جمعه او سبت على العصر كده عشان يكون في نور ونعرف نتفرج على العربيات .
بالنسبة للمكان ممكن on the run داندي مول او بنزينة امارات مصر اللى عند كارفور المعادي على الطريق الدائري او اي مكان تقترحوه بقى .

مقابلة صغيرة كده على الضيق يعني لمجرد التعارف وتكون مثلا مدتها ساعة نشرب حاجة من الماركت ونقف نتعرف على بعض وعلى عربياتنا .
ايه رأيكوا ؟؟؟

موافق
- امارات مصر - المعادي
- الجمعة او السبت (بس الاسبوع ده لأ لأني هاكون مسافر و يمكن ارجع السبت متاخر