الموضوع: Getz Club

المشاركة الأصلية كتبت بواسطة mada_76

اقنعتني يا ابن عمي . وهانزل اجيبه بكرة وبالمنطق يعني شركة الزيت بتاعهم ممتاز كده اكيد مش هايعملوا حاجة وحشة .
بالنسبة لموضوع التيل هو حوار بسيط هاتنزل على نافع اللى في شارع دمشق هاتقوله تيل جيتز خلفي هايقوم مديلك علبة زرقاء اللى هي بتاعة التويكل وجواها الاربع هلالات .
انا كنت بملى التيل بصراحة عشان مكنتش لاقي تيل جيتز في السوق وكان غالي في غبور وكنت بملاه بـ 70 لحلوح . لكن كان مرة يطلع حلو ومرة يطلع خنتريش .
لكن كده انضف وبتركب على نضافة وياسلام يو مسحت الطمبورة مسحة بسيطة خالص وتركب يبقى كده كله في التمام .

كل اللى انا قولته ده بالنسبة للتركيب كويس لكن نيجي بقى بالنسبة للادء انا شايف انه مش بيكلبش الكاوتش اللى ورا لما برفع الهاند . العربية بتنزل من ورا لكن مش بيقفش الكاوتش . مش عارف بقى عشان لسة مطبعش ولا هوا فشنك . هايبان مع الوقت .
وسأوافيك بالنتيجة يا كبير .

يا حبيبى انت تأمرنى احنا رجالتك
بس اهم حاجة الدعوة بعد ما تجرب و خلى بالك العلبة ب 35 علشان الراجل ميستعبطش و يقولك ب 40 وناقص و مش عارف ايه .... لو قالك ب 40 ماتجيبوش وانا اجيبهولك ..

موضوع التيل ده السؤال بقه علشان انت الى شفت التيل شاكلة كان اصلى ولا معفن و ضربين الكرتونة ؟؟؟ و كان بكام علشان اخوك ميتسوحش ؟؟

و بعدين انت طلعت قروبه علشان انا لما كنت بكشف على التيل وعرفت انه خلاص جه وقته الراجل قالى الطنبوره عاوزة وش نضافة خفيف خالص و متروحش تشترى طنابير جديدة علشان عرفك بتصرف على العربية كأنها ابنك ... دى عاوزة وش نضافة بس لحسه كده خفيفية خالص و ترجع زيرو و هات تيل جديد و شوف الاداء هيبقى عامل ايه ؟؟؟ برده يا اخى ال 180.000 كم دول بيخلوا الواحد يبقى برنس مع عربيتة
صحيح موضوع الفرامل ده علشان التيل لسه مطبعش و ده بقه بعيد عنك رخم رخامة الفيل مش زى قدام بيطبع بعد مشوارين تلاتة ... ده عاوز مده لحج ميطلع الاداء الى هو
.... انا انهارده كملت ال 50.000 يامادا مقولكش احساسى وانا شايف 49999 كنت عاوز اعيط .. العشره برده ليها تأثير