الموضوع: Getz Club

السلام عليكم ورحمة الله
ازيكوا يا جيتزاوية ؟
والله ليكوا وحشة كبييييييييييييييييييرة جدا واعذروني على الغيبة الطويلة .
زي مانتوا عارفين ان رمضان كريم فربنا كرمني ورزقني بأول مولود والحمد لله وعقبالكوا جميعا ان شاء الله .
بالنسبة للعربية انا غيرت طقم الدبرياج عند المهندس هاني ( سبيد سيرفيس ) لان العربية كانت بترعش في الطلعة ودواسة الدبرياج كانت تقيلة حبتين .
المهم الطقم عامل 500 جنيه ( بس ده سعر خاص بالمهندس هاني وهو سعره 550 ) ومصنعية تركيب 170 ( قبل الخصم ) وفي واحد عند المهندس هاني اسمه وائل بس واد عفريييييييييييت . فك الفتيس وغير الطقم كأنه كان بيغير التيل مثلا . ماشاء الله عليه لعييييييييييييييييييييييي ييب .

المهم بقة ان قاعدة الموتور اللى انا لسة مغيرها من اقل من سنة وجايبها الاصلي اتنيلت بااااااظت . مش عارف اعمل ايه ؟؟؟؟
في قواعد موجودة في السوق بـ 450 جنيه ( يعني نص ثمن التوكيل ) وكوري بس المشكلة اني مش معايا لا فلوس الاصلي ولا فلوس الكوري ولا الصيني حتى .
في حد كان قايل انه ركب وردة في القاعدة اتظبطت شوية او حاجة زي كده . ياترى انت فين يالي عملت كده ؟؟؟؟

مهاب باشا وسلام مخصوص يا حبيب قلبي

المشاركة الأصلية كتبت بواسطة mido729

يا رجاله ... انا فى مشكله ... العربيه مش بتتخبط غير و هى واقفه ... اتخنقت منها :d
امبارح عربيه نقل كبيره خبطت فى عربيه بيجو 206 و بتاع البيجو دخل فى العربيه عندى من ورا ... دخل فى فرده الكاوتش اللى ورا السواق ... الجنط باظ ... و الكاوتشه مبقتش مظبوطه اتحركت قدام شويه و داخله لجوه شويه ... نزلت العربيه على ونش للميكانيكى اللى اعرفه فى الحرفيين و الراجل اللى هايحاسب عليها ... اخدت منه 1000 جنيه و انا هادفع الباقى ... 500 جنيه ... و عاوز رقم المكان اللى انتو بتتعاملوا (اللى صاحبه معانا فى المنتدى) معاه عشان لما اخلص اروحله اخليه يبص على العربيه مره تانيه عشان اطمن ...

السلام عليكم
فداك ياباشا الف عربية والمهم انك كويس حتى لو كانت العربية مركونة .
رقم المهندس هاني هو 01060900088 وانا رأيي انك تكلمه الاول قبل ماتعمل حاجة عشان هو اكيد يعرف ناس كويسة بتتعامل في الهيونداي ومش هاتخسر حاجة , ده مجرد سؤال .
وربنا معاك ان شاء الله وترجع زي الاول واحسن .
العربيات اتعملت عشان تتخبط وتتصلح ولا يهمك ياباشا . انا عربيتي اتخبطت وهي مركونة برضه وجه تاكسي دخل فيها واتكلفت 12000 جنيه والحمد لله رجعت سليمة وساعتها عرفت ان العربيات دي مالهاش غير كده وربنا بيرزق وبيعوض .
ابقى طمنا عملت ايه

المشاركة الأصلية كتبت بواسطة alaabasset

يا جماعه ضروري, انا عايز اعرف فين الاقى ماستر فرامل عمومي للجيتز, و في حدود كام سعره.

انا تقريبا ماشي بقالي 4 ايام من غير فرامل.

أنا نقلت مشاركتك و رابط موضوعك الأصلي الي موضوع speed service للمهندس هاني و أن شاء الله هو يرد عليك