Getz Club

**Mohab555** · 16-08-2012 10:07 PM

المشاركة الأصلية كتبت بواسطة mada_76

السلام عليكم ورحمة الله
ازيكوا يا جيتزاوية ؟
والله ليكوا وحشة كبييييييييييييييييييرة جدا واعذروني على الغيبة الطويلة .
زي مانتوا عارفين ان رمضان كريم فربنا كرمني ورزقني بأول مولود والحمد لله وعقبالكوا جميعا ان شاء الله .
بالنسبة للعربية انا غيرت طقم الدبرياج عند المهندس هاني ( سبيد سيرفيس ) لان العربية كانت بترعش في الطلعة ودواسة الدبرياج كانت تقيلة حبتين .
المهم الطقم عامل 500 جنيه ( بس ده سعر خاص بالمهندس هاني وهو سعره 550 ) ومصنعية تركيب 170 ( قبل الخصم ) وفي واحد عند المهندس هاني اسمه وائل بس واد عفريييييييييييت . فك الفتيس وغير الطقم كأنه كان بيغير التيل مثلا . ماشاء الله عليه لعييييييييييييييييييييييي ييب .

المهم بقة ان قاعدة الموتور اللى انا لسة مغيرها من اقل من سنة وجايبها الاصلي اتنيلت بااااااظت . مش عارف اعمل ايه ؟؟؟؟
في قواعد موجودة في السوق بـ 450 جنيه ( يعني نص ثمن التوكيل ) وكوري بس المشكلة اني مش معايا لا فلوس الاصلي ولا فلوس الكوري ولا الصيني حتى .
في حد كان قايل انه ركب وردة في القاعدة اتظبطت شوية او حاجة زي كده . ياترى انت فين يالي عملت كده ؟؟؟؟

مهاب باشا وسلام مخصوص يا حبيب قلبي

ياحبيب قلبى الف مليون مبرررروك على المولود الجديد وربنا يخليهولك و تشفوا احسن واحد فى الدنيا و عقبال مايبقوا دسته ان شاء الله .... بس قولى ولد ولا بنت علشان نشوف هينفع نخليلوا عزيزة لحد مايكبر ولا لا

انت مش كنت لسه مغير طقم الدبرياش مفيش من سنه عند الجوهرى الى فى التجمع ايه فرتكته بسرعه كده ازاى !!! بتسابق العيال على الدائرى من ورايا ؟؟؟

وكمان قاعده موتور !!! انا كده خلاص اتأكدت من موضوع الجرى و الشد !! فرتكت القاعده فى اقل من 6 شهور يا جامد !!! الله يخرب بيت ال K&N , و سنينه شيله ياعم دا هيخلص عليك
بص ياكبير انا هقولك على حل موقت لحد ماربنا ييسر و تشترى واحده جديدة و جرب الكورى لما تيجى تشترى يمكن تتطلع كويسه ... فى حته حديده معفنه كده فوق القاعدة تمام دى اسمها شداد القاعدة هتشيلها و هتلاقى الدنيا كويسة وفى حوار بلدى كده بيعملوه فى هبور و هو بيحط حاجة زى ورده تحت القاعدة نفسها علشان يرفعها شوية و متحسش بحاجة انت اعمل الاتنين و شوف ايه الدنيا معاك و قولى ..

**caftazeen** · 19-08-2012 04:12 AM

ممكن المساعدة هنا يا جيتزاوية ^_^

http://www.nilemotors.net/Nile/30433...post3874481603

**ruby1974** · 11-09-2012 09:28 PM

[QUOTE=mada_76;3874427510]اهلا بيكي يا روبي والف الف مبروك على الجيتزاية الجديدة وربنا يباركلك فيها ويرزقكك خيرها ويكفيكي شرها .
ماتخافيش تكالفيها مش غالية ولا حاجة . العادي يعني زيها زي كل العربيات . هي بس المشكلة ان ممكن قطع الغيار تكون مش منتشرة اوي يعني لكن موجودة لا تقلقي .
موضوع الاريال ده لو ملخلخ من القاعدة بتاعته انصحك تعملي مشوار لابو رواش خلف داندي مول عند غبور نفسه بس ادلخي قسم الهياكل مش الصيانة وهما يركبوه كويس عشان محدش يفتي ويبوظه . وقسم الهياكل مش هاتخدي فيه وقت خالص زي الصيانة ساعة زمن ان شاء الله ويكون كله تمام . لو عندك السبت اجازة ممكن تخطفيها .
منورة الجيتزاوية كلهم واي حاجة عايزة تعرفيها احنا كلنا هنا في خدمة بعض

ربنا يخليك .... متشكرة ليكو كلكوا

**DAHB115** · 22-09-2012 04:48 PM

السلام عليكم يا رابطه اجمل عربية انا بحب العربية دى اوى انا قريت عنها ومميزاتها وعيوبها لكن محتاجه يا جماعة انا كان معي عربية وبيعتها ودلوقت عاوزه اشترى الجيتز ممكن حد يوصف لي كل شيء عن الحلوة دى كنت عاوزه اعرف اخر اسعار قطع غيار مثل الحاجات المعتاد تغييرها مثل اكصدام فوانيس اماميه وخلفيه مرايات جانبيه سيور وفلاتر اتمني من الاخوة الاعضاء يفيدوني باسرع وقت وشكرا لمن يهتم بالرد

**salah_86** · 24-09-2012 12:06 AM

السلام عليكم ورحمة الله وبركاته
عندى طلب عربية اختى هيونداى جيتز موديل 2005 كنت محتاج اشتريلها مراية شمال لانها مكسورة خالص عادية مش كهرباء سالت عليها فى غبور قالولى ب 450 جنية مستغليها الصراحة وسالت عليها برة كتير مش لاقيها لو حد يفيدنى بمحل يكون قطع غيارة محترمة يبقى كتير خيركم

**elmkaneeki** · 24-09-2012 02:15 AM

فكرني الصبح اسألك عليها ان شاء الله

**s3don** · 26-09-2012 02:54 PM

اولا شكرا على مجهودك
كنت عايز اعرف عملت ايه فى موضوع الرجرجه ده عشان انا عندى نفس الموضوع دلوقتى

**amr088** · 04-10-2012 04:32 PM

صباح الفل يا رجالة انا لسه شارى جيتز كنت عايز اعرف هو معدل البنزين بتاعها كام (بتعمل كام فى الصفيحة ) و موضوع القاعده ده عندى بردوا بس العربية لسه فى الضمان لو رحت هيغيروها على حسابى ولا حسابهم علشان اعمل حسابى

**wsalahz** · 11-11-2012 08:36 PM

السلام عليكم ....
كيف الأحوال ,, وكل عام وأنتم بخير بمناسبة العام الهجرى الجديد ,,,, وبالمناسبة السعيدة ديه كنت عايز مساعدتكم فى إن أى حد يعرف ورشة سمكرة و دوكو أو سنتر بس يكونوا صتايعية بصحيح و بيخافوا ربنا فى شغلهم فى منطقة فيصل أكون شاكر