كاسيت العربيات القديمه يترمي ولا ؟

**zegzaag** · 16-04-2011 11:12 PM

اولا حابب اشكر كل الي واقفين مع الاعضاء المحترمين هنا

ثانيا انا عندي استفسار بسيط وان شاء الله تكون بداية خير ليا معاكم هنا

طبعا انتو عارفين العربيه لما تكون قديمه حبتين يعني التمانينات وكده وجود الكاسيت الاوريجنال فيها ده فحد ذاتو معجزه انو موجود وشغال لحد دلوقتي ويعتبر تحفه فنيه ده يجماعه ماركتو ( ناشيونال ) ههههه

فانا بصراحه مش هاين عليا اني اغيرو لانو لايق عليها وعلى امكانيتها فقلت اجيب سماعتين كده فجيبت سماعتين kenwood 400w بصراحه الصوت اتحسن عن الاول كتير لكن مش اداء الكين ود يعني لما بعلي عالاخر بحس السماعات بتعمل صوت نشاز والبيز بيهرب شويه

فهل لازم احط جي ام عشان اكبر الموجه الي بيخرجها الكاسيت ؟ ولا في نصايح معينه ؟

وشكرا للي قرو الموضوع واسفين على الاطاله

**Piowood** · 17-04-2011 12:07 AM

بص يا باشا .. هو صح الجي ام هايفرق معاك .. بس انت بتقول ان الكاسيت قديم . فغالبا مش هايكون فيه فتحة ال rca ..

**zegzaag** · 17-04-2011 12:34 AM

المشاركة الأصلية كتبت بواسطة Piowood

بص يا باشا .. هو صح الجي ام هايفرق معاك .. بس انت بتقول ان الكاسيت قديم . فغالبا مش هايكون فيه فتحة ال rca ..

فالاول خليني اشكرك على ردك واهتمامك يا كبير

هو مفيهوش فتحة rca يدوب فتحة كاسيت وراديو

يعني تفتكر اني اجيب جي ام هيجيب فرق كبير لاني حاسس ان الكاسيت خرجو على قدو جدا فلو الجي ام هيكبر السيجنل اوي يبقى تمام وهل اسعارو غاليه ؟ مع اني اعتقد ان حتى الجي ام مش هيقدر يعمل حاجه لان الكاسيت شكل خرجو ضعيف جدا

انا يهمني اسمع رأيك هل اقضيها كده طالما اني مش ناوي اغير الكاسيت الحجري ده ؟ وهل فيه حاجه مثلا ممكن تساعدو انو يخلي السماعه تطلع امكانيتها ؟

وشكرا ليك مره تانيه

**محمد فريد** · 17-04-2011 02:01 AM

هات جى ام ماشى وهات كمان الجهاز اللى بيشغل الفلاشة ده جامد جدى وخلى الكاسيت زى ما هو لو تحب تسمع راديو ولا حاجة والجهاز ده فى خرج جى ام وسعره تقريبا 50 جنيه والجى ام هتجيب كينوود 350 وات ب 400 - 425 تقريبا
مش هقولك تجيب كاسيت لانه هيكلفك كتير ومش هيديلك الخرج اللى انت عايزه من السماعات الكينوود لانها 80 rms فلازم جى ام :)

**beetleMOSH** · 17-04-2011 02:04 AM

اولا اهلا بيك معانا فى نايل موتورز
و خصوصا قسم الصوتيات ( احلا بك فى عالم المرح d: )
بص يا ماو
طبعا الدنيا اتغيرت كتيييييير اوى من التمانينااااات فى موضوع التكنولوجيا ده
ف قبل ماتجيب جى ام على الكاسيت اللى عندك
ز كده كده مش هاينفع يركب اصلا عشان مفيش خرج rca
ف الحل اللى معاك انك تجيب كاسيت بايونيير عليه القيمه كده
يكون بفلاشه و سى دى و تدلع نفسك
و هتلاقى اداء حلو كتيييير
لان الكاسيت القديم استحاله خرجه يبقى زى كاسيتات اليومين دول

على فكره انا كان عندى برضو كاسيت قديييييييييييييييم اوى فى العربيه
و برضو كانت نفس القصه سماعتين كينوود 300
و الصوت كان كويس على الواطى
العالى فضيحه
جبت كاسيت بايونيير الدنيا اختلفت تمامااا

غير الكاسيت الاول و بعد كده لو حبيت تجيب جى ام هات
بس انت مش هاتحتاج
الا بقى لو كنت عايز تعلى الصوت و تقويه اكتر

**محمد فريد** · 17-04-2011 02:11 AM

كلام حلو يا موش لكن السماعات ال400 مش هتقوم حلو على الكاسيت يدوبك هايعلى على 45 عشان يعرف يسمع حاجة مش كده :)

**YHYAKOTB** · 17-04-2011 04:05 AM

زيرو باور وجى ام

**ahmed2y** · 17-04-2011 12:27 PM

والله لو كاسيت بايونير محترم زى ما قاك موش انسى بقى الجى ام والزيرو باور والكلام دة كلة وهتحس بفرق كبير

**zegzaag** · 17-04-2011 05:23 PM

اولا شكرا ليكو كلكو على الرد الاكثر من رائع

وطبعا رأيكم مظبوط ويحترم هو لازم كاسيت الاول بعدين نفكر فالجي ام

هي بس المشكلة ان القديم شكلو انتيكه مش هاين عليا اشيلو لكن طالما الموضوع كده يبقى يستحق التجربه على الاقل

فالقبضيه الجايه ننزل كده نجيب ودلوقتي نسأل ونشوف

طيب في حاجات مقترحه يعني سعر معقول وفنفس الوقت امكانيات كويسه ؟ اصل اخوكم احسن واحد يتنصب عليه

خلاص راحت عليكي يا تمانينات

**zegzaag** · 17-04-2011 05:53 PM

وبردو يجماعه لو حد يقدر يقولي حاجه ممكن اعملها مؤقتا تظبط الدنيا
هو انا بستعمل فلاشه مع الام بي ثري الي بيتظبط على تررد معيا
فهل في شيء افضل ممكن امشي بيه حالي حاليا افضل من كده وهيزيد من كفائة الصوت ؟

معلش انا طولت عليكم لكن انتو قدها وقدود