التكيف و العربيات القديمه ؟!

**saadelden** · 21-04-2012 10:25 PM

دلوقتي الصيف داخل و بفكر اركب مكيف كامل للعربيه
عربيتي فيات 131 موديل 76 , ماتور 1600cc

حاله الماتور سليم و متعمر من سنه
عزل العربيه معقول ماعدا تحت التابلوه

العزل عموما هاظبطه كله و هاعزل الابواب و حوض الماتور ,سواء ركبت المكيف او لو ماركبتوش

بس الفكره العربيه هاتستحمل المكيف ؟
المكيفات الجديده زي سندان كويسه ولا اجيب حاجه استيراد زي مكيف الكورولا ؟

طبعا الموضوع هايبقى مكلف ف مش عايز ارمي فلوس ف الارض
حد جرب الموضوع دا قبل كدا ؟

فكره تغيير العربيه امر وارد ,لكن لو مالقيتش حاجه عدله هاظبط عربيتي

**michohat** · 26-04-2012 01:50 AM

الفكرة دي بتراودني و فعلا نزلت سئلت على التكييف الجديد لعربيتي فيات 131 موديل 79 موتور 1600سي سي و قال لي ان تكاليف التكييف كله 3200 جنيه لتكييف ياباني (مذكرش النوع)
ولما لقيت السعر عالي كده قولت ابدء بمرحله تخفيف الحرارة الداخله العربية ف روحت لفكرة عزل الزجاج لقيتها باكتر من سعر
العزل الامريكي ال v-kool سعره 2500 للعربية
عزل امريكي نوع sunteck سعرة 1350
عزل معرفش ملته عند بتوع الاكسسوار بيعمل من 250 : 450 للعربية

وفتحت كلام مع واحد صاحبي شغال ف مجال السيارات ف السعوديه علشان اعرف اسعار العزل الحراري عندهم كام واشوف لو ينفع يظبط ليا سعر كويس للرول

فكرت فى مروحه تتركب فى على حرف زجاج الباب و تشتغل بالطاقه الشمسية لو دورت ع النت ب car solar fan هتلاقيها اشكال كتير منها و فكرتها عمليه

فكرت اجيب الماده اللى بيتصنع منها الشماسات و اعمل منها غطا للعربية

و بعد ما اقلل من نفاذ الحرارة للداخل ان شاء الله اركب تكييف استيراد بس لسه معرفش سعرة ولا كفاءته

**mrghost** · 26-04-2012 07:09 AM

لو العربيه حالتها حلوه ومبتسخنش ولو انك كده كده هتحتاج تغير مروحة الردياتير بمروحه اوبل استيراد او مروحه فيات تمبرا يبقى ركبه

**mohabelnegm** · 26-04-2012 08:04 AM

فكرة تركيب تكييف فى عربية موديل قديم ...على رأى البدو" رأى عطيب" ...هاتخش فى متاهات و تصرف كتير و فى ألأخر نتائج غير مرضية و عواقب غير مضمونة على العربية و زيارات مستمرة للصيانة بسب المشاكل اللى هاتظهر.

**saadelden** · 26-04-2012 11:47 PM

المشاركة الأصلية كتبت بواسطة michohat

الفكرة دي بتراودني و فعلا نزلت سئلت على التكييف الجديد لعربيتي فيات 131 موديل 79 موتور 1600سي سي و قال لي ان تكاليف التكييف كله 3200 جنيه لتكييف ياباني (مذكرش النوع)
ولما لقيت السعر عالي كده قولت ابدء بمرحله تخفيف الحرارة الداخله العربية ف روحت لفكرة عزل الزجاج لقيتها باكتر من سعر
العزل الامريكي ال v-kool سعره 2500 للعربية
عزل امريكي نوع sunteck سعرة 1350
عزل معرفش ملته عند بتوع الاكسسوار بيعمل من 250 : 450 للعربية

وفتحت كلام مع واحد صاحبي شغال ف مجال السيارات ف السعوديه علشان اعرف اسعار العزل الحراري عندهم كام واشوف لو ينفع يظبط ليا سعر كويس للرول

فكرت فى مروحه تتركب فى على حرف زجاج الباب و تشتغل بالطاقه الشمسية لو دورت ع النت ب car solar fan هتلاقيها اشكال كتير منها و فكرتها عمليه

فكرت اجيب الماده اللى بيتصنع منها الشماسات و اعمل منها غطا للعربية

و بعد ما اقلل من نفاذ الحرارة للداخل ان شاء الله اركب تكييف استيراد بس لسه معرفش سعرة ولا كفاءته

ما انا بدور علي العزل
لو ماغيرتش العربيه هادخلها سمكره و دوكو و اظبطها عشان اجدد الرخصه
و اشوف محتاجه ايه في العزل

علي فكره الابواب كمان بتتعزل و بتفرق كتير في الحراره

انا عندي كباس تكيف بتاع كورولا 2006 بس محتاج طقم اولسيهات بس و يبقى كويس
دا الي طلع الفكره في دماغي

لو لقيت سعر كويس لعزل الازاز ابقى قولي

**saadelden** · 26-04-2012 11:49 PM

المشاركة الأصلية كتبت بواسطة mrghost

لو العربيه حالتها حلوه ومبتسخنش ولو انك كده كده هتحتاج تغير مروحة الردياتير بمروحه اوبل استيراد او مروحه فيات تمبرا يبقى ركبه

انا علي بدايه الصيف احتمال اغير الرادياتير و عندي مروحه الشاهين ممكن اغيرها لو عملت مشاكل

**saadelden** · 26-04-2012 11:53 PM

المشاركة الأصلية كتبت بواسطة mohabelnegm

فكرة تركيب تكييف فى عربية موديل قديم ...على رأى البدو" رأى عطيب" ...هاتخش فى متاهات و تصرف كتير و فى ألأخر نتائج غير مرضية و عواقب غير مضمونة على العربية و زيارات مستمرة للصيانة بسب المشاكل اللى هاتظهر.

ما انا بسأل عشان كدا
مش عايز اصرف فلوس و ف الاخر مالقيش النتيجه المرضيه

التكيف مشكلته انه هايكون حمل علي الماتور ف عايز اعرف هايحمل اد ايه و الماتور هايستحمله ولا لا!
انا شوفت عند الميكانيكي عربيه زي عربيتي بالظبط و راكب فيها تكيف
بس مالقيتش صاحبها عشان اسأله نظامه ايه؟!

**hossam_elwani** · 27-04-2012 12:48 AM

نصيحه من اخوك بلالالالالالالالاش

اذا ماكنتش العربيه نازله كده من الشركه حيبقى عك تمام

واى حد سلكة معاه مش شرط تسلك معاك ...... القاعده فى مصر العك والاستثناء هو الشغل بضمير وحرفيه

**memofree** · 27-04-2012 01:22 AM

[quote=mohabelnegm;3874264271]فكرة تركيب تكييف فى عربية موديل قديم ...على رأى البدو" رأى عطيب" ...هاتخش فى متاهات و تصرف كتير و فى ألأخر نتائج غير مرضية و عواقب غير مضمونة على العربية و زيارات مستمرة للصيانة بسب المشاكل اللى هاتظهر.[/quot]

الكلام ده صح و من الاخر
المبلغ ده كتيير انتا بتركب العربيه اد ايه فى اليوم . بالمبلغ ده تجيبلك تكييف بالبيت احسن من تركب و تعدل فى العربيه اللى اكيد اكيد هتفتح شغل كل شويه عشان الموضوع موش تئفيل المصنع من الاول و موش هيبطل مصاريف

و السلام عليكم