الموضوع: أرجو الافاده افادكم الله

الاخوه الافاضل
انا معايا ميجان 2006 الشكل الجديد وبعشق العربيه دي ولكن شكلي هافكر ابيع ومتردد عايز رأيكم
فجاه ماكينه الزجاج بتاعي سقطت روحت لاحسن واحد بتاع ابواب والخ فاسكندريه في محرم بك غير الوير بتاع الماكينه والزجاج اشتغل وميت فل ولكن بعد ما مشيت المرايات الكهرباء والضم مشتغلتش نهائيا قولت اروح التوكيل في العامريه احسن صحيت بدري تاني يوم وانا ماشي عالصحراوي سقعت قولت اقفل الزجاج سمعت صوت مش تمام والزجاج نزل ومطلعش تاني قولت ماشي انا كده كده رايح التوكيل وبعد شويه لقيت رساله بعيده تماما عن موضوعنا والرساله هي top up oil level لمهم كل ده مشغلش بالي والله ووصلت التوكيل قولتلهم عالزجاج بتاع الباب والمرايات اللي مش شغاله والرساله اللي ظهرتلي استلم العربيه المهندس المحترم حسام ودخلت قعدت في الانتظار وبعد حوالي ساعه فوجئت بانسه بتقولي الاتي
المرايات اشتغلت بس غيرنا ضفيره كهرباء في الباب بحوالي 250 جنيه قولت ماشي وراحت لاحقاني بالقنيله الصغيره الاتيه .............. وان بالنسبه للزجاج لازم نغير ماكينه الزجاج والتركي بحوالي 1500 جنيه والفرنسي تقريبا الفين جنيه طبعا انا اصبت بذهول وسكت شويه وقلبتها فدماغي وفكرت اعملها بره بس قولت اذا كان حاولت اعمل زجاج المرايات باظت لا ياعم خلينا في التوكيل قولتلها ما باليد حيله هاعمل ايه خليهم يتوكلوا علي الله ... راحت مبتسمه وقالتلي عالقنبله الكبري...............بالكشف علي الرساله بتاعه الزيت دي اكتشفوا ان كارتيره الزيت فيها شرخ انا علي طول افتكرت اني اخدت مطب خايب جدا من يوم وسمعت صوت حكه جامده تحت بس لم اتوقع تمام يحصل كده في الكرتيره وبالذات اني اعرف ان العربيه دي مصفحه المهم قالتلي تعالي شوف بنفسك نزلت معاها في المكان بتاع الاصلاحات والصيانه ولقيت احد العاملين فاكك الصفيحه اللي مغطيه الكارتيره دي وشوفت فعلا شرخ في الكرتيره ولكن مش من اسفلها لا ده من حتي في المنتصف يعني بعيده تماما عن اي احتكاك وبالسؤال قالي ان الخبطه بتسمع فوق وتعمل كده ...........
قولت لا اله الا الله الحل ايه مينفعش تتلحم؟؟؟؟؟ قالولي استحاله حتسرب زيت بعد فتره وده مش موضوع هزار
طيب بكام ؟؟؟؟ القنبله هي انها ب 2200 ايوه الفين ومتين برده مشيت علي نفس المبدأ وبلاش شغل بره واعمل ايه اتفضلوا اعملوها .... ودخلت الصاله بتاعه الانتظار واتصلت باخويا يجيبلي باقي الفلوس لان مكانش معايا المبلغ ده وانتظرت وانا في حله مزيج من الشرود او الذهول ومش عارف اعمل ايه
المهم الحساب كله بعد كل ده مع زيت 5000 جديد ومصنعيه دفعت 4200 جنيه اربعتلاف ومتين جنيه ده بعد مالمهندس المحترم حسام عملي تخفيض ....ز
ايه رايكم معقوله الاسعار دي ؟؟؟؟ اه عربيه جميله ومحترمه ولكن انا بأه كل حاجه وارد تحصل ادفع دم قلبي واستلف عشان اصلحها ... المهم اخويا شار عليا اجيب بأه هونداي ولا اي حاجه شعبي توديني وتجيبني ومش مهم تكيفني كعربيه وابقي مخنوق وانا سايقها بس ابقي حاطط فبطني بطيخه صيفي من ناحيه الصيانه والاصلاحات ......وانا بين نارين مش عارف اعمل ايه اعمل كده ولا ايه بجد محتاج رايكم في الموضوع ده ياريييييت تفيدوني انا خلاص دماغي ورمت ..... ويا ريييت الاخ ميجي بوي عايز نمره تليفونه اكلمه عشان عايز اساله علي حبه حاجات وخصوصا انا اسكندراني زييه الف الف شكر لاجدع ناس وياريييت الرد

يا باشا لما تغلب انزل على صقر قريش وهاتلاقي كل حاجة وعندك المهندس طلعت اسعاره زي الفل وارخص من اسعار عربيات كتير

بس انته مسألتش