الموضوع: خشونة فى فتيس وموتور ماروتى 2008

الف شكر لجميع الاخوة اللى ردوا واهتموا بالموضوع بالنسبة لموضوع زيت الفتيس انا عارف ان الزيت المناسب لفتيس الماروتى هو 90 حسب الكتالوج لكن ده فى حالة ان الفتيس طبيعى ومفيهوش صوت ولكن فى حالة وجود خشونه او ونه فالمفروض اننا نستخدم زيت اتقل من ال90 وبدليل ان الونه اصبحت اقل من الاول لكن انا عايز الونه تروح خالص
اما بالنسبة لخشونة الموتور انا غيرت طقم الكهرباء ونفخت فلتر الهواء وظبطت التكيهات ولكن لم اقم بتغيير فلتر البنزين ولا تغيير زيت الموتور لان البائع زميلى فى الشغل وقالى انه مغير زيت xhp من 150 كم فقط لكن للعلم هو بيتاجر فى العربيات وليس المالك الاصلى مع العلم ان جميع فواتير الصيانة من الزيرو موجودة وطبقا لها اخر صيانة عملها المالك هى 40000كم وبعد كده عمل فحص مجانى عند 47500 كم فى شهر مارس اللى فات وبالنسبة للبنزين انا اشتريتها من التاجر فيها بنزين 80 وهى مظبوطه عليه ومفيش تسقيف انا جربت 92 لمدة 3 ايام صوت الموتور اقل السحب افضل اداء رياضى جميل لكن للاسف فرق السعر خلانى ارجع تانى 80 ومش بقرص على الموتور وربنا يستر

لا توجد سيارة فى العالم بدون كورونا ، لو صنعت سيارة بدون كورونا فإما ان تنكسر محاور الجر او تنبرى الاطارات فى مسافة قصيرة جدا، كل الحكاية انه فى سيارات الجر الامامى الكوروان والفتيس حتة واحدة

بالنسبة للخشونة فأعتقد ان زميلنا صاحب الشكوى لا يشكو من خشونة فى العصاية ولكن خشونة فى صوت دوران الجير بوكس نفسه، وطالما انها تزول مع ضغط الدبرياج فده يرجع ان الخشونة فى الجيربوكس وليست فى المحرك ، يمكنك عمل اختبار بسيط عن طريق ضغط الدبرياج وكبس البنزين، لو لم تسمع الخشونة المشكو منها يبقى كل مشاكلك فى الجيربوكس
والخشونة غالبا سببها بلي، لو هى ظاهرة طوال الوقت وليس على سرعة بعينها، وليس لديك اية مشاكل فى التعشيق او الغيارات لكن هو مجرد الصوت فالحل غالبا يكون بفك الجيربوكس وتغيير مجموعة البليات بما فيها بلية الدبرياج وبلى الكورونا، لكن لو الصوت مقبول طنش عليه شوية متدخلش نفسك فى متاهه
never touch a working machine