تقرير مفصل و مصور عن الايفو مانيوال pk2

**wael17** · 06-07-2011 06:55 PM

المشاركة الأصلية كتبت بواسطة Ayman_a_1

انت اكتر من ممتاز استاذ وائل
فعلا استفدت كتير جدا جدا من الموضوع بتاعك ووضح لى حاجات كتير اوى

بس انا فى الحقيقة بدور على شوية حاجات كمان
يعنى نظام بلو & مى
عندك فكرة لو حبيت اركب نظام الملاحة -gps- هيكلفنى كام ؟؟ - اقصد نظام الملاحة الى بيتوافق مع بلو & مى
والباركنج سينسور لو ركبتة فى العربية عن طريق الوكيل
هل هيكون مجرد انذار صفارة وخلاص ؟؟ ولا هيظهر على الشاشة ابعاد العربية واى سينسور هو الى بيدينى الانذار ؟؟

انا كنت فكرت قبل كده اركب السينسورز بس لما سألت في التوكيل لاقيت ان التكلفة هتبقي عالية جدا...مش فاكر كام..بس التوكيل هايطلبه من بره و مش هايركب سينسور علي الاكصدام القديم..هايجيبلك اكصدام جديد بالسينسور بتاعه و ده سبب ان التكلفه عالية جدا و كمان هيبقي في شغل في الضفيرة بتاعة الكهرباء و الكومبيوتر و الواحد ما يضمنش التوكيل هنا لو لعب في الحاجات دي ايه اللي هايحصل

المشاركة الأصلية كتبت بواسطة salaheldin1986

ماشاء الله عليك يا وائل انا والله اشتريت الإيفو عشان كلامك الجامد عنها بس هل الفيات هندهم صيانة بعد اول 1000 ولا على 5000 على طول؟؟
و ياريت لو تعرف اجابة السؤال الليفات عن تكلفة تركيب الباركينج سينسور تدينا فكرة

و الف شكر مرة تانية

ربنا يباركلك فيها
الصيانة الاولي عند 5000 زي prince ما قال
معلش انا رديت متأخر عشان انا بره مصر دلوقتي
عايز اقولك اني اليومين دول مسافر النمسا و صربيا و الفيات هنا تقريبا العربية الشبابي رقم واحد...منتشرة جامد جدا و طبعا الناس هنا عارفة قيمتها و هي منافس للفولكس و البيجو و الستروين...طبعا في صربيا...مفيش غير فيات عشان عندهم مصنع فيات هنا...و بيبقي شعور جميل لما تتمشي في شوارع اوروبا و تشوف الايفو حواليك في كل حتة و تحس انك معاك عربية زيك زيهم في مصر...مفيش هنا هيونداي و كيا ....و الياباني نادر جدا...بقالي اسبوع ما شفتش غير كيا واحدة شبه السيراتو اسمها ceed...و شفت هيونداي واحدة ix35 ...لكن طبعا فيرنا و النترا و سيراتو ماتلاقيش

**salaheldin1986** · 07-07-2011 01:05 AM

المشاركة الأصلية كتبت بواسطة wael17

ربنا يباركلك فيها
الصيانة الاولي عند 5000 زي prince ما قال
معلش انا رديت متأخر عشان انا بره مصر دلوقتي
عايز اقولك اني اليومين دول مسافر النمسا و صربيا و الفيات هنا تقريبا العربية الشبابي رقم واحد...منتشرة جامد جدا و طبعا الناس هنا عارفة قيمتها و هي منافس للفولكس و البيجو و الستروين...طبعا في صربيا...مفيش غير فيات عشان عندهم مصنع فيات هنا...و بيبقي شعور جميل لما تتمشي في شوارع اوروبا و تشوف الايفو حواليك في كل حتة و تحس انك معاك عربية زيك زيهم في مصر...مفيش هنا هيونداي و كيا ....و الياباني نادر جدا...بقالي اسبوع ما شفتش غير كيا واحدة شبه السيراتو اسمها ceed...و شفت هيونداي واحدة ix35 ...لكن طبعا فيرنا و النترا و سيراتو ماتلاقيش

ترجع بال سلامة ان شاء الله انا لي صديق سافر فرنسا اسبوع و قالي انو لقى الإيفو هناك منتشرة جدا و دي حاجه حلوة بجد بس انا كنت هافرح اكتر لو انتشرت هنا في مصر بس بعد لما التوكيل غلى اسعاره مره واحده كده ل 110 و 118 الف انا مش متفائل

**ibrahimbarsy** · 17-07-2011 09:01 PM

ماشاء الله على تقريرك بصراحة عندك طولة باااال وانا عندى نفس العربية ونفس الباكيدج وكمان نفس اللون مشكور مشكور مشكور

**ahmedsiyam** · 26-03-2012 03:50 PM

باشا ممكن بعد اذنك
تدينا تقييم جديد للسيارة حتى وقتنا هذا خاصة انك التقرير وقت ماكنت جايبها زيرو و دلوقتى بقالها معاك فترة اكيد دلوقتى عملت بيها كيلو متر اكثر و يكون الحكم على السيارة اكثر شمولية

**medo18** · 04-04-2012 05:27 PM

بعد اذن حضرتك لو ممكن تقولنا اية اخبار الصوت و هل الكسيت اوديو ولا ام بي ثري و شكرا

**sharief95** · 02-08-2012 03:45 AM

على ايه ب 100 الف جنيه

**yoko** · 02-08-2012 04:01 AM

المشاركة الأصلية كتبت بواسطة sharief95

على ايه ب 100 الف جنيه

والأفيو بكام وقارنها بالإيفو!!!
أنا كان معايا أفيو قبل العربيه الي معايا دلوقتي

**S O P H O S** · 22-12-2012 07:11 PM

تقرير رائع
بس هو استاذ وائل بطل يدخل ليه ؟؟

**salaheldin1986** · 10-08-2013 04:41 AM

يا شباب حد يعرف سعر المراية الجانبية اليمين زجاج فقط مش كاملة في البونتو إيفو بكام ؟ في التوكيل او بره التوكيل؟؟
و ممكن الاقيها فين في اسكندرية لو تعرفو حد؟؟
الف شكر...