الموضوع: تقرير مفصل و مصور عن الايفو مانيوال pk2

بجد تقرير اكتر من رائع وميرسى على شغلك وزوقك العالى واحترامك للاعضاء عضو عضو
انتا عارف انتا واحد من الناس خلتنى افكر انى اشترى العربية ان شاء الله بس لسة بجهز فلوسها
بس بجد اوماترا راعبانى
حاسس انى هرتكب جناية معاهم
كمان موضوع الفرامل اللى الاخت sky_walker عاملاه دة خلانى اقلق شويتين
بس راضى عنها بنسبة 99%

المشاركة الأصلية كتبت بواسطة wael17

معلش علي التأخير

دلوقتي بعد ال 5000 اللي أقدر اقوله هالخصه بسرعة في النقط دي

- المميزات: كل مزايا السيارة التي ذكرتها في التقرير الأول لم تتغير. السيارة ممتازة و فعلا عربية ستايل جدا و تحس انك راكب حاجة راقية و لما تتعود عليها مش هاتحب تركب غيرها

- الحمد لله مفيش اصوات تزيق او حدف و لسه ما ربطش العفشة بعد صيانة ال 5000 بس بصراحة لسه حاسس ان عفشة العربية زي ما اشترتها..مش حاسس بفرق خالص

- بالنسبة للسحب طبعا فرق كبير جدا عن اول ما اشترتها...بتسحب احسن دلوقتي...كنت باحطط بنزين 95 بس مع الاحداث الاخيرة رجعت احط 92 و قلت أعيش عيشة اهلي...مش حاسس قوي بفرق البنزين في أداء العربية

-الفرامل كما هي...قوية جدا...اعملت مطبات جديدة...من كام يوم عند مدخل أكتوبر و الطبيعي اني ألبسها بس الحمد لله أول ما شفت المطب دست فرامل العربية كلبشت في الأرض و خدت المطب علي الهادي قوي مع ان نفس المسافة بالاسبيرانزا كنت بالبس احلي رذع في الشاسيه

-الحاجة الوحيد السلبية: البلو اند مي ساعات ما يشفش التليفون..مرة كل 10 مرات مثلا...و لما اطفي و ادور تاني يشوفه...و ساعات يقفش و مايرضاش يشوف التليفون خالص و اضطر اعمل ريستارت و افصل البطارية و اوصلها تاني...زي ما يكون تهنيج في السوفتوير...دي الحاجة الوحيدة اللي ممكن تكون مش مظبوطة في العربية

بالنسبة بقا للبلو اند مي
ممكن اعرف نوع موبايل حضرتك اية..؟؟