الموضوع: تقرير مفصل مصحوب بالصور عن تركيب فوانيس شبورة للماروتى وتغير فرامل وطقم الصوت

المشاركة الأصلية كتبت بواسطة micromoud

السلام عليكم ورحمة الله وبركاته
طبعا اليومين دول شتا والواحد بيخرج الصبح للشغل والجو مشبر والطرق عندنا وصاية فى المطبات وخصوصا بالليل لو انت معاك عربية فيها لمض عاملة زى اللمض السهارى زى بتوع الماروتى 40-45 اللى هما مالهمش اى لزمة فى الحياة فبدأت رحلة البحث والتفكير عن كيفية تركيب فوانيس شبورة للعربية وهى اصلا غير مجهزة لكدا وتعلية النور فى نفس الوقت والبحث عن كهربائى كويس عنده ذمه وضمير فبالتالى ربنا هدالى ولقيت فانوسين شبورة ينفعوا يركبوا عالاكصدام بدل مافتح فيه مكان وابوظه وكانت النتيجة كالتالى

اضغط عالصور لتكبيرها





وطبعا اللمبتين دول هشغلهم مع التكة الاولانيه فى دراع النور بدل ماوصل على زرار الشبورة وناخد توصيلة بقى وحوار فقلت السليم يشتغلو مع اللمض السهارى ودى كانت النتيجة

برضه إتك عالصورة عشان تكبر





وبالمرة ركبت كتاوت نور عشان عليت اللمض ل 200-260 ودا شكل الكتاوت بعد مالكهربائى عمل العملية فى قلب العربية




طبعا الموضوع دا خد وقت عشان التقسيمة بتاعت السلوك والعزل والعربية حوضها صغير وفى نفس الوقت جبت كتاوت اربعة رجل صغيرة لفوانيس الشبورة ودى كانت النتيجة النهائية





روحت من عند الكهربائى بالليل الساعة 1 وانا ماشى شغلت النور لقيت فرق كبير جدا والطريق كله واضح والناس بتتخنق مالنور وفى منهم اللى هيشتم :c_laugh[1]: وخصوصا لما يلاقى مصدر النور دا ماروتى

استنى استنى لسة ما خلصتش تيل الفرامل اللى كنت جايبه بيصفر ودورت على تيل محترم لحد مالقيت تيل ماليزى بتاع هوندا سيفيك 88 بيركب للماروتى ركبته ولقيت مفيش منه مشاكل ولا بيطلع صوت ولا حاجة والتيل مكتوب عليه هوندا ودا شكل العلبة





بالنسبة للصوت انا غيرت الفبرة اللى ورا وعملت واحدة خشب عمولة ورميتها ورا ودى صورتها






ودا فيديو لصوت العربية من جوا
[youtube]http://www.youtube.com/watch?v=qrg71nj85de[/youtube]

ارجو ان يكون الموضوع عجبكم واستفدتم منه

ايوه كدة هيه دى الحاجات اللى تفرح بصحيح
بس انا كنت شوفت زيهم فى المقابلة بتاعة الماروتى فى عربيه الاستاذ/ احمد ابو جنة و كنت اتكلمت عليهم و قاللى ممنوعة فى المرور
بس السؤال ممنوع تركيبها و لا ممنوع تشغيلها
الحاجة اللى عاوز اسال فيها كمان هو النور بتاعهم بيشتغل مع النور الواطى و لا ينفع تفصلهم يعنى لو داخل على لجنة ممكن تفصلهم عن النور العادى و لا مينفعش





نسيت اهم حاجة
نسيت اقولك الف مبروك


.

صحيح الفرش الجميل دة جيبتة بكام و من اين
و كمان شنطة الاسعافات اللى فى العربية فى الشنطة دى ضرورية للمرور و اللجان ولا لاء

باشاا
معلش عايز منك تكلفه كتاوت الكبيرة والصغير كل واحدة لوحدة
وتيل دة امامي صح بتاع هوندا ب40 فى مشاكل بعد كم يوم تركيب ولا لا؟
بخصوص فوانيس شبورة اعتقد كنت علمتها ع اي زرار من جوة وخلاص افضل علشان محدش يتللك مش اكتر
----------
فرش من سنتين يعنى اكيد غلي عامه نشوف اسلام هيروح يسال ولا لا؟

---------------
سماعات زلام تثبتهااااا بمسامير فى مساند بتعتها علشان متخبطتش منك كمان خالي اللى يثبتهم لك
يثبت وياكد ع مساند بتاعت البوردة كمان
انا عندي البااااازوكة هيا اللى ماسكه البوردة بتاعت السماعات واذا شلتها بيكون ماسكين لانى مثبتهم بمسامير
بس مشكل ان كل شويا زلام تعيد عليها بسبب الارض والشوارع الجميله اللى عندناااا هيا مش شوارع هيا تضاريس وهضاب
يلا ......... ومبروك مرة تانيه يباشااا