الموضوع: رابطة مالكي وعشاق التمبرا (الجزء الثالث)

المشاركة الأصلية كتبت بواسطة heshamzaky

بالنسبة للابواب الخلفية عندى ما كانتش بتنور لما بتفتح الباب لان الابواب الخلفية ملهاش زرار فى الباب و لكن لو مركب أنذار ممكن يشتغلو و ينورو من غير ما تركب زراير نهائيا بتتعمل بكوبرى كهرباء بالنسبة للزارا الى بتدوس علية ناحية اليمين دة بينور لمبة فى الفانوس الخلفى يعنى نور زيادة بيقال عليهم فوجات خلفية

شكرا ياكبير --بس انا قصدي علي الدراع الشمال مش اليمين الي هو الزرار الي في الجنب --وياريت تسأل الدكتور ضياء علي التكيف

المشاركة الأصلية كتبت بواسطة JUVENTUS

الزرار اللي في الدراع الشمال بتاع الفوج لايت الخلفي و اللي في الدراع اليمين بتاع السخان اللي في الزجاج الخلفي

شكرا يا ابو حميد علي الرد

مش عارف من ساعت المطر والعربيه معايا بتكركر الصبح عند الدواره فمش عارف العيب من البطاريه ولا من ايه

المشاركة الأصلية كتبت بواسطة caysersosaih

السلام عليكم
ازيكوا يا شبابا واحشني جدا
ومعلش يا هشام كنت في الغردقة ولسه جاي وكنت باخش من الموبايل علي المنتدي اشوف الاخبار وامشي
الحمد لله كانت رحلة كويسة وبسم الله ما شاء الله العربية كانت كويسة رايح جاي
علي فكرة يا هشام انا جبت كمان كاوتشتين من النوع الي كنت ورتهولك انا بصراحة جربته سنتين وكان كويس جدا وطري ومالوش صوت

واحشنى جدا ازيك يا عمى فين أراضيك يا سيدى خلاص الى راح الغردقة مش بيعبرنا هههههههههههه واحشنى يا ضياء مبروك على الكاوتش دة ماركة حلوة جدا ربنا يحفظك يا رب

يا رجالة عاوز سؤال فنى بالنسبة لبارات الدريكسيون شوفت نوعين نوع تركى و نوع يوغسلافى أيهما أفضل مع العلم لما تلف البيضة فى التركى تحس أنها أنشف و اجمد و ناس قالة البارات التركى كويسة بس مش الممتازة و دى صور العلب و حا اوريلكم الفرق بعد كدة بالصور

دى صور البارات الى لونها أسود دى اليوغسلافى لو دققت فى الصورة حا تلاقى انها اتخن شوية انا عارف ان المهم هو البيضة طبعا بس عاوز اوريلكم الفرق