عايزة رايكم فى كولت 2007 اتو

**hebamhmh11** · 12-12-2010 09:31 PM

برجاء الافادة ياجماعة من مالكى الكولت 2007 اتو
معروضة عليه بس شايفة انه معليهاش اقبال خالص ولا حد راكبها
ياريت حد يساعدنى ويقولى استخدامها ايه واستهلاكها للبنزين والاتوماتك بتاعها كويس وقطع غيارها متوفرة برجاء المساعدة

**shriefcolt** · 13-12-2010 06:09 PM

هي عربيه كويسه بس هاتتعبي في قطع غيارها مش هاتلاقيها غير في التوكيل و هاتبقي غاليه لانها بطلت تنزل مصر لان سعرها غالي
والمحرك محدش بيفهم فيه علشان تقريبا 1500cc

لو لاقيتي كولت من موديل 97 الي 2002 ده احسن موديل وقطع غياره متوفره و رخيصه وشكلا أحسن مليون مره من موديل 2007
وسعرها من 39 الي 50 حسب نظافتها

**Ralliart** · 13-12-2010 09:32 PM

العربيه جميله وكويسه وموتورها نفس موتور الشارك بالظبط
بس يعيبها سعر اعادة البيع (وده هيفيدك حالياً لانك هتشتريها رخيصه)
وقطع غيارها الخارجيه(اكصدامات-فوانيس-رفارف.....) مش موجوده غير في التوكيل
وكمان الفتيس قطع غياره مش موجوده غير في التوكيل وهو مختلف عن كل عربيات ميتسوبيشي التانيه لانه ايزي ترونك (زي اوبل وفيات)

**OldVic** · 21-12-2010 07:38 PM

العربية ممتازة من واقع تجربتى معاها حتى الان (شاريها زيرو و حاليا 55 ألف كم و لا أفكر فى بيعها). الفيتيس ليس مثل أوبل و لكنه مثل الكورولا 2008 (أى أن الجير بوكس به تروس عادية و نقل الحركة يكون عن طريق dry clutch عادى و لكن بدون دواسة دبرياج) و هو نظام ممتع جدا فيجمع بين سهولة الاوتوماتيك و توفير و تسارع المانيوال.

العيوب الوحيدة من وجهة نظرى هى اعتمادها على بنزين 95 و ارتفاع اسعار بعض قطع الغيار كتيل الفرامل و لكنها معمرة.

و على فكرة معظم قطع غيارها أوروبية (فرنسا و ألمانيا) و هذه فى نظرى ميزة.

هى معروضة على حضرتك بكام؟؟

**Ralliart** · 21-12-2010 09:51 PM

ما فتيس اوبل (ايزي ترونك) وفيات(دوال لوجيك) بيعتمدو على نفس النظرية بتاعت الـdry clutch اللي موجوده في الكورولا الـmmt

http://en.wikipedia.org/wiki/Easytronic

وجرب تحط بنزين 92 مش هيعمل مشاكل لان موتور عربيتك زي الشارك 4a91 والـCompression ratio — 10.0:1
هيشتغل عادي والناس اللي راكبه شارك بتحط 92

**hebamhmh11** · 07-01-2011 04:48 PM

المشاركة الأصلية كتبت بواسطة oldvic

العربية ممتازة من واقع تجربتى معاها حتى الان (شاريها زيرو و حاليا 55 ألف كم و لا أفكر فى بيعها). الفيتيس ليس مثل أوبل و لكنه مثل الكورولا 2008 (أى أن الجير بوكس به تروس عادية و نقل الحركة يكون عن طريق dry clutch عادى و لكن بدون دواسة دبرياج) و هو نظام ممتع جدا فيجمع بين سهولة الاوتوماتيك و توفير و تسارع المانيوال.

العيوب الوحيدة من وجهة نظرى هى اعتمادها على بنزين 95 و ارتفاع اسعار بعض قطع الغيار كتيل الفرامل و لكنها معمرة.

و على فكرة معظم قطع غيارها أوروبية (فرنسا و ألمانيا) و هذه فى نظرى ميزة.

هى معروضة على حضرتك بكام؟؟

شكرا لحضرتك على الرد واسفة على التأخير فى الرد
الحقيقة مطلوب فيها 65 الف بس ناس كتير قالوا دى غالية كدة هى يادوب 60 حلو عليها
سياتك ايه راىك بس انت اول واحد يشكر فيها كل الناس نصحونى بالبعد عنها علشان قطع الغيار.
خموما شكرا مرة تانية للرد

**OldVic** · 15-01-2011 05:55 PM

أسف على الرد المتأخر و لكن على ما يبدو ان خاصية تبليغ الرسائل هنا بالمنتدى فيها مشكلة ما. على أى حال كما قلت السيارة ممتازة مقارنة بسعرها. طبعا موضوع قطع الغيار احتمال يكون فيه عدم وضوح نتيجة تغيير التوكيل و مدى التزام - او حرص- الوكيل الجديد على توفيرها.

بالنسبة للسعر أنا فعلا معنديش فكرة، و لكن حضرتك حاولى على 60 الف (و خصوصا أن شركة التأمين عندى قدرتها بهذا السعر عند تجديد التأمين العام الماضى) و لكن بعد التأكد من الوضع المستقبلى لقطع الغيار.

بالنسبة الزميل الذى يقترح بنزين 92، و الله الموضوع كان قد قتل بحثا هنا فى المنتدى، أنا أقول الاتى:
الكتالوج و التنبيه على غطاء التنك يقولوا 95 حد أدنى.
استخدام 92 يخمى فيه صوت كركرة شديدة و خصوصا فى المطالع.

بينما يقول الاخرون انه لا بأس من بنزين 92. و القرار هنا لصاحب السيارة.

السؤال هنا لحضرتك، ما هى السيارات الاخرى التى تفكرين فيها؟ و ما هى اولوياتك فى تلك السيارة؟