سؤال مهم جدا بخصوص سرقة البومه

**fouad19852002** · 03-01-2011 10:00 AM

ممكن سؤال ضرورى جدا من أهل الخبره انا عربيتى اتسرقت لاتانى مره اول مره كسر الزجاج وخد الكاست وكسر زراير التكيف تانى مره كان ناوى ياخد العربية بس الحمد الله معرفش عشان العربيه مش بتشتغل الا بالمفتاح الاصلى عشان الشفره بس بقا كسر الكالون بتاع الباب وحاول يدور العربية فابوظ الكونتاك خالص وسرق الرخصة و الكاسيت بس المهم جبت واحد صلح الباب و الكونتاك بس مرجعوش زى الاول

سؤالى بقا طقم الكونتاك و البابين و الشنطه بالمفاتيح الجديده جديد بكام فى التوكيل وخارج التوكيل وبرضو تنصحونى اعمل ايه وشكرا جدا جدا واسف على الاطاله.

ملحوظه محدش يسيب الدركسيون مفتوج.
وشكرا

**M.Nasr** · 03-01-2011 10:14 AM

الحمد لله انها جات سليمة وربنا ستر
ايه موضوع سرقة البوما ده ليه منتشر كده؟

**M!SHO** · 03-01-2011 06:13 PM

قدر الله وما شاء فعل

موضوع سرقة العربيه دى بالذات زاد أوى....ربنا يستر

**fouad19852002** · 03-01-2011 07:12 PM

شكرا جدا جدا على الرد و فعلا الحمد الله انها جت على اد كدا بس ممكن بس تنصحونى أعمل ايه فى ناس بتقول اشترى استيراد وشيل الشفره من على الكونتاك القديم حطها فى الجديد و المفتاح الجديد الي هيجى مع الكونتاك الاستيراد الراجل بتاع المفاتيح هيشيل السن بتاع المفتاح القديم من الريموت ويحط السن التانى الي جاى مع الاستيراد وهيعمل كدا برضو مع المفتاح الاحتياطى وفى ناس بتقول هيعمل مشاكل وناس تقولى روح التوكيل بس اكيد غالى اعمل ايه بجد عشان الموضوع دا مضيقنى جدا جدا جدا ....

وشكرا مره تانية ومستنى الردود

**A7MED_PHARMA** · 04-01-2011 12:21 AM

الانسر بتتسرق علشان مطلوبة في فلسطين...بتتهرب هناك
وبتتفكك قطع غيار..وبتتباع على إنها إستيراد

**husseinsalah** · 04-01-2011 02:43 PM

الحمد لله على اى حال عموما شوف الموضوع دة مفيد نسبيا معايا على الاقل

http://www.nilemotors.net/Nile/186670-a.html

**kar!m** · 04-01-2011 02:52 PM

المشاركة الأصلية كتبت بواسطة a7med_pharma

الانسر بتتسرق علشان مطلوبة في فلسطين...بتتهرب هناك
وبتتفكك قطع غيار..وبتتباع على إنها إستيراد

بخلاف كده العربية منتشرة جدا فى مصر يعنى مثلا لو واحد عربيتة رصاصى ولا نبيتى اتسرقت لا قدر الله .. صعب جدا انه ينزل يدور عليها عشان هيلاقى مئات زيها.

**fouad19852002** · 04-01-2011 04:41 PM

المشاركة الأصلية كتبت بواسطة mgasser

ربنا قدر و لطف ... ربنا يحفظهالك من شر كل آثم

بس انا اللي اعرفه ان فعلا الشفره موجوده في chipset علي الريموت. و ان تغيير السن ده مفيهوش مشكله لو هايتحط علي الريموت بتاعها. بس هو السؤال... مش المفروض الكونتاك الجديد معاه مفتاح ؟ و لو معاه مفتاح يبقي برده هو اللي يدوره ؟ هي الشفره ديه مش عباره عن دايره ما تشتغلش الا بتواجد المفتاح و الكونتاك معا ؟

مش عارف ... يا ريت حد يفيدنا

نصيحه من اخوك ... انت شكلك متراقب, فلازم تمسكهم, يعني اعملهم كمين

ماهو يا باشا الراجل بتاع الاستيراد قالى الكونتاك الجديد هتاخدو بالمفتاح وهتشيل السن القديم من الريموت وتحط السن بتاع المفتاح الجديد بتاع الكونتاك الجديد وبردو الدايره بتاعت الشفره هتتشال من الكونتاك القديم وتتحط على الكونتاك الجديد

وشكرا ليك ياباشا وربنا يستر مش عارف اعمل ايه كل واحد ارحلو يقولى كلمه ومحتار بجد مش عارف اعمل ايه

**kfarouk** · 07-01-2011 08:20 AM

بص يا سيدي انا لسة جايب العربية دي بس للاسف جية بمفتاح واحد فرحت امبارح لواحد اعرفة في العمرانية بتاع مفاتيح و انذار و اتفقنا ان انا حركب جهاز انذار يتبرمج على نفس مفتاح العربية الاصلي و حيشغلي الاتنين ريموت الي معاه بردة على العربية و حيعملي مفتاح جديد مشفر اسيبة في البيت احتياطي زائد ان هما ممكن يغيروا شفرة المفتاح الي معاك يعني لو حد معاه نسخة من المفتاح القديم مش حيعرف يعمل بيه حاجة و قالي لو عايز اغيرلك الاول السنان بتاعت الكونتاكت و الباب و الشنطة بحيث ان المفتاح القديم ما يشتغلش لا شفرة و لا سنون ممكن بس انا قلت لأ مش مشكلة و معادي معاه النهاردة بعد صلاة الجمعة نعمل الكلام ده و حقلكم ان شاء الله اتكلف كام

الموضوع: سؤال مهم جدا بخصوص سرقة البومه

LinkBack

أدوات الموضوع

عرض

-

-

-

-

المواضيع المتشابهه

ضروري استفسار بخصوص البومه

سؤال فى البومه

مساعده بخصوص البومه

بخصوص الموضوع بتاع سرقة البومه

سؤال بخصوص لانسر البومه

الكلمات الدلالية لهذا الموضوع

المفضلات

المفضلات

ضوابط المشاركة