اســــــــــــــكندريه بتغرق :(

**MaZaGAngeE** · 13-12-2010 07:49 AM

ايه ده !!!!!!!
اسكندرية محصلش فيها كده قبل كده .............

امال الفلوس راحت فين ؟ الكورنيش ده من أيام المحجوب

**vinosse** · 13-12-2010 07:57 AM

الفلوس بتروح زى كل حاجة فى بلدنا مابتروح

**shaddadfalcon1** · 13-12-2010 08:25 AM

الفلوس بتروح في الارصفه اللي بتتشال وهي سليمه وتتكسر وتترمي وتاني يوم تلاقي ارصفه جديده وبدل مايملوها رمل لا يملوها مونه كلها وتاني يوم طبعا يجيبو عمال ويكسرو المونه دي كلها والرصفان كمان لانها لازقه في المونه وهكذا

ده غير الأسفلت اللي بيتحط وبعديها ب 5 دقائق يتكسر عشان البلاعات والصرف اللي مش موجودين

**MohssenRashed** · 13-12-2010 08:42 AM

الناس كلها كانت عرفه ان الجو هيقلب اليومين دول و كلو عمل حسابو الا الناس دي تحس انهم صحوا من النوم لقو الدنيا كدة.

ياعم بلا قرف ده كل سنة كدة لازم يسلكو و ينضفو بعد ما البلد تغرق بس المره دي كانت جامدة اوي

**shaddadfalcon1** · 13-12-2010 08:52 AM

انا النهارده نزلت من شقتي الساعه 6:30 عشان الزحمه وعشان الجو كان حلو شويه

بس مكدبش عليكم الفلاحين زمانهم مزقططين
اهلي كانو عمالين يدعو ان الدنيا تشتي وكانو عايزين يصلو صلاة استسقاء عشان الزرع باظ من قلة الشتا
شكلهم كده كانو بيدعو بزمه

السنه اللي فاتت بعد صلاة جمعه صلو صلاة استسقاء وانا كنت واقف معاهم - بصراحه مكنتش عايز ادعي عشان لما الدنيا بتشتقي الطريق بيبقي وحش جدا لانه مش متسفلت

**Deshahcoka** · 13-12-2010 09:38 AM

ده مكنش طبيعي ده وهم اصلاً انا كنت نازل ماشي على الكورنيش و بجد اترعبت ! اسيبكم مع الصور !

بلكونة سيدي بشر الي وقعت على العربية

صور متفرقة عن الي بيحصل !

باقي اهوا !

**otefa** · 13-12-2010 09:52 AM

ربنا يسترها معاكم

**ZALABANY** · 13-12-2010 10:13 AM

دا البحر طلع لحد الكورنيش انا اظن ان الشاطئ الرملي اختفى تمام والميه وصلت لإرتفاع جامد ربنا يسترها عليكم يا اسكندرانية

**n_i_t_e** · 13-12-2010 10:32 AM

مش سيول و بس...الريح كانت جامدة أوي. و الشجر و النخل مخلوع من جذوره. عندي شجرة واقعة بعرض شارع بيتنا و سدته ده غير العربيات اللى شفت ازازها مكسور من الشجر اللى وقع عليها.