اســــــــــــــكندريه بتغرق :(

**pro_samir** · 13-12-2010 02:40 PM

ربنا يستر ويعديها علي خير

كان في دكتور بيتكلم عن موضوع انخفاض مستوي الأرض في اسكندريه وفعلا في مناطق كتير مستوي الأرض تحت سطح البحر ، لو لا قدر الله حصل تسريب من البحر لأي منطقه من دول مية البحر هتدخل من خلالها وتغرق كل المناطق المنخفضه المتصله بيها

**SHNORY** · 13-12-2010 04:55 PM

المشاركة الأصلية كتبت بواسطة frozen_pain

مراسلنا من الاسكندرية ميسو ان شاء الله تعدى الايام دى على خير

واخبار شنورى ايه يارب هو كمان يكون بخير؟

السنة اللى فاتت حصل كده فى القاهرة بس طبعا بنسبة اقل بص القاهرة غرقت فى شبر ماية

انت بس خد بالك من نفسك وحاول انك متسوقش العربية فى الجو ده وربنا يستر طريقك ان شاء الله

بس انا ليا سؤال هو انت اللى مصور الصور دى كلها؟؟؟

يا باشا انا الحمد لله تمام وبخير والف شكر علي سؤالك عليا
ولاشرف فتحي ومحمد صلاح واحمد ياقوت وهاني بيك محمد اللي اتصلوا بيا يسالوا عليا
انا امبارح كنت مانتخ في البيت بس النت كان فاصل عندي

**FunnyMickey** · 13-12-2010 11:41 PM

طمننا ياميسو اخبار العربيه ايه
اعتقد الجو احسن انهارده ياجماعه

النت انهارده مليان صور اسكندريه
مع انها مش هيا المدينه الساحليه الوحيده في مصر
ومع ذلك الخراب كله كان هناك

**SunSet** · 14-12-2010 12:34 AM

كل سنة لما الشتا بيبقى جامد , المية تدافعها بيكون اكبر من سرعة الصرف بيحصل مشاكل في بعض الاماكن

الكلام ده من قبل المحافظ الحالي

على فكرة انا مش من الناس اللي بتحب او بتدافع عن حد كل خمس دقائق يكسر رصيف

**SHNORY** · 14-12-2010 03:18 AM

انا لسه راجع من علي الكورنيش من دقايق
انا شايف ان الخساير تم احتوائها ومفيش اي مشكله في الطريق
هو ناقصه بس مقشه وجاروف وعلبه صمغ ويبقي زي الفل
ومش في كل الاماكن
يمكن الحسنه من وجهه نظري للمحافظ انه اهتم ببلاعات صرف المطر
وقعدوا فتره كبيره يظبطوا فيها ويغيروها
والحمد لله مفيش اي برك ميه في المناطق اللي انا عديت عليها
والجو تحفه بس فيه لسعه برد
ولو الحاج احمد ابراهيم شايف كلامي فعاوز اقوله اني كان نفسي اروح للشيخ وفيق
بس الوقت اتاخر وكنت عاوز اروح
والا كنت حصورلك طبق ام علي بالمسكرات وهو بيطلع دخان من السخونيه

**ahmed-moga** · 14-12-2010 05:08 PM

ربنا يعدي الوقت العصيب ده علي خير ياميسو وان شاء الله تيجي سليمه المهم طمنا عليك
هههههههه كل ده علشان قلت هاجي اققعد في اسكندريه مكنتش اعرف ان فرحة الموج هتبقي عاليه اوي كده ههههههههههه
ان شاء الله خير دية رساله من الله عز وجل علشان الناس اللي انت عارفهم تتعظ وتعرف ان فيه خالق جبار اذا اراد ان يهلك قرية والناس سلط عليهم الهواء والمطر والموج ودول اهون عقاب يارب الناس دول يتعظوا ويعملوا لأخرتهم

**SHNORY** · 14-12-2010 06:12 PM

المشاركة الأصلية كتبت بواسطة ahmed-moga

ربنا يعدي الوقت العصيب ده علي خير ياميسو وان شاء الله تيجي سليمه المهم طمنا عليك
هههههههه كل ده علشان قلت هاجي اققعد في اسكندريه مكنتش اعرف ان فرحة الموج هتبقي عاليه اوي كده ههههههههههه
ان شاء الله خير دية رساله من الله عز وجل علشان الناس اللي انت عارفهم تتعظ وتعرف ان فيه خالق جبار اذا اراد ان يهلك قرية والناس سلط عليهم الهواء والمطر والموج ودول اهون عقاب يارب الناس دول يتعظوا ويعملوا لأخرتهم

من لم يكن الموت له عظه
فلا واعظ له

-

-

الموضوع: اســــــــــــــكندريه بتغرق :(

LinkBack

أدوات الموضوع

عرض

-

-

-

-

-

المواضيع المتشابهه

صور اسكندرية وهى بتغرق فى شبر ميه يوم السبت والاحد

الكارينز بتغرق فى شبر رمل !!!!

إلحق يا قبطان المركب بتغرق؟؟؟؟؟؟!!!!!!

الكلمات الدلالية لهذا الموضوع

المفضلات

المفضلات

ضوابط المشاركة