اســــــــــــــكندريه بتغرق :(

**mbx4e** · 13-12-2010 11:57 AM

المشاركة الأصلية كتبت بواسطة rompo10

الدنيا تلج دا غضب من ربنا

والله عندي نفس الاحساس اللي بيحصل في البلد مش هين الناس بتدوس في رقاب بعض وحجت الظالم انه صاحب حق والمظلوم بيتعلم الظلم من اللي ظلمه يقلك وانا مالي ماانا اتعمل فيا حد نفعني حد جاب لي حقي
وراحت عليك يابلدي
خلاص الضمير و الاخلاق المصرية في النازل
وكله على راي بوحة بقى في مزرطة الخلاط

**Frozen_Pain** · 13-12-2010 12:13 PM

مراسلنا من الاسكندرية ميسو ان شاء الله تعدى الايام دى على خير

واخبار شنورى ايه يارب هو كمان يكون بخير؟

السنة اللى فاتت حصل كده فى القاهرة بس طبعا بنسبة اقل بص القاهرة غرقت فى شبر ماية

انت بس خد بالك من نفسك وحاول انك متسوقش العربية فى الجو ده وربنا يستر طريقك ان شاء الله

بس انا ليا سؤال هو انت اللى مصور الصور دى كلها؟؟؟

**Eng_Mostafa_89** · 13-12-2010 12:43 PM

ربنا معاكم ويعدى الفترة دى على خير

**calipha3** · 13-12-2010 12:53 PM

امطار الخير ,ما شاء الله يا بختكم عندكم شتا و شويه بارد ربنا يبعتلنا شويه,
اساسا البلد بتغرق في شبر ميه بس كلها كيم يوم الشمس هتطلع و تنشفها ولا عزاء لصرف الامطار.

**shaddadfalcon1** · 13-12-2010 12:53 PM

اخر الاخبار
تليفزيون الاعلانات اللي جنب مسرح السلام ولع والمطافي قالبه الدنيا هناك

**adhamsabry51** · 13-12-2010 01:05 PM

والله يا جماعه برغم كل البهدله دي بس انا كنت فعلا مستمنع جدا جدا انا بحب الشتا جدا كفايه ان وقت نزول المطر الغزير(الغيث)دي ساعة اجابه دعاء و كفايه ان اسكندريه بتاعتنا لوحدنا و الله يا جماعه عزززززززز بجد

**medo2o1o** · 13-12-2010 01:08 PM

أنا من موقعي هذا أطلب أجازة بيات شتوي

**shaddadfalcon1** · 13-12-2010 01:08 PM

لو حد اتكلم هيقولو نفس الكلام اللي قالوه لما الجو كان حر وكانو كل شويه يقطعو الكهرباء

اللي هيتقال: ربنا يفرجها من عنده ويشيل العواصف دي

عمري ماهنسي كلمة رئيس شركة الكهرباء اللي اسمه يونس تقريبا لما المذيعه قالتله انتو ايه الحل اللي عندكو غير ان الناس ترشد الأستهلاك قالها الحل من عند ربنا يفرج علينا الحر ده ويبرد الجو شويه

**hosar** · 13-12-2010 02:00 PM

حسبى الله و نعم الوكيل
و كأن المحافظ أصابة الشلل و كأننا كنا فى بلاد الواك واك و هوا فى اسكندرية

**Dr Zezo** · 13-12-2010 02:11 PM

علي ما اذكر ان الاسكندرية كمدينة عندما انشئت كانت عبارة عن برك و مستنقعات من مياه البحر و النيل و هي اراضي منخفضة بالاساس ..

تم ردم اجزاء من هذه البرك و المستنقعات لكي تصبح قابلة للسكن عند انشائها

و استمر وجود البرك و المستنقعات حول المدينة عدا طريقين او ثلاث كانا يصلا الاسكندرية بالبر الرئيسي و كان علي هذه الطرق اسوار و قلاع لصد الغزو عنها

اظن انه منذ 100 او 150 عام تم ردم اجزاء كثيرة من هذه البرك لتصير الاسكندرية علي وضعها الحالي
مع استمرار بقاء اراضي المدينة منخفصة الي حد ما عن مستوي البحر

-و العلم عند الله- البعبع المسمي الاحتباس الحراري ليس وراء الامر

العالم يبدو متزنا الي حد ما فالاحتباس الحراري يسبب ارتفاع درجة الحرارة " صيف شديد " طوال العام.!

مما يذيب الثلوج في القطبين و يرفع من مستوي المياه في البحار و المحيطات "طوال العام"

طيب الشتاء القارس الذين نعيشه الان و الثلوج التي تنهمر علي القطبين و اوربا منذ اسبوع و في الشام منذ يومين ما علاقتها بارتفاع درجة الحرارة و ذوبان الجليد ؟! المفروض الا يكون هناك شتاء اصلا ..
و اذا كان الماء سيغرق الاسكندرية لما لا يغرقها طوال العام و لا يغرقها الا في فصل الشتاء كالعادة حيث ترتفع الامواج الي علو من 3 الي 7 امتار بشكل طبيعي مع العواصف

اري - حسب المتابعة الغير علمية - ان المعادلة متوازنة و سليمة الي الان

صيف حار = شتاء قارس

و هو ما يحدث اذن لا جديد تحت الشمس ..