الموضوع: موسوعة صيانة الدراجات النارية

ان شاء الله رب العالمين سوف اطلعكم على سبب العطل حال اصلاحة

طيب سؤال: هل العيب ده ظهر فجأة و لا بعد صيانة معينة؟ و لا بعد غسلة في البنزينة؟ و لا بعد ما حطيت بنزين من بنزينة معينة؟

أجابة هذا السؤال سوف تحدد في أي أتجاه ممكن يكون العيب

العيب دة ظهر فجاة وانا مش عارف هل هو عيب كربراتير ولا عيب بوجيهات واحيانا المكنة تتظبط يوم او اتنين ويرجع تانى نفس العيب

المشاركة الأصلية كتبت بواسطة mohamedrefaey

العيب دة ظهر فجاة وانا مش عارف هل هو عيب كربراتير ولا عيب بوجيهات واحيانا المكنة تتظبط يوم او اتنين ويرجع تانى نفس العيب

بص يا باشا هل التنتيشة دي عاملة زي ما يكون البنزين بيخلص و لا زي ما يكون الموتور بيفقد قوته و يرجع تاني ؟

لو أنا مكانك وواثق جيدا من الموتور حأبدأ كالأتي:
تغيير بوجيهات
تغير سلك البوجيهات
الكشف علي البوبينات
تنظيف الكربيراتيرات و ضبتها

لو كل ده ما حلش المشكلة يبقي تروح لميكانيكي متمكن مش أي حد

بس قول لينا الأخبار

انا بمون بنزين 92 ومبغيرهوش والتنتيشة عاملة زى ميكون البنزين بيخلص وازاى اعرف ان البوجية انتهى ولازم يتغير

السلام عليكم ورحمة الله وبركاتة

انا الماكنة بتاعتى 400 عادة وبقالها فتره مضايقانى ولما غسلتها وظبطها

بعد ما غسلتها مباشره تقريبا فى المغسله الى غسلها جاب ميه على الشلتة او من تحت المهم المياه وصلت للكهرباء بتاعتها والمياه جت على الالكترونى ومن ساعتها الماكنة مابدورشى

الميكانيكى قالى الالكترونى كدة شكله باظ او اتحرق بس انا فكيتة ونظفتة بالاسبراى الجاف ووديتة لبتاع الكترونيات وقاسه كل المقاومات لقاها شغاله وقالى حطة فى الشمس النهاردة وطبعا انا الميكانيكى الى بتعامل معاه مش بيخلصنى بسرعة وبيركنى جمبه ولو حد فيكم يدلنى على واحد يصلحهولى يبقى تمام انا اعرف انى فى واحد فى الدمرداش هوة الى بيصلح اى الكترونى بس انا محتاج انى الحق اشغل الماكنة قبل العيد بجد لأنى الدنيا بتبقى زحمة وهيه راسى ورجلى

السلام عليكم اخوانى الاعزاء
ارجو منكم المساعدة انا عندى سى بى ار 400 عادى ودايما لما اركن الموتوسكل فترة يوم يكون عندى بوجيةواحد بس غرقان بنزين ولازم اطلعة انظفة وارجعة تانى ومش عارف العيب دة من اية يا ترى كاربرتير ولا حاجة تانية
وكونت محتاج اعرف هل فى حد بيظبط الهواء بتاع الكاربرتير لو حد بيعرف ارجوكم يدلنى على مكانيكى ابن حلال
يظبطة