الموضوع: اوبل فكترا ولا متسوبيشى مكوة

المشكلة انك عايزها في سفر ياعني محتاج ثبات علي السرعات العالية ودا لصالح الاوبل
لو كنت عايزها جوا البلد مطبات ودغدغة كنت هرشحلك الانسر

المشاركة الأصلية كتبت بواسطة formulator

+1

لو المكوة هتستهلك اقل يبقى بس علشان البودى الخفيف....؟؟؟؟!!!!!!!
لكن لو تكنولوجى موتور و شغل كامات و صبابات و حساسات ونسب جيربوكس.... يبقى الأوبل طبعا

كويس والله انا كنت مفكر ان فرق استهلاك البنزين ها يبقا كبير اوى لصالك المكوه

المشاركة الأصلية كتبت بواسطة shooter123

انا كنت واقع في نفس المقارنة ابسط حاجة عملتها ( للاسف لم اكن اشتركت بنايل موتورز العريق ) نزلت لكذا واحد بتاع قطع غيار وسألتهم عايز طقم سيرفيس للمكواة وطقم للفيكترا نفس الموديلات اللي حضرتك ذكرتها تخيلو الفرق كام؟
215 جنية لصالح المكواة
يعني كل 10000 حتدفع 215 جنية زيادة لو اشتريت الفيكترا

وتوكلت علي الله واشتريت المكواة من سنه والي الان والحمد لله ماشية معاي زي الفل وبسافر بيها بين القاهرة والاسكندرية والمنصورة
وعادي جدا يعبها بصراحة متناهي عدم الثبات بعد ال 140 فقط وليس لها اي عيوب اخري يكفي ان وانت ماشي ممكن اي حد يطلب شرائها منك عكس الاوبل
بالاضافة لامكانية التعديلات الشبابية عليها بمنتهي السهولة وايضا عكس الاوبل اللي شكلها انا بعتبره صارم كالالمان تماما
ربنا يفوقك لما فيه الخير

والله ال 215 جنيه مش كتير لو ها تدفعهم كل 10000 و تركب عربيه احسن و موضوع عدم الثبات بعد ال 140 اللى فى المكوه مش عيب اوى للى بيحب يمشى بسورعه معقوله 140 كتير برضو انما لو عدم الثبات على 110 او 120 تبقا مشكله و شكرا على المعلومه و الدعاء و كويس انى لقيت حد قارن بين نفس العربيتين و نفس الموديلات و ربنا يوفقك و كويس انك مش ندمان انك استقريت على المكوه دى اهم حاجه

المشاركة الأصلية كتبت بواسطة MarEgypt

عندى رأى مختلف شويا وخارج المقارنه

لو المانى فكر فى سكودا اوكتافيا - الشكل والقوه والثبات والامان والاعتماديه والكماليات والاعطال والصيانه وقطع الغير أفضل من أوبل (ومصاريف الاستهلاك والاستعمال أقل من أوبل)

لو يابانى فكر فى هوندا سيفك - برضوا أفضل من المتسوبسشى فى كل حاجه (وبخاصه SiR)

وسواء الاوكتافيا او السيفك أفضل من المتسيوبيشى والأوبل (بس هتزود المبلغ شويا مش كتير)

هو انا مش عايز ادخل نفسى فى حيره اكتر و انا ركبت اسكودا اوكتافيا a4 موديل 2007 و للاسف الكبينه بتاعتها صغيره فعلا ما كنتش اعد مرتاح خالص الاوبل فكتر الموديلات اللى قلتها اوسع منها فى الكبينه فعلا معرفش ايه نظام ال a5 وسعه فى الكبينه ولا لا معرفش بس لو قلنا ال a5 ها نتكلم فى فرق فلوس كبير و انا معاك ان الاوكتافيا عربيه اعتماديه فعلا و بالنسبه للسيفك فا انا معرفش عنها حاجه خاااالص و شكرا على مجهودك و النصيحه و ربنا يوفقك