اوبل فكترا ولا متسوبيشى مكوة

**amr23zn** · 14-12-2010 01:01 PM

كنت عايز اعرف ايه الانسب فى العربيتين دول اوبل فكترا 2001 ,2002,2003 و المتسوبيشى لانسر مكوة 2001 ,2002,2003 برضو نفس السنين من حيث الوسع و تحمل السفر و اعادة البيع انا عارف ان الفكترا الموديلات دى الكبينه بتاعتها و سعه و مريحه بالنسبه للطول بس المكوه معرفش ايه ظروفها و العربيتين سعرهم متقارب الى حد كبير.

**Mohammmed** · 14-12-2010 01:50 PM

المكواة تكسب فى سعر اعادة البيع واسعار قطع الغيار
والكابينة بتاعتها مش ضيقة

**ashouhdy** · 14-12-2010 02:26 PM

الاوبل سوقها ضااااااااابع فى مصر ويكاد يكون فاشل

**M.Alaa92** · 15-12-2010 10:31 AM

الانسر تستحمل عادى جداا

**MASERATI** · 15-12-2010 11:47 AM

السلام عليكم و رحمة الله و بركاته

أنا الصراحة عمر ما كان عندى لا لانسر مكوة و لا فكترا , بس من كلام أصحابى عن الأوبل فكترا , أرشحلك اللانسر المكوه, و ربنا يوفقك و يكرمك ان شاء الله .

**M.Elgergawy** · 15-12-2010 01:05 PM

الاوبل طبعا في الاستابلتي والاعتمادية أقوى من المكواة بس مش كتير الفرق مش قوي انما قطع الغير واعادة البيع طبعا لصالح المكواه وقطع الغيار لصالح المكواه ولو عايز رأيي كمل شوية وهات بومة مثلا 2004 والشكل طبعا قريب من 2011 وربنا يوفقك

**فادى محمد** · 15-12-2010 02:16 PM

الفيكترا طبعا اقوي علي التحمل والسفر ثبات خيالي ومتعه في القياده وقطع غيارها مش غاليه زي مالناس فاهمه ولكنها معمره جددددا غير وانسي يعيبها ان مش اي حد يمد ايده فيها ويصلحها تكنولوجياتها معقده شويه زيها زي معظم الاوروبي +سوقها في مصر ضعيف ..

المكواه ليست باعتماديه الفيكترا طبعا انما تقدر تقول عمليه -قطع غيار رخيصه انما مش معمره -تفتقر الي الثبات ونظم الامان -قعده الكنبه الخلفيه مش مريحه- شكل شبابي- محفوظه بالنسبه للفنيين والميكانيكيه -سعر اعاده البيع ممتاز