لمفروض كل واحد يعيش علي قده و في حدود امكانياته حيعيش معقول لكن مثلا ممكن تلاقي واحد دخله 300 جنيه و جايب قرطة عيال و قاعد يشتكي الفقر و يلعن اليوم اللي جه فيه الدنيا و الحكومة و النظام و البلد طب ما انت كنت قادر تجيب عيل واحد و تربيه معقول و تعيش مش بقول كويس انما معقول
يعني لما كان احمد نظيف في الاقصر قابله راجل بسيط و اشتكاله انه عنده 5 عيال و امهم و مرتبه 200 جنيه ..كل الناس طبعا هاجمت الحكومة و اللي عاملاه في الناس و مافيش شك في كده ان الحكومة مبهدلة الناس انما ماحدش فكر طيب الراجل ده ايه اللي خلاه يجيب 5 عيال لما ظروفه ملخبطة كده يعني هو جايبهم عشان يشحت عليهم او يبهدلهم في الدنيا ...فحرام عليه برضه انه يجني علي بني ادميين بالشكل ده
يعني مثلا انا و الحمد لله دخلي معقول في الزمن ده و ممكن اخلف تلات عيال انما انا شايف ان دلوقتي عشان اربي جوز القرود اللي عندي تربية اسلامية صحيحة و صحية و في مستوي معقول مش مناسب اني الخم نفسي و مراتي اللي متبهدلة مع مازن اللي في كي جي 2 و مش ملاحقة تتحكم في مالك القنبلة صاحب السنتين فالموضوع يا جماعة محتاج تنظيم مش اكتر لاني بشوف ناس ظروفهم اقل من ظروفي كتير و مخلفين اورطة عيال و بيشتكوا الزمن و البلد و كل حاجة


محمد فهمي