انا مش عارف ازود الهوندا مياه تبريد

**wellfine** · 18-12-2010 08:55 PM

ماجد بيه اكيد شركه هوندا هتبيع العربيه و معاها قمع عشان تزود المياه
اكيد فى تكه بس انت مش قادر توصلها ممكن كلام سمسم يكون صح
و فعلا فى العربيات الموديلات الحديث مالكش دعوه بالريداتير خالص كل تعاملك مع القربه بس
فى حاجه تانيه الهوندا كلها الحراره بيتاعتها مش بزيد عن الربع فى اقصى تقدير بتوصل الى الربع غير كده يبقى فى مشكله فى دوره التبريد و كل حال روح للتوكيل لو مش قادر توصل للقربه و بعد كده انت هتكون إتعلمت تزود مياه إزاى
حاجه تانيه انا اعرف ان العربيه فى اول 3 الى 5 سنين متفتحش الكبوت خالص لا للمياه او غيرة
زاى بقى انت بتحس ان السخونيه بتاعت العربيه عاليه
معلش روح للتوكيل اسلم حل و انت هتعرف العمليه هتتعمل بعد كده إزاى

**eng_maged** · 19-12-2010 09:20 AM

لا يا باشا العربيه مسخنتش ولا حاجه كل مافي الموضوع ان القربه الاحتياطي اقل من ال min فطبعا كان لام ازودها
عموما انا كلمت التوكيل وقالي تزود في القربه علطول بس تستخدم ازازه صغيره عشان تخش تحت الفبره وعملت كده ونفعت فعلا
انا بس كنت قلقان لو فتحت القربه - العربيه تسحب هواء مع المياه - بس هو طمنني ان مفيش مشاكل

والهوندا سيتي عموما مفهاش مؤشر حراره زي معظم العربيات الجديده - هو علامتين سخن وبارد وبس على كده

**abd_el_7amid** · 04-01-2011 02:11 AM

تصدق... انا عمرى مابصيت على موضوع المياه دا
مش عارف ليه ... بس كويس انك اثرت الموضوع والحل
وفى نوع معين من المياه الخضراء ولا ايه؟؟؟؟

**eng_maged** · 04-01-2011 07:41 AM

مش عارف بس انا حطيت مياه خضراء - معتقدش ان المياه الخضرا انواع

**abd_el_7amid** · 04-01-2011 11:38 AM

زمان لما كان معايا النوبيرا كنت عند واحد بتاع قطع غيار واكسسورات وليقت عنده مياه خصراء مخصوص لل بي ام مستوردة فاعتقدت ان الماركات الكبيرة ليها حاجات خاصة

**M_Nabil** · 04-01-2011 03:33 PM

هو مافيش أنواع من المياة الخضراء مخصصة لسيارات بعينها أنما الأختلاف بيكون في نسب ونقطة درجة الغلايان والتجمد من فئة لأخرى ومن شركة لثانية طبقاً لدرجات حرارة الجو عشان زى ما أنتم عرفين في أوروبا درجات الحرارة في الشتاء بتوصل 10 درجات تحت الصفر، عن نفسى بستخدم نوع أسبانى أسمه IADA العبوة 5 لتر وتركيزها %5 وأعتقد مش محتاجين تركيز أعلى من كدة عشان طبيعة الجو عندنا في الشتاء وسعرها 35 جنية وده الموقع بتاع الشركة اللى يحب يطلع عليه http://en.iada.es
/productosDet.aspx?idc=74&id=8