بتعمل إيه لما حد بيضرب كلاكسات على الفاضى !!

**mhmdsfwt** · 16-12-2010 10:56 PM

بدعيلة بالهداية

**ahmed88hassan** · 17-12-2010 06:52 AM

بطبيعتي و بشهادة كل صحابي اني بارد و مستفز شوية
فـ انا مش بظلمه
الأول ببص عليه و اشوف انطباع وشه و هوه بيكلكس
لو شكله متوتر و بتاع يبقي مستعجل و بعديه وخلاص
لكن لو انطباع الوش عادي بتبقي مامته داعيه عليه
لأن بحرص جدا انه ميعديش من ورايا و بحاول امشي بأبطئ سرعة ممكنة لدرجة اني ممكن اقف

هحكيكوا موقف :
كنت مرة ماشي في شارع احمد عصمت فـ عين شمس و ورايا عربية من العربيات الملاكي اللي عاملة فيها تاكسي
و ده شغال تت تت تت تت تتتتتتتت
بصلته لقيته اساسا مش باصص ع الطريق !!
صبرت عليه .. مبيبطلش و اساسا الشارع بطئ
روحت سكت و اول ما وصلنا للحتة الوحيدة اللي الشارع بيمشي فيها روحت اقف و نازله و بكل برود و استفزاز روحت قولته: عند مشكلة يا اسطي ؟
قالي: عايز ايه و ايه اللي موقفك في وسط الشارع ؟
قولتله: اصلك قاعد تكلكس من أول الشارع .. انا قولت انت محتاج مساعدة ولا حاجة
قالي: يا عم امشي يا عم عطلتنا و بيزعق
روحت راجع للعربية بهدوء و احساس الانتصار لما لقيته متعصب جدا و قاعد يزعق والناس تقوله معلش و طبعا لغاية منا خرجت م الشارع هوه مش عارف يعديني ( بقفل عليه بخباثة و برود برده)

المشاركة الأصلية كتبت بواسطة cyborg_ift

ده ممكن تسميه ثقافة الميكروباصات عامل زي العيل اللي مسكوه زماره أو زي الهبله اللي مسكوهه طبله

الحتة دي جامدة التنين

**amr100** · 17-12-2010 08:23 AM

المشاركة الأصلية كتبت بواسطة amribrahim

واحد صاحبي معاه دودج رام و كل مرة اركب معاه و يحصل الموقف ده صاحبي يقوم متنح و يمشي بطيء و يقفل الطريق لما الوراه يحاول يطلع منه يروح قافل عليه لغاية لما يعلمه الأدب ههههههة

انا على طول بعمل كده ابطئ سرعة في العربية ولما بيحاول يطلع مني مبيخهوش يطلع لحد مجننه

**SonaSteel** · 17-12-2010 08:46 AM

المشاركة الأصلية كتبت بواسطة wasta

ياباى على ده مرض

كان زمان بتوع الميكروباصات بس اللى بيضربوا كلاكس دلوقتى معظم الناس إتعديت منهم

أنا ببقى ماشى وألاقى صوت كلاكس مزعج جدا أبص ورايا ملاقيش حاجه منين ياجدعان الصوت ده ألاقيه موتوسيكل وبعيد عنى ومفيش حاجه أمامه أساسا

و أبقى ماشى والطريق واقف وألاقى واحد ورايا عمال بيب بيب بيب بيب والطريق واقف
حاجه تشل

إنت لما حد بيزمرلك بدون سبب بتعمل إيه

أنا عن نفسى ببصله بصت إستغراب وقرف اللى هيه تحرجه

أو بعديه منى وبجرى وراه وبديله نفس الزماره

اللى هوه كان بيعملها ويبصلى فى المرايا ويضحك أو يعمل عبد الحميد

أو لو بوخ قوى بشتمه وأقوله جاك داق الميه لما تدقر من تحت منك

ههههههههههههههههههههههههه ههههههههههههههههههههههههه هههههههههههههههه
لا والله هي دي فعلا الحاجة الوحيدة اللي بتحرق دمي وانا سايق ..............

انا بعمل ايه بقي .. لو هو ورايا علي طول ....... وكان بيزمر والطريق ماشي ........... اروح مهدي علي الاخر لغاية ما اوقفه .. وابصله بصه يتحرق وهو واقف مكانه

انا مش عارف بتوع الميكروباصات دول بيخلفوا ازاي بعد السواقة العجيبة ديه ............ انا اعصابي بازت من ركوبي معاخم والله
وياسلام بقي لو قعدت جنب السواق ........... قاتقطع كل حاجة نور وكهربا وخلف وكل حاجة .... ههههه
حسبي الله ونعم الوكيل

**power** · 17-12-2010 06:39 PM

في العادي بزعق بس موه كان معايا واحد صاحبي و كان يومها مزاجي رايق شويه وتاكسي ورايا عمال كلاكسات فكل واحد مننا طلع ايده من الشباك و قعدنا نرفرف بادينا السواق تنح ونزل لينا من التاكسي وقالي بتعمل ايه يا باشا قواتله السكه واقفه فقلت اطير انا علشا ترتاح لقيت بقه وقع علي صدره من الذهول وفال مش قاصدي انت يا باشا انا بدي كلاكس للي معطل السكه قدام

**devilishtigers** · 17-12-2010 07:19 PM

ببقى عايز انزل اقوله (يعني ربنا اداك دول علشان تشوف بيهم والسكة واقفة بتكلكس ليه)
وساعات ببصله بصت قرف
وساعات بقف مكاني 10 ثواني رخامة لما الطريق يفتح ولو كلمني اقوله (لقيتك بتكلكس والدنيا واقفة قولت اخليك تكلكس لسبب)
بجد حاجة مستفزة وتنرفز

**Amrrr** · 20-12-2010 01:01 PM

المشاركة الأصلية كتبت بواسطة love7amada

عشان عربيته لادا نيفيا ف عاليه ع فالنور ضارب عندي ف المرايات قالبها فوانيس هيا كمان اشاورله و برده لا مبالاه ف التصرف ده جه غصب عن الواحد
هوا الغلط ف انني شديت ع الكوبري معاه و لما حدف عليا طلعت منه بس اني اقف قدامه و اوقف الطريق هوا فعلا كان يستاهل ده

معلشي هو الموضوع كله غلط مش عشان عالكوبري !!! دي نيفا ... انت مخفتش من رد فعله :) وكمان حدف عليك وانت طلعت قدامه فرملت ؟؟؟
:b4_611: العربيات دي انا ببقى مسالم معاهم اوي

**Amrrr** · 20-12-2010 01:03 PM

المشاركة الأصلية كتبت بواسطة puyol

أنا مرة كنت ماشي في شارع روض الفرج والدنيا زحمة ودخلة العيد وكان في سواق تاكسي فيرنا ورايا من أول الشارع هات يا كلاكسات لغاية لما قولتله أطير يعني والا اعمل ايه المهم فضل شغاااااال تيت تيت تيت المهم روحت راكن وفتحت الباب ونزلت فتحت الباب بتاعه ورحت ماسكه من القميص كدا من ناحية ( قفاه )

وزعأت جامد إنت عايز إيه خنقتني والله كنت هضربه أنا عايز أقولكوا هو متكلمش ولا كلمه وكان مستغرب جدا وطبعا طووول الطريق بعد كدا قمة الهدوء والجمال يااااااااااااه

في ناس اتعودت على كدة وبيبقى مش واخد باله عشان كدة قلة الكلام والاحتكاك بيهم احسن عشان ماتحرقشي دمك !!!

**wasta** · 21-12-2010 05:22 PM

المشاركة الأصلية كتبت بواسطة power

فكل واحد مننا طلع ايده من الشباك و قعدنا نرفرف بادينا السواق تنح ونزل لينا من التاكسي وقالي بتعمل ايه يا باشا قواتله السكه واقفه فقلت اطير انا علشا ترتاح

ههههههههههههههههههه

-

الموضوع: بتعمل إيه لما حد بيضرب كلاكسات على الفاضى !!

LinkBack

أدوات الموضوع

عرض

-

-

-

-

المواضيع المتشابهه

كلاكسات أوكتافيا

كلاكسات اوكتافيا

كلاكسات الأوبل

كلاكسات للألنترا

قاهرة.. بدون كلاكسات

الكلمات الدلالية لهذا الموضوع

المفضلات

المفضلات

ضوابط المشاركة