الموضوع: إعادة تشغيل مثبت السرعة في ميجان ii: تقرير بالصور

ناس كتير بتسأل على المنتدى مؤخرا عن تركيب مثبت السرعة في ميجان. أنا قلت اريح الناس واعمل تقرير عن إعادة تشغيل مثبت السرعة في ميجان راجيا أن يكون في التقرير الإجابات الشافية عن الموضوع
اولا: مصطلح مثبت يقصد به مثبت السرعة cruise control ومحدد السرعة speed limiter
ثانيا: الشكر للعقيد خالد على دعمة ومساعدته للعبد لله وتعليمه لي السواقة بالمثبت
والشكر للشيخ جمال بتاع الاستيراد في الحرفيين، الرجل الذي وفر جميع المستلزمات بتاعة المثبت بس انا ماشترتش علشان الطارة عنده طلعت سودا مش بيج مع إعتذاري الشديد
والشكر للمهندس خالد الزيني (فرنش موتورز) إللي جاب لي الطارة البيج وركبت عنده وسمح لنا بالتصوير
والشكر للمهندس احمد (فرنش موتورز) يكاد يكون الوحيد إللي فاهم في renault clip ومابيفتيش
والشكر للفني والصنايعي الشاطر عماد (فرنش موتورز) إللي ضايقته كتير بالتصوير اثناء التركيب


لماذا إعادة تشغيل وليس تركيب؟
مثبت السرعة اساسي في كل عربيات الميجان II . فهو اساسي في الاكسراتير الإلكتروني، والفرق الوحيد هو وجود الضفيرة من عدمه. وحتي إذا كانت الضفيرة غير موجودة فإنه يمكن تركيبها. هذا التقرير لا يغطي عمل ضفيرة مثبت السرعة فقط يغطي العربيات الموجود بها الضفيرة فقط.
اللينك دا فيه تفاصيل عمل ضفيرة المثبت بالبولندية (ممكن تترجمة بجوجل او ياهو)
Zobacz temat - [Megane II phI] Montujemy TEMPOMAT w MII

كيف اعرف إن الضفيرة موجودة؟
فك الوش إللي فيه زراير تحكم في مستوى إضاءة التابلو ونور الفوانيس الأمامية. لو لقيت وراه فيشة نتاية فيها 6 خروم واصلة بسلك زي ما باين في الصورة يبقى عندك ضفير المثبت جاهزة (الصورة منقولة)


لو الضفيرة موحودة يبقى ناقص ايه؟
- وش جديد part number 8200079020


- طبة علشان مايبقاش في فتحة 8200193673


- زرار مثبت (دي صورة لزرار استيراد ماعرفش رقمه)



- طارة بالايرباج فيها زراير تحكم المثبت (استيراد برضة)


- شريط ايرباج بيجي معاه دراعات المساحات والنور بس الكاسيت لأ 8200216465

طريقة التركيب

تركيب الوش سهل ممكن تعمله بنفسك يعني زرار المثبت في سوكت الضفيرة وبعدين الزارير والطبة في الوش وبعدين تقفل كل حاجة زي الصورة دي


فك وتركيب الطارة يفضل يعمله فني ولازم بعد التركيب يتكشف على الكمبيوتر علشان الايرباج وعدلة الطارة بتتظبط على الكمبيوتر (دا لو مهندس الكمبيوتر بيفهم اصلا)

1- الشكل القديم


2- فك الأيرباج


3- فك الطارة


4- فك الشريط


5- تركيب الشريط الجديد


6- تركيب الطارة وبعدين الايرباج


7- تحط العربية على الكمبيوتر تظبط الأيرباج وعدلة الطارة مع العجل معدول

8- تشغل بيانات المثبت على شاشة البيانات. لوماعملتش الخطوة دي المثبت هايشتغل برضة بس مافيش بيانات هاتظهر على الشاشة، يعني ظبط نفسك على العدادات

9- تجرب تشغيل المثبت على الواقف بواسطة زر تشغيل المثبت إللي راكب في الوش. المفروض الشاشة تكتب

ولما تشغل محدد السرعة المفروض الشاشة تكتب


10- اطلع جرب وادعي لي